Ши Жиньпин дарга:

- Хятад улс Экваторын Гвинейд үргэлжлэн цар тахлын вакцины тусламж үзүүлэх бөгөөд хоёр орны эмчилгээ эрүүл мэндийн салбарын хамтын ажиллагааг гүнзгийрүүлж, “Бүс ба зам”-ын хүрээн дэх олон салбарын хамтын ажиллагааг өргөтгөнө. Хятад улс Экваторын Гвинейн эдийн засаг, нийгмийн хөгжилд аль болох тусламж үзүүлэхэд бэлэн байна гэж онцоллоо. 

   Ши Жиньпин онцлохдоо: Хятад улс Африкийн орнуудтай хамтран, Хятад Африкийн хамтын ажиллагааны форумын шинэ хурлыг амжилттай зохион байгуулж, Хятад Африкийн ирээдүйн хамтын ажиллагааг төлөвлөж, шинэ төлөв байдлыг бий болгоход бэлэн байна гэсэн байна.

    Обиан:

- Хятадын Коммунист нам байгуулагдсаны 100 жилийн ой, БНХАУ байгуулагдсаны 72 жилийн ойн баярт чин сэтгэлийн мэнд хүргэж байна. Энэ жил мөн Хятад улсын эмнэлгийн анхны баг Экваторын Гвинейд очсоны 50 жилийн ой тохиож байна. Хятадын эмнэлгийн баг Экваторын Гвиней улсын эрүүл мэндийн түвшинг дээшлүүлж, ард түмний эрүүл мэндийг хамгаалахад чухал хувь нэмэр оруулсан. Экваторын Гвиней улсын засгийн газар, ард түмэн, чин сэтгэлээсээ талархаж, санаж байна. Экваторын Гвиней Хятад улсыг өөрийн стратегийн хамгийн чухал түнш гэж үзсээр ирсэн бөгөөд цар тахлын эсрэг шинэ вакцин зэрэг үнэ цэнэтэй тусламж үзүүлсэнд чин сэтгэлээсээ талархаж, нэг Хятадын бодлогыг тууштай баримталж, Хятадын үндсэн ашиг сонирхлын талаарх байр суурийг тууштай дэмжиж, Хятадын талын байр суурийг тууштай дэмжиж, мөн олон талт үзлийг тууштай дэмжинэ. Экваторын Гвиней улс "Бүс ба зам" санаачилга, дэлхийн хөгжлийн санаачилгыг дэмжиж, идэвхтэй оролцох бөгөөд Хятад улстай Африк-Хятадын хамтын ажиллагааны форумын хүрээнд олон салбар дахь хоёр талын хамтын ажиллагааг эрчимжүүлэхэд бэлэн байна гэж илэрхийллээ.