02-р сарын 14-нд Хятад улсын дарга Ши Жиньпин Мексикийн ерөнхийлөгч Лопезтэй хоёр орны хооронд дипломат харилцаа тогтоосны 50 жилийн ойг тохиолдуулан баярын цахилгаан илгээжээ. Ши Жиньпин хэлэхдээ "Хятад, Мексик хоёр бол соёл иргэншлийн өнө эртний түүхтэй орон бөгөөд хоёр ард түмний найрсаг харилцаа өнө эртний түүхтэй. Хагас зуун жилийн өмнө дипломат харилцаа тогтоосноос хойш, ялангуяа 2013 онд хоёр улсын хооронд иж бүрэн стратегийн түншлэлийн харилцаа тогтоосноос хойш хоёр орны харилцааны хөгжил хурдацтай хөгжиж байна. Хоёр орны улс төрийн харилцан итгэлцэл өдрөөс өдөрт гүнзгийрч, олон салбарын найрсаг солилцоо, хамтын ажиллагаа бэхжиж байна. Цар тахлын эсрэг Хятад, Мексик хоёр хамтдаа байж, бие биедээ тусалж, тахал өвчинтэй тэмцэх олон улсын эв санааны нэгдлийн үлгэр жишээг үзүүлэв. Хятад Мексикийн найрамдлын мод цэцэглэн, хоёр орны ард түмэнд бодит үр өгөөжөө өгч байна".
Ши Жиньпин Хятад, Мексикийн харилцааны хөгжлийг дээд хэмжээнд чухалчлан үзэж, хоёр орны хооронд дипломат харилцаа тогтоосны 50 жилийн ойг Ерөнхийлөгч Лопезтой хамт гар нийлж, цаашдын харилцааг урагшлуулах, өнгөрсөн ба ирээдүйг бататгаж, уламжлалт найрамдлыг нэмэгдүүлж, харилцан ашигтай хамтын ажиллагаагаа гүнзгийрүүлж, хамтын хөгжлийг ахиулж, Хятад Мексикийн хамтын ажиллагааг тасралтгүй баяжуулж, стратегийн түншлэлийн харилцааны утга учрыг баяжуулж, хоёр орны ард түмэн бие биедээ итгэлтэй, сайн найз байх, хөгжил цэцэглэлтийг хуваалцдаг түншүүд болно гэж онцлон тэмдэглэжээ.
Лопез хэлэхдээ "Өнгөрсөн 50 жилийн хугацаанд Мексик Хятад хоёр орон эвдрэшгүй найрамдалт харилцааг хамтдаа тогтоож, улс төр, эдийн засаг, боловсрол зэрэг олон салбарт өргөн хүрээтэй солилцоо хамтын ажиллагаа өрнүүлсэн. Мексикийн тал цар тахлын эсрэг тэмцэлд Хятад улс биднийг харж, тусалж байгаад чин сэтгэлээсээ талархаж, үргэлж санаж байх болно. Эдүгээ, Мексик, Хятадын иж бүрэн стратегийн түншлэлийн харилцаа цаг үетэй хөл нийлүүлэн алхаж, улам бэхжиж, хоёр ард түмэнд тасралтгүй үр өгөөжөө өгч байна. Хоёр тал бүс нутгийн болон олон талт түвшинд тулгарч буй сорилтуудыг шийдвэрлэхийн тулд хамтран ажилладаг. Мексик Хятадын харилцаа тогтвортой, өргөн цар хүрээтэй, шинэ эрч хүчтэй байх болно гэдэгт би итгэлтэй байна".
