Бээжин хотод энэ сарын 05-ны өдөр БНХАУ-ын дарга Ши Жиньпин Бангладешийн Ерөнхий сайд Шейх Хасина Вазедтай уулзлсан байна. Ши Жиньпин дарга:

- Хоёр тал уламжлалт найрамдлаа бэхжүүлж, хоёр орны хамтын ажиллагааны хөгжил, хамтын хөгжилд хүрэхийн төлөө хичээн ажиллах ёстой юм гэж хэллээ.

Дарга Ши Жиньпин уулзалтын үеэр:

- Хятад, Бангладеш бол уламжлалт найрсаг хөршүүд. 2016 онд би эрхэм улсад төрийн айлчлал хийж, ерөнхий сайд эрхэм хатагтай тантай хоёр орны харилцааг стратегийн хамтын ажиллагааны түншлэлийн харилцаа болгон дээшлүүлж, хоёр талын солилцоо, хамтын ажиллагааг шинэ үе шатанд гаргаж, өөр өөрийн улс орны эдийн засаг, нийгмийн хөгжилд эрчтэй түлхэц өгч, хоёр ард түмэнд илүү их үр өгөөж хүртэнэ хэмээн санал нэгтэй үзсэн юм гэж хэлсэн байна.

Ерөнхий сайд Хасина Вазед:

 - ХКН байгуулагдсаны 98 жилийн ой, БНХАУ байгуулагдсаны 70 жилийн ойд баяр хүргэж байна, өнөөдрийн Хятад улс Ши Жиньпиний шинэ эриний Хятадын онцлогтой социализмын үзэл санааны удирдлага дор асар их ололт амжилтад хүрч буйд баяртай байна. Бангладеш улс хоёр орны дээр үеийн удирдагчдын үүсгэн байгуулсан Бангладеш, Хятадын найрсаг харилцааг эрхэмлэн дээдэлж, нэг Хятад улсын бодлого баримтлах бөгөөд Хятад улсын урт хугацаанд эрхэм нандин дэмжлэг үзүүлсээр ирсэнд талархаж байна гэж хэлсэн байна.