Саяхан дарга Ши Жиньпин Африкийн холбооны 36 дахь дээд хэмжээний уулзалтад баяр хүргэсэн захиа явуулсан. Үүнийг Африк-Хятадын харилцааны хөгжилд Хятад улс ихээхэн ач холбогдол өгч байгааг дахин харуулж байна гэж Африкийн олон орны хүмүүс үзэж байна. Африк, Хятадын янз бүрийн салбарт бодит хамтын ажиллагаа хоёр талын ард түмэнд ашигтай хэвээр байх болно гэдэгт бат итгэж байна. Африкийн ард түмэн Хятад-Африкийн өндөр түвшний хувь заяаны хамтын цогцыг бүтээн байгуулахыг тэсэн ядан хүлээж байна.

     Хятад, Африкийн харилцааны хөгжилд хятад улс ихээхэн ач холбогдол өгч байна

    Ши Жиньпин баярын цахилгаандаа: 2022 онд Хятад,Африкийн харилцаа хөгжлийн сайхан эрч хүчээ хадгална гэж хэллээ. Хятад-Африкийн хамтын ажиллагаа нь бүхэл бүтэн, олон түвшин, чанарын өндөр түвшинд хөгжсөөр байгаа бөгөөд Африктай олон улсын хамтын ажиллагааны тэргүүн эгнээнд явж байна. Хятад улс Хятад-Африкийн харилцааны хөгжилд ихээхэн ач холбогдол өгч, хоёр талын стратегийн харилцан итгэлцэл, прагматик хамтын ажиллагааг идэвхтэй гүнзгийрүүлэн хөгжүүлсээр байна. Африкийн орнуудын хүмүүс үүнийг өндрөөр үнэлж байна. Африкийн Холбооны хөдөө аж ахуй, хөдөөгийн хөгжил, хөх эдийн засаг, байгаль орчны тогтвортой хөгжлийн асуудлаарх гишүүн Хосефа Сако:

- Дарга Ши Жиньпиний баяр хүргэсэн захиас нь Хятад улс Африктай ойр дотно харилцаатай байгааг харуулж байгаа бөгөөд Хятад улс Африк-Хятадын хамтын ажиллагаанд ихээхэн ач холбогдол өгч байгааг харуулж байна гэж хэллээ. Тэрээр Африкийн Холбооны чуулганы төв, Африкийн өвчин эмгэгийг хянах, урьдчилан сэргийлэх төв зэрэг Хятадын тусламжтай төслүүдийг жишээ болгон дурдаад, Хятад улс Африкт бодит үйлдлээрээ хөгжлийг хангахад чин сэтгэлээсээ тусалсан гэж илэрхийллээ.

Этиопын Аддис Абебагийн их сургуулийн профессор Костантинос Ши Жиньпингийн баяр хүргэсэн захиас нь Хятад улс Африкт байнга ач холбогдол өгч байгааг харуулж байна гэж үзэж байна. Дэлхий дахины тодорхой бус байдал өсөн нэмэгдэж байгаа ч Африк-Хятадын түншлэл улам бүр цэцэглэн хөгжсөөр байна. “Бүс ба зам” санаачилгаар дамжуулан Хятад улс Африкийн орнууд, тэр дундаа Этиопт дэд бүтцийн төслүүдийг тасралтгүй дэмжиж ирсэн.

Дарга Ши Жиньпингийн баяр хүргэсэн захиасаас Руандын хэвлэл мэдээллийн Жералд Мбанда харилцан итгэлцлийн сайн түншүүдийн хувьд Африк, Хятад хоёр гар, мөр зэрэгцэн алхсаар байх болно гэж уншив. "Хятад улс Африкийн худалдааны хамгийн том түнш болоод олон жил болж байна. Хятад Африкийн түншийн харицаа нь Африкийн орнуудад Африкийн “2063 оны хөтөлбөр” болон Африк тивийн чөлөөт худалдааны бүсээр дамжуулан хөгжлийн зорилгоо биелүүлэхэд нь туслана."

              Африкийн хөгжилд Хятадын оруулсан хувь нэмэр бодитой

- Гана улсад Хятадын аж ахуйн нэгжүүдийн хэрэгжүүлж буй Тамари гүүр зэрэг хэд хэдэн төсөл хэрэгжиж дууссан нь Ганын алслагдмал бүс нутгуудын замын нөхцөл байдлыг ихээхэн сайжруулж, Ганын ард түмэнд бодит тав тухыг авчирч, цаашлаад орон нутгийн эдийн засаг, нийгмийн хөгжлийг дэмжсэн юм. Гана дахь Хятадын эмнэлгийн баг ард түмэнд нүдний болор цайрах өвчний мэс засал үнэгүй хийж, амьдрал ядуу олон өвчтөнд дахин харах боломжийг олгосон. Ганын загас агнуурын боомтод зориулсан цогц байгууламж барихад Хятадын тусламж ч мөн жигд хөгжиж байна гэж Гана-Хятадын нөхөрлөлийн холбооны ерөнхий нарийн бичгийн дарга Бенжамин хэлэв.

Хятад, Гана улсуудын практик хамтын ажиллагааны үр дүнг жагсааж, Африк-Хятадын найрсаг хамтын ажиллагаа Африкийн ард түмэнд ашигтай хэвээр байгаа бөгөөд Африк-Хятадын найрсаг хамтын ажиллагааны ирээдүйд илүү итгэлтэй байна гэж Бенжамин дүгнэжээ.

