02-р сарын 14-ний өглөө Төрийн зөвлөлийн дарга Ли Кэчян Хятадад төрийн айлчлал хийж байгаа Ираны ерөнхийлөгч Райсиг Ардын Их Хурлын Танхимд хүлээн авч уулзав.

Ли Кэчян хэлэхдээ "Хятад, Иран хоёр бол эртний соёл иргэншилтэй улсууд бөгөөд хүмүүсийн хоорондын нөхөрсөг солилцоо нь урт удаан түүхтэй. Дарга Ши Жиньпин та бүхэнтэй хоёр талын харилцааны хөгжлийг цогцоор нь төлөвлөх яриа хэлэлцээ хийнэ. Хятад улс Хятад, Ираны харилцааны хөгжилд маш чухал ач холбогдол өгч, Ирантай харилцан хүндэтгэж, тэгш хандахыг дэмжиж, Хятад,Ираны иж бүрэн стратегийн түншлэлийг шинэ түвшинд гаргах, дэлхийн энх тайвныг сахин хамгаалах, нийтлэг хөгжлийг дэмжих, хоёр талын ард түмэнд үр өгөөжөө өгөхөд бэлэн байна".

Ли Кэчян онцлохдоо "Хятад улс Ирантай хамтран бодит хамтын ажиллагааны түвшнийг дээшлүүлэхэд бэлэн байна. Хятад, Ираны хооронд хамтын ажиллагааны цогц төлөвлөгөөг хэрэгжүүлж, эдийн засаг, худалдааны салбарын хамтын ажиллагааг дэмжих, бүтээгдэхүүний экспортыг харилцан өргөжүүлэн, ард иргэдийн амьжиргааг дээшлүүлэхэд тустай харилцан ашигтай төслүүдийг хэрэгжүүлэхийг дэмжинэ. Ажилтнуудын солилцоог нэмэгдүүлж, хоёр орны найрсаг олон нийтийн санаа бодлын суурийг бэхжүүлэхэд бэлэн байна" гэжээ.

- Иран, Хятадын солилцоо урт удаан түүхтэй, хоёр орны харилцаа маш найрсаг байна. Иран улс Хятад улстай харилцаагаа хөгжүүлэх шийдвэр төгс байгаа бөгөөд хоёр орны хамтын ажиллагааны цогц төлөвлөгөөг харилцан хүндэтгэх, харилцан ашигтай, ялалт байгуулсан үр дүнд тулгуурлан хэрэгжүүлэх, харилцан ашигтай байх хамтын ажиллагааг төрөл бүрийн салбарт гүнзгийрүүлэн, хоёр талын харилцааны тасралтгүй хөгжлийг дэмжихэд бэлэн байна.Иран олон улсын үйл хэрэгт Хятад улстай харилцаа, зохицуулалтыг бэхжүүлж, дэлхийн энх тайван, тогтвортой байдлыг хамтран хамгаалахад бэлэн байна хэмээн Райси илэрхийллээ.