Орон нутгийн цагаар 11-р сарын 11-нд Хятад улсын дарга Ши Жиньпин Грекийн ерөнхийлөгч Павлопулостой хэлэлцээр хийсэн байна. Улс төрийн итгэлцлээ бэхжүүлж, ажил хэрэгч хамтын ажиллагааг гүнзгийрүүлэн, соёл иргэншлийн яриа хэлэлцээрийг ахиулж, хүн төрөлхтний хувь заяаны хамтын цогц байгуулахад Дорнод Өрнөдийн соёл иргэншилд эртний улс орны оюун ухааны хувь нэмэр оруулах болно гэж хоёр орны тэргүүн санал нэгтэй зөвшөөрсөн байна.

    Ши Жиньпин дарга:

- Миний бие соёл иргэншлийн тал дээр хүндэтгэлтэй хандаж, ирээдүйд итгэх итгэлийг тээж Грек улсад ирсэн юм гэж хэлсэн байна. Хятад, Грек хоёр эртний соёл иргэншлийн том улсын хувьд ижил буюу ижил төстэй үзэл баримтлалтай байсан бөгөөд үндэсний шинэчлэлд хүрэхийн тулд бүгд шаргуу хөдөлмөрлөсөн байдаг. Харилцан солилцоо, харилцан баталгаажуулалт нь соёл иргэншлийн хөгжлийн зайлшгүй шаардлага юм. Хятад, Грекийн найрамдал бол хоёр орны хамтын ажиллагаа төдийгүй хоёр соёл иргэншлийн яриа хэлэлцээр болно. Өнөөдөр дэлхий ертөнц сүүлийн 100 жилийн хугацаанд байгаагүй томоохон өөрчлөлтийг даван туулж байна. Хоёр орон хамтын ажиллагаагаа гүнзгийрүүлэн илүү шударга, оновчтой олон улсын дэг журмыг сурталчлан, Хятад, Грекийн эртний хоёр соёл иргэншлийг хөгжүүлэхэд хамтарч ажиллана гэдэгт итгэж байна гэж хэлэв.

  Павлопулос:

- Хятад, Грек хоёр эртний соёл иргэншлийн улс байсан тул Грекийн ард түмэн Хятадтай ойр дотно харилцаатай байдаг. Грек улс, БНХАУ байгуулагдсанаас хойш 70 жилийн турш онцгой амжилтад хүрсэнд маш их баяртай байна. Грек, Хятад улс хоёулаа өөр өөр соёл иргэншлүүд ялгаатай байдлыг хадгалахын зэрэгцээ нийтлэг үндэс суурийг эрэлхийлж, бие биенийхээ давуу талаас суралцан, яриа хэлэлцээр хийж байна.   Өнөөгийн эргэлзээтэй ертөнцөд Хятад улс энх тайван, эв найрамдал, тэнцвэрт байдлыг дэмжиж, дэлхийн янз бүрийн асуудлыг шийдвэрлэхэд маш хэрэгтэй лавлагаа, шийдлийг өгч байна гэж хэллээ.

Хэлэлцээр хийхээс өмнө ерөнхийлөгч Павлопулос дарга Ши Жиньпинд зориулан угтах ёслол хийсэн юм.