Хятадын дарга Ши Жиньпин 01-р сарын 11-ний өдөр Индонезын Ерөнхийлөгч Жоко Видодотой утсаар ярив.
Ши Жиньпин тэмдэглэхдээ "Өнгөрсөн жилээс хойш Хятад, Индонезын харилцаа тогтвортой ахиц дэвшил гаргасан. Хоёр орон өндөр түвшний яриа хэлэлцээр, хамтын ажиллагааны механизмыг эхлүүлж, улс төр, эдийн засаг, соёл, далай тэнгисийн зэрэг 4 талын хамтын ажиллагааны шинэ хэв маягийг бий болгосон юм. Хятад, Индонез хоёр бол хөгжиж буй том орон. Улс орныхоо хөгжил, ард түмнийхээ аз жаргалыг эрэлхийлэх замд Хятад, Индонез хоёр нэг зорилготой. Зуун жилд тохиолдоогүй тахал өвчний эсрэг хоёр тал хамтын ирээдүйн хамтын нийгэмлэгийг байгуулахыг хичээх ёстой".
Ши Жиньпин хэлэхдээ "Хоёр тал тахал өвчний эсрэг хамтран тэмцэж, эрүүл мэндийн салбарын хамтын ажиллагааны үлгэр жишээг бий болгох ёстой. Хятад улс Индонезтой вакцины бүхэл бүтэн салбар, эмийн судалгаа, хөгжүүлэлтийн чиглэлээр үргэлжлүүлэн хамтран ажиллаж, Индонезод бүс нутгийн вакцин үйлдвэрлэлийн төв байгуулахад тусалж, цар тахалтай тэмцэх ажилд хамтын хүчин чармайлт гаргахын суурин дээр дэлхий нийтийн эрүүл мэндийн засаглалыг сайжруулж, хүн төрөлхтний эрүүл мэндийн хувь заяаны хамтын цогцыг байгуулахад тус дөхөм үзүүлнэ. Хоёр тал хамтдаа хөгжиж, ажил хэрэгч хамтын ажиллагааны жишиг тогтоох ёстой. “Бүс ба зам”-ын хамтын бүтээн байгуулалтыг Хятадын хөгжлийн шинэ хэв маяг, Индонезийн үндэсний дунд, урт хугацааны хөгжлийн төлөвлөгөөтэй хослуулж, цар тахлын дараах хамтын ажиллагааг ахиулах ажлыг зохицуулж, өндөр хурдны төмөр замын бүтээн байгуулалт, "бүс нутгийн ерөнхийлсөн эдийн засгийн коридор", "хоёр орны хос парк” зэрэг гол төслүүдийг тууштай хэрэгжүүлж, шинэ эрчим хүч, нүүрстөрөгчийн ялгаварлалт багатай, дижитал эдийн засаг, далайн хамтын ажиллагаа зэрэг шинэ өсөлтийн цэгүүдийг бий болгоно. Индонезийн хөгжилд тус дөхөм үзүүлж, Хятад,Индонезийн хамтын ажиллагааг гүнзгийрүүлэхийн хэрээр Хятад улс идэвхтэй оролцож, чадах бүхнээ хийх болно" гэжээ.
Ши Жиньпин онцлохдоо "Хятад улс бүс нутаг, олон улсын үйл хэрэгт Индонезийн гүйцэтгэх үүргийг дээд хэмжээнд чухалчлан үзэж, өнгөрсөн онд Хятад-АСЕАН-ы дээд хэмжээний уулзалтын үеэр тохиролцсон нийтлэг ойлголтыг хэрэгжүүлж, бүс нутгийн эдийн засгийн сэргэлтийг ахиулж, бүс нутгийн энх тайван, тогтвортой байдлыг сахин хамгаалахад Индонезийн талтай хамтран ажиллахад бэлэн байна. Энэ онд Хятад, Индонез улс БРИКС-ын болон Их 20-ын дарга орон болно. Хятад улс Индонезийн талтай хамтаар жинхэнэ олон талт үзлийг хэрэгжүүлж, дэлхийн хөгжлийн санаачилгыг идэвхтэй хэрэгжүүлж, хөгжиж буй зах зээл болон хөгжиж буй орнуудын ашиг сонирхлыг хамгаалж, дэлхийн эдийн засгийг сэргээн хөгжүүлэх, дэлхийн эдийн засгийн засаглалыг сайжруулахад хувь нэмрээ оруулахад бэлэн байна" гэжээ.
Видодо хэлэхдээ "Хятадын Коммунист Намын XIX Төв хорооны Ⅵ бүгд хурал амжилттай хуралдсанд баяр хүргэж, ерөнхий нарийн бичгийн дарга Ши Жиньпиний удирдлага дор Хятадын ард түмэн нэн өндөр амжилтыг тогтоож чадна гэдэгт итгэж байна. Өнгөрсөн онд Индонез, Хятадын хоёр талын худалдаа, хөрөнгө оруулалт хурдацтай хөгжиж, эрүүл мэндийн салбарын хамтын ажиллагаа, ялангуяа вакцин үйлдвэрлэл, эмийн судалгаа хөгжүүлэлт зэрэг нь гайхалтай үр дүнд хүрч, Индонезийн вакцины 80 хувийг Хятадаас авчээ. Жакарта-Бандунг чиглэлийн төмөр замын бүтээн байгуулалтын ажил хэвийн үргэлжилж байгаа бөгөөд төлөвлөгөөний дагуу дуусгаж, албан ёсоор ашиглалтад оржээ. Индонез, Хятадын сайн сайхан харилцаа нь харилцан хүндэтгэж, хамтаар хожих хамтын ажиллагаа юм. Индонез улс Хятад улстай эдийн засаг, худалдаа, тахал өвчинтэй тэмцэх зэрэг салбарт хамтын ажиллагаагаа эрчимжүүлж, "Бүс ба зам"-ын хамтын бүтээн байгуулалтыг идэвхтэй ахиулж, "бүс нутгийн ерөнхийлсөн эдийн засгийн коридор", "хоёр орны хос парк” зэрэг төслийг сайтар бүтээн байгуулахад бэлэн байна. Хятадын аж ахуйн нэгжүүд бусад салбарт өндөр технологи, ногоон хамтын ажиллагааг хөгжүүлэхийн тулд Индонезод хөрөнгө оруулахыг хүсэн уриалж байна. Энэ жил "Их 20"-ын дарга орон байгаагийн хувьд Индонез улс Хятад улстай нягт хамтран ажиллаж, олон улсын хамтын нийгэмлэгийн эв нэгдлийг ахиулж, дэлхийн эдийн засгийг сэргээхэд идэвхтэй үүрэг гүйцэтгэхийг хүсэж байна. Хятадын цагаан сарын баярт баярын мэнд хүргэе! Бээжингийн өвлийн олимп, паралимпын наадамд амжилт хүсье"!
