Хятадын гадаад хэргийн сайд Чинь Ган 01-р сарын 30-ын өдөр Нидерландын дэд ерөнхий сайд бөгөөд Гадаад хэргийн сайд Хукстра, Саудын Арабын Гадаад хэргийн сайд Файсал, Аргентины Гадаад хэргийн сайд Кафиэро нартай утсаар ярив.
Чинь Ган хэлэхдээ "Хятад улс Нидерландтай хамтран хоёр орны удирдагчдын чухал зөвшилцлийг хэрэгжүүлэн, солилцоог бүх түвшинд бэхжүүлж, нээлттэй, прагматик Хятад, Нидерландын иж бүрэн хамтын ажиллагааны түншлэлд шинэ ахиц дэвшил гаргахыг тэсэн ядан хүлээж байна. Хятад улс Нидерландтай уур амьсгалын өөрчлөлт зэрэг олон талт салбарт хамтын ажиллагаагаа бэхжүүлж, олон улсын худалдааны нээлттэй байдлыг хамтдаа хамгаалахад бэлэн байна" гэжээ.
Ши Жиньпин дарга Хятад-Арабын улсуудын анхдугаар чуулга уулзалт, Хятад-Арабын хамтын ажиллагааны зөвлөлийн дээд хэмжээний уулзалтад оролцож, Саудын Арабт төрийн айлчлал хийсэн нь бүрэн амжилтад хүрсэн байлаа. Хятад улс Саудын Арабтай хамтран дээд хэмжээний уулзалтын үр дүнг хэрэгжүүлэн, Хятад-Саудын Араб, Хятад-Тэнгис, Хятад-Арабын харилцааг шинэ түвшинд гаргаж, шинэ эринд хамтын ирээдүйтэй Хятад-Арабын нийгэмлэгийг байгуулж,хөгжиж буй орнуудын нийтлэг эрх ашгийг илүү сайн хамгаалан, дотоод хэрэгт хөндлөнгөөс оролцохгүй байх зэрэг олон улсын харилцааны үндсэн хэм хэмжээг хамгаалахад бэлэн байна гэж Чинь Ган онцлов.
Тэрээр мөн "Хятад, Аргентин хоёр сайн найз, түншүүд бөгөөд Хятад улс Аргентинтай хамтран хоёр улсын тэргүүн нарын чухал зөвшилцлийг хэрэгжүүлж, харилцан хүндэтгэл, тэгш хандах, ялалт байгуулсан хамтын ажиллагааны сайхан уламжлалыг өвлөн авч, урагшлуулахад бэлэн байна. Мөн Хятад, Аргентины иж бүрэн стратегийн түншлэлийн харилцааг илүү их хөгжүүлэхийг дэмжинэ.Хятад улс Аргентиныг үндэсний бүрэн эрхт байдал, нутаг дэвсгэрийн бүрэн бүтэн байдлаа хамгаалахад үргэлж дэмжих болно. Хоёр тал "Бүс ба зам"-ын хамтын ажиллагааг өндөр чанартай дэмжих ёстой. Олон улсын болон бүс нутгийн үйл хэрэгт илүү их үүрэг гүйцэтгэхэд Хятад улс Аргентиныг дэмжиж байна" гэжээ.
Гурван орны гадаад хэргийн сайд Хятад улстай янз бүрийн салбарт солилцоо, хамтын ажиллагаагаа бэхжүүлж, удирдагчдын хүрсэн чухал зөвшилцлийг хамтран хэрэгжүүлж, хоёр талын харилцааг илүү өндөр түвшинд хүргэхэд бэлэн байгаагаа илэрхийлэв.Түүнчлэн Хятад, Нидерланд улс Японы засгийн газар цөмийн бохир усыг далайд гаргах шийдвэр гаргасан талаар санал солилцож, энэ үйл ажиллагаа нь хүний эрүүл мэнд, далайн орчинд нөөлөөлдөг гэдгийг хүлээн зөвшөөрч, цаашид харилцаагаа хадгалахаар тохиролцсон байна.
