Төрийн зөвлөлийн гишүүн бөгөөд Гадаад Харилцааны Сайд Ван И 04-р сарын 07-ны өдөр Монгол Улсын Гадаад Харилцааны Сайд Б.Батцэцэгтэй утсаар ярив.
Ван И хэлэхдээ "Монгол Улсын ерөнхий сайд Л.Оюун-Эрдэнэ Бээжингийн Өвлийн олимпын нээлтийн ёслолд оролцохоор Хятадад тусгай айлчлал хийсэн бөгөөд Ши Жиньпин дарга, ерөнхий сайд Ли Кэчян нар тус тус уулзаж, чухал зөвшилцөлд хүрч, хоёр талын харилцааг хөгжүүлэх хамтын ажиллагаанд шинэ түлхэц өгсөн юм. Олон улсын байдал ээдрээтэй байх тусам Хятад, Монгол хоёр ойрын хөршийн хувьд харилцаа холбоогоо бэхжүүлж, харилцан итгэлцлээ нэмэгдүүлж, хамтын ажиллагаагаа гүнзгийрүүлэх ёстой".
Б.Батцэцэг бүрэн санал нийлж байгаа илэрхийлж, хоёр орны удирдагчдын тохиролцсон чухал нийтлэг ойлголтыг хэрэгжүүлж, бүх түвшний солилцоог эрчимжүүлж, олон салбарын солилцоо хамтын ажиллагааг бэхжүүлэхийн төлөө Монгол Улс Хятад улстай хамтран ажиллах хүсэлтэй байгаагаа мэдэгдэв. Бид Монгол, Хятадын хоорондох “ногоон коридор”-ын үүргийг бүрэн гүйцэтгэж, боомтын ашиглалтын хүчин чадал, ачаа тээвэрлэх хүчин чадлыг улам сайжруулж, Украйны хямрал, коронавирусний сөрөг нөлөөнд үр дүнтэй хариу арга хэмжээ авахыг тэсэн ядан хүлээж байна гэжээ.
Ван И хэлэхдээ "Хятад, Монгол хоёр орон сайн хөрш, сайн найзын хувьд бие биедээ тусалж, хүндрэл бэрхшээлийг хамтдаа даван туулж ирсэн. Монгол Улсын эдийн засаг, нийгмийн хөгжилд тус дөхөм үзүүлэхийн тулд Монгол Улсын “Шинэ сэргэлт” бодлогын дагуу хамтын ажиллагаагаа эрчимжүүлэхэд Хятад улс бэлэн байна. Сүүлийн үед Хятад, Монголын “ногоон коридор” сэргэж, хоёр тал төмөр замын тээвэр, авто замын ачаа тээвэр, боомтын гаалийн бүрдүүлэлт, эрчим хүч, уул уурхайн худалдаа зэрэг салбарт нааштай ахиц дэвшил гаргасан байна. Хятадын тал Монголын талтай хамтран Хятад-Орос-Монголын эдийн засгийн коридорын бүтээн байгуулалтыг түргэтгэж, Хятад-Монголын төмөр замын харилцаа холбоог ахиулахад бэлэн байна. Хятад улс Монгол Улсад тахал өвчнөөс урьдчилан сэргийлэх материал, тоног төхөөрөмж нийлүүлж, халдварт өвчнөөс урьдчилан сэргийлэх, хяналтыг бэхжүүлэхэд Монгол Улсад дэмжлэг үзүүлж, боомтуудын хэвийн ажиллагааг хангах болно" гэжээ.
Бүрэн эрх, аюулгүй байдал, хөгжлийн ашиг сонирхлыг гаднын хөндлөнгийн оролцоогүйгээр хамгаалж, хоёр орны харилцааны эрүүл, тогтвортой хөгжлийг ахиулахын тулд бие биенээ тууштай дэмжиж ажиллахаар талууд тохиролцов. Б.Батцэцэг хэлэхдээ "Монгол Улс Хятадын санааг хүндэтгэж, шашны үйл ажиллагаагаа бие даан зохицуулах болно" гэжээ.
Хоёр тал олон талт асуудлаар санал солилцов. Б.Батцэцэг Хятад улс тахалтай тэмцэх, Украины хямралд хариу арга хэмжээ авах томоохон орон болсон үүргийг өндрөөр үнэлж, Хятад улс энхийн хэлэлцээг ахиулах, санал зөрөлдөөнийг зохицуулах, хүмүүнлэгийн тусламж үзүүлэх талын ажлыг тууштай баримталж ирсэн тухай өндрөөр үнэлсэн байна.
Ван И онцлон тэмдэглэхдээ "Украины хямрал газар авч байгаа нь олон орны эдийн засаг, нийгмийн хэвийн үйл ажиллагаанд нөлөөлж, Азийн орнууд харилцаа холбоо, зохицуулалтаа эрчимжүүлж, бүс нутгийн энх тайван, тогтвортой байдал, хөгжлийг хамтдаа хамгаалах ёстой" гэжээ.
