2021 он дууслаа. Энэ оныг эргэн харахад, Хятад улсын гадаад нээлтийн хурд нь чангарчээ. Ерөнхий нарийн бичгийн дарга Ши Жиньпин дэлхийн эдийн засгийн ээдрээтэй, хүнд нөхцөл байдалд эдийн засгийн даяаршлын ерөнхий чиг хандлагыг ойлгож, олон улсын нээлттэй байдлыг өргөжүүлэн, олон талт үзлийг олон улсын олон үйл явдалд уриалан дуу хоолойгоо хүргэж, дэлхийн эдийн засгийн сэргэлтэд итгэх итгэлийг нэмэгдүүлэв.
Филиппиний "Manila Times" вэбсайт: Өөрчлөлт нээлттэй болсноос хойш Хятад улс гадаад ертөнцөд улам бүр нээлттэй болсон. Сүүлийн хэдэн жилд Хятад улс "Бүс ба зам"-ын хамтын бүтээн байгуулалтыг ахиулсаар ирсэн бол энэ жил мөн дэлхийн хөгжлийн санаачилгыг дэвшүүлсэн. Энэхүү нээлттэй, хүртээмжтэй сэтгэлгээ нь дэлхий даяар сайшаал хүртсэн бөгөөд улам олон хүн Хятадын хөгжлийг сорилт биш харин боломж гэж үзэж байна.
АНУ-ын олон улсын хэвлэлийн вэбсайт: 12-р сарын 27-нд Хятадын засгийн газар 2021 онд гадаадын хөрөнгө оруулалтыг татах сөрөг жагсаалтын хувилбарыг зарлаж, Хятадын эдийн засгийг гадаадын хөрөнгө оруулалтад улам нээлттэй болгохыг зорьсон байна. “Нээлттэй” шинэ бодлогын дагуу суудлын автомашины үйлдвэрлэлд гадаадын хувь эзэмшүүлэх хязгаарлалтыг 2022 онд бүрмөсөн цуцална. Нэмж дурдахад шинэ сөрөг жагсаалт нь харилцаа холбооны гол тоног төхөөрөмжийн үйлдвэрлэлд гадаадын хөрөнгө оруулалтын дээд хязгаарыг улам сулруулсан байна.
Мексикийн "Daily" вэбсайт: Эдийн засгийн хөгжлийн явцад Хятад улс эдийн засгийн тогтвортой, хүртээмжтэй өсөлтийг дэмжиж, Латин Америк, Карибын тэнгисийн орнуудад бизнесийн олон боломжийг бий болгож, бүс нутгийн эдийн засгийн өсөлтийг дэмжих гол хүч болж байна. Хятадын дотоодын эрэлт хэрэгцээний зах зээл тэлэхийн хэрээр Латин Америк, Карибын тэнгисийн орнуудаас хөдөө аж ахуйн бүтээгдэхүүн, ашигт малтмал болон бусад бүтээгдэхүүнийг Хятад руу илүү ихээр экспортолж байна.
Руанда улсаас Хятадад суугаа Элчин сайд Жеймс Кимонио: Хятад, Африкийн хамтын ажиллагаа хамтаар хожих ёстой гэж Хятад улс хэллээ. Энэ бол хоосон яриа биш, Хятад амлалтаа үнэхээр биелүүлсэн. Сүүлийн жилүүдэд Руанда болон Африкийн бусад орноос хэчнээн нөөцийн бус бүтээгдэхүүн Хятадын зах зээлд нэвтэрснийг хар л даа. Цаашид бид Руандагийн олон бүтээгдэхүүнийг дижитал платформоор дамжуулан Хятадын зах зээлд нэвтрүүлэх боломжийг үргэлжлүүлэн олгоно гэж найдаж байна.
ХБНГУ-ын Хессен хотын Европ, олон улсын харилцааны газрын захирал асан Бө Шивэнь: Хятадын олон улсын импортын экспо нь Хятад улс зах зээлээ бусад улс орнуудтай нээлттэй байр суурьтай хуваалцаж байгааг харуулж байна. “Хятад бол дэлхийн үйлдвэр” гэдэг үг олны дунд яригдаж байсан үе бий. Өнөөдөр хүмүүс ч “Хятад бол дэлхийн зах зээл” гэж хэлэх үндэслэлтэй.
