Саяхан дарга Ши Жиньпин Афины их сургуулийн профессор Вервидакис болон Грекийн бусад эрдэмтдэд Хятад-Грекийн соёл иргэншлийн харилцан суралцах төв байгуулагдсанд баяр хүргэж, хариу өгөв.
Ши Жиньпин:
- Хятадын соёл иргэншил нь урт удаан түүхтэй бөгөөд эртний Грекийн соёл иргэншил нь ихээхэн нөлөө үзүүлдэг. Одоогоос 2000 гаруй жилийн өмнө, Хятад, Грекийн хоёр том соёл иргэншил Ази Европ тивийн хоёр үзүүрт хоорондоо нягт холбоотой байсан нь хүн төрөлхтний соёл иргэншлийн хувьсалд үндсэн бөгөөд чухал хувь нэмэр оруулжээ. Эдүгээ хоёр орны хооронд Хятад-Грекийн соёл иргэншил харилцан суралцах төвийг байгуулсан нь Хятад, Грекийн соёл иргэншлийн солилцоо, харилцан суралцахыг дэмжиж, бүх улс орны соёл иргэншлийн хөгжлийг дэмжиж, түүхэн болон цаг үеийн ач холбогдолтой юм.
Ши Жиньпин:
- Хүн төрөлхтний түүхийн урт удаан үйл явцад бүх үндэстнүүд өөрийн гэсэн шинж чанар, бэлгэ тэмдэг бүхий соёл иргэншлийг бий болгосон бөгөөд энэ нь хүн төрөлхтний соёл иргэншлийн өнгөт цэцэрлэгийг хамтад нь бүрдүүлдэг. Бүх төрлийн соёл иргэншил нь бүх үндэстэн ястны түүхэн судалгаа, хөгжлийн баялаг хуримтлал бөгөөд өнөөгийн бүх үндэстэн ястны оршин тогтнох, хөгжихөд чиглэсэн гүнзгий удирдамж юм. Хэрэв бид хүн төрөлхтний нийгмийн хөгжлийг дэмжин, хүн төрөлхтөний хувь заяны хамтын цогцыг хамтаар байгуулхад төрөл бүрийн соёл иргэншлийн урт удаан түүх, эх үүсэл, баялаг агуулгыг гүн гүнзгий ойлгох ёстой. Ингэснээр бүх соёл иргэншлийн мөн чанар өнөөгийн болон хүн төрөлхтөнд ашиг тусаа өгөх болно. Хятад, Грекийн соёл иргэншлийн харилцан суралцах төв энэ тал дээр гарцаагүй агуу амжилт гаргаж чадна гэдэгт би итгэдэг.
Ши Жиньпин:
Өнгөрсөн болон өнөө үеэс суралцан, урагшаа тэмүүлнэ. Бид хамрах хүрээ, нээлттэй байдлаа үргэлжлүүлж л байвал хүн төрөлхтний соёл иргэншил цаашид хөгжиж, цэцэглэн хөгжиж чадна гэдгийг түүх бүрэн нотолсон. Зуун жилд тохиодоогүй томоохон өөрчлөлтүүд өнөөгийн ертөнцөд нүүр тулж байна. Хүн төрөлхтөнд тулгараад байгаа онц чухал зөрчил, бэрхшээлийг шийдвэрлэж, хүнд хэцүүг даван туулахын тулд бид материаллаг арга хэрэгсэлд найдах хэрэгтэй бөгөөд оюун санааны хүч чадал, чин сэтгэлдээ найдах хэрэгтэй. Хятад, Грекийн соёл иргэншилд агуулагдаж буй үнэт зүйлс, дэлхийн үзэл бодол, сансар судлал, амьдралын талаарх үзэл бодол, шинжлэх ухааны үзэл бодол, соёлын төлөв нь гүн гүнзгий, хэзээ ч дуусашгүй бөгөөд хүн төрөлхтөнд цаг үеийн асуудлуудыг шийдвэрлэж, хүн төрөлхтөнд хувь заяны хамтын цогцыг хамтаар байгуулахыг дэмжих чухал оюун санааны удирдамж өгөх нь гарцаагүй.
Дарга Ши Жиньпин 2019 онд Грект төрийн айлчлал хийх үеэрээ Грекийн удирдагчидтай соёл иргэншлийн дунд солилцоо, харилцан суралцахыг хамтран дэмжсэн юм. Уулзалтын дараа хоёр тал удирдагчдын зөвшилцлийг идэвхтэй хэрэгжүүлж, Хятад-Грекийн соёл иргэншлийн харилцан суралцах төвийг байгуулахад бэлэн болсон байна. Саяхан Афины их сургуулийн профессор Вервидакис болон бусад таван Грек эрдэмтэн Ши Жиньпинд захидал бичиж, дарга Ши Жиньпингийн дэмжсэн соёл иргэншлийн үзэл баримтлалыг өндөр хүлээн зөвшөөрч, төвийн бэлтгэл, хөгжлийн төлөвлөгөөг танилцуулсан тухайгаа ярьсан юм. 2-р сарын 20-нд Афины их сургууль дээр Хятад-Грек соёл иргэншлийн харилцан суралцах төвийн нээлтийн ёслол болов.