Замби улсын Коппербелтийн их сургуулийн профессор Жон Бвария, Хятад улс Африк тивийн тусгаар тогтнол, хөгжлийг үргэлж дэмжиж ирсэн бөгөөд Африкт туслах ямар ч нөхцөлийг хавсаргаагүй гэдгийг цохон тэмдэглэв. Африкийн интеграцчилал, дэд бүтцийн бүтээн байгуулалт, нийгмийн эрүүл мэндийн салбарт Хятад улс Африкийн орнуудад хүчтэй дэмжлэг үзүүлсэн бөгөөд Африкийн орнууд үүнээс ихээхэн ашиг тус хүртжээ.

-Хятадын тусламжтайгаар Африкийн уялдаа холбоо, дэд бүтцийн бүтээн байгуулалт улам сайжирсан. Энэ нь Африкийн дотоодын худалдаа, хөрөнгө оруулалтыг хялбарчлах, эдийн засгийн интеграцчлалыг ихээхэн дэмжиж, Африкийн орнуудад аж үйлдвэржилтийн хөгжлийн боломжуудыг авчирсан юм гэж Замби улсын их сургуулийн инженерийн мэргэжилтэн Дэннис Мваба хэлэв.

Хятад-Африкийн өндөр түвшний хувь заяаны хамтын цогцын бүтээн байгуулалтад гар нэгдэн дэмжиж байна

        Дарга Ши Жиньпин баярын захиандаа: Хятад-Африкийн найрсаг хамтын ажиллагааг цаашид улам бэхжүүлж, олон улсын болон бүс нутгийн үйл ажиллагаанд нягт уялдаа, хамтын ажиллагааг хөгжүүлэх, Хятад-Африкийн өндөр түвшний хувь заяаны хамтын цогцын байгуулалтыг дэмжихэд Африкийн удирдагчидтай хамтран ажиллахад бэлэн байгаагаа онцлон тэмдэглэжээ.

- Хятад-Африкийн өндөр түвшний хувь заяаны хамтын цогцын бүтээн байгуулалтад Ши Жиньпин онцгой анхаарал хандуулсан нь Африкийн ард түмнийг хүлээлтээр дүүргэжээ. Хятад улс Африкийн орнуудтай үргэлж хамт зогсож, Африкийн орнуудыг илүү сайн хөгжихөд нь туслахын тулд олон улсын болон бүс нутгийн үйл ажиллагаанд зохицуулалт, хамтын ажиллагааг чанд баримтална. Африк-Хятадын хамтын ажиллагаа ирээдүйд улам гүнзгийрч, хоёр талын ард түмний ашиг тусын тулд илүү үр өгөөжтэй үр дүнд хүрнэ гэдэгт би итгэдэг гэж Сенегалын "Нар" сонины Хятад дахь сурвалжлагч асан Амадо Диоп хэлэв.

Кенийн олон улсын мэргэжилтэн Кавинс Адехайр хэлэхдээ, Хятад улсын дэмжлэгээр Африк нь хөгжлийн үр дүнд хүрсэн. Хятад, Африк хоёрын хүн амын нийт тоо дэлхийн нийт хүн амын гуравны нэгийг эзэлж байна.  Африк, Хятадын хооронд Хятад-Африкийн өндөр түвшний хувь заяаны хамтын цогцыг бүтээн байгуулах нь бүх хүн төрөлхтний сайн сайхан байдлыг дэмжихэд ихээхэн ач холбогдолтой.

Африкийн Холбооны Эрүүл мэнд, хүмүүнлэгийн асуудал, Нийгмийн хөгжлийн асуудал хариуцсан комиссар Мината Самат хэлэхдээ, Хятад улс Африкийн чухал түнш бөгөөд Хятад-Африкийн хамтын ажиллагааны форум нь хоёр талын хамтын ажиллагааг бэхжүүлэх маш сайн тавцан болж байна. Африк Хятадтай хамтын ажиллагаагаа үргэлжлүүлэн бэхжүүлж, туршлага солилцоно гэж найдаж байна. Энэ нь “2063 оны хөтөлбөр”-ийг хэрэгжүүлэхэд хувь нэмэр оруулна.

Танзанийн Дар-эс Саламын их сургуулийн Хятад судлалын төвийн захирал Хамфри Мошигийн хэлснээр, Хятад-Африкийн хамтын ажиллагааны форумын хүрээнд Африк, Хятад хоёр дэд бүтцийн бүтээн байгуулалт, ядуурлыг бууруулах, чадавхжуулах чиглэлээр үр өгөөжтэй хамтын ажиллагааг бий болгосон. Хятад улс Африкийн эдийн засаг, нийгмийн хөгжлийг тууштай дэмжиж байдаг.

- Африк, Хятадын харилцан ашигтай хамтын ажиллагаа цаашид улам гүнзгийрч, бэхжинэ гэдэгт би бат итгэж байна. Ирээдүйд хоёр талын хамтын ажиллагааг улам сайжруулж, дээшлүүлэх, Хятад-Африкийн өндөр түвшний хувь заяаны хамтын цогцын бүтээн байгуулахыг тэсэн ядан хүлээж байна гэж Мокси хэлэв.