Ши Жиньпин дарга:

- Өнгөрсөн оноос хойш Вьетнамын нам болон улс орны бүтээн байгуулалтын үйлс эрчимтэй хөгжиж, намын 13-р их хурлаа амжилттай хуралдуулж, Төв хорооны удирдлагуудын халаа сэлгээ урагштай явагдсан. Ирэх хэсэг хугацааны эдийн засаг, нийгмийнхээ хөгжлийн чиг хандлагыг тодорхойлсон юм. Найз нөхдийн хувьд энэ бүхэнд бид маш их баяртай байгаа бөгөөд ВКН-ын удирдлага дор Вьетнамчууд намынхаа 13-р их хурлаар товлосон зорилтуудыг амжилттай биелүүлж, нам болон улс орныхоо бүтээн байгуулалтын “Хос зуун жил”-ийн зорилтынхоо төлөө эрчимтэй урагшилна гэдэгт итгэлтэй байна. Хятад, Вьетнам нь социалист тогтолцоотой ойрын хөрш орнууд болохын хувьд стратегийн чухал ач холбогдол бүхий хувь заяаны хамтын цогц юм. Хоёр орон хоорондын найрамдалт хөршийн найрсаг харилцааг тасралтгүй бэхжүүлж, иж бүрэн стратегийн хамтын ажиллагааг гүнзгийрүүлэх нь стратегийн нийтлэг ашиг сонирхолд нийцнэ. Хятад, Вьетнамын харилцааны хөгжилд миний бие дээд хэмжээнд анхаарал хандуулж, та бүхэнтэй хамтран хоёр нам, хоёр орны харилцааг үргэлжлэн эрүүл тогтвортой хөгжүүлэхэд бэлэн байна гэж хэллээ.