Хятад улсын дарга Ши Жиньпин  08-р сарын 25-нд  ОХУ-ын ерөнхийлөгч В.Путинтай утсаар ярив.

Ши Жиньпин дарга:

- Ойрын жилүүдэд Хятад, Орос хоёр орон "Хятад Оросын сайн хөршийн найрсаг хамтын ажиллагааны хэлэлцээр"-т гарын үсэг зурсны 20 жилийн ойг тэмдэглэх шинэ гараанаас хоёр орны стратегийн хамтын ажиллагаа болон иж бүрэн ажил хэрэгч хамтын ажиллагааны салбарт олон чухал амжилт гаргахыг дэмжиж, хоёр орны хөгжлийг харилцан дэмжихэд чухал тулгуур болж, олон улсын нийгэмлэгтэй эв санаа нэгтэй бэрхшээлийг даван туулахад чухал үүрэг гүйцэтгэсээр ирсэн юм. Өнөөгийн цар тахлын нөхцөл байдал тогтворгүй, олон улсын халдвартай тэмцэж буй үүрэг хүнд нөхцөлд Хятадын тал Оросын талтай вакциныг судлан бүтээх хамтын ажиллагаагаа гүнзгийрүүлэх, вакцины олон улс дахь хуваарилалтын аюулгүй тогтвортой байдлыг баталгаажуулах, хоёр орны ард иргэдийн амь насны аюулгүй байдал, биеийн эрүүл мэндийг хамгаалах, хүн төрөлхтний эрүүл мэндийн хамтын цогцыг байгуулах талаар хувь нэмэр оруулахад бэлэн байна гэж хэллээ.

Тэрээр:

- Хятадын тал Афганистаны бүрэн эрхт байдал, тусгаар тогтнол, нутаг дэвсгэрийн бүрэн бүтэн байдлыг хүндэтгэн, Афганистаны дотоод засаглалд хөндлөнгөөс гар дүрэхгүй байх амлалтаа хэрэгжүүлж, улс төрөөр Афнагистаны асуудлыг шийдвэрлэхэд бүтээлч үүрэг гүйцэтгэсээр ирсэн юм. Хятад улс ОХУ зэрэг олон улсын хамтын нийгэмлэгтэй харилцаа холбоогоо бэхжүүлэн, Афганистаны талууд зөвшилцлөөр дамжин нээлттэй багтаамжтай улс төрийн загварыг бий болгон, зөөлөн тогтвортой гадаад доод бодлого хэрэгжүүлэн, янз бүрийн террорист байгууллагуудтай харилцаагаа таслан, дэлхийн улс орнууд, ялангуяа хөрш орнуудтайгаа найрсаг харилцахыг дэмжин ажиллах болно гэж онцолсон байна.

Путин:

- Оросын тал Хятад улстай хөгжүүлж буй харилцаанд сэтгэл хангалуун байна. Энэ онд "Хятад, Оросын сайн хөршийн найрсаг хамтын ажиллагааны хэлэлцээр"-т гарын үсэг зурсны 20 жилийн ой тохиож бөгөөд Орос, Хятадын харилцаанд маш чухал ач холбогдолтой юм. 76 жилийн тэртээ Орос, Хятад улс Дэлхийн фашистын эсрэг дайны ялалтын төлөө асар үрэгдэл гаргаж, шийдвэрлэх хувь нэмэр оруулсан байдаг. Өнөөгийн нөхцөл байдалд хоёр тал нягт харилцаж, харилцан туслалцан, дэлхийн хоёрдугаар дайны амжилтын үр дүнг болон түүхийн үнэн мөнийг хамгаалах ёстой.                                            Оросын тал "Нэг Хятад"-ын бодлого эрс дэмжиж, Хятадын талын Тайвань, Хонконг, Шиньжян болон Хятадын өмнөд тэнгист холбогдох асуудлаар Хятадын талын өөрсдийн үндсэн ашиг сонирхлоо хамгаалах зөв байр суурийг тууштай дэмжиж, Хятадын дотоод засаглалд хөндлөнгөөс гар дүрэх бүх гадаад хүчнийг эрс эсэргүүцэн, Ковид-19 халдварын эх үүсвэрийг улс төржүүлэхийг эрс эцэргүүцэж, цаашид Хятадын талтай олон салбар дахь ажил хэрэгч хамтын ажиллагааг гүнзгийрүүлэн, халдвартай тэмцэх хамтын ажиллагааг бэхжүүлэхэд бэлэн байна гэж хэлэв.

Тэрээр мөн:

- Өнөөгийн Афганистаны нөхцөл байдал нь гадны хүч өөрсдийнхөө улс төрийн загварыг албаар хэрэгжүүлэх гэсэн бодлого нь явуургүй, холбогдох орнуудад зөвхөн эвдэгдэл, гай гамшиг тарих болно гэдгийг харуулж байна. Орос, Хятад улс Афганистаны асуудлаар адилхан байрь суур болон хамтын ашиг сонирхолтой юм. Оросын тал Хятадын талтай нягт хамтран ажиллаж, Афганистанд холбогдох асуудлаарх олон талт механизмд идэвхтэй оролцон, Афганисны байдлыг намжаахад хүчин зүтгэж, терроризмын эсрэг цохилт өгч, мансруулах бодисын хууль бус наймааг таслан зогсоож, Афганистан дахь аюулгүй байдлын эрсдлээс урьдчилан сэргийлж, гадны хүчний оролцооноос болгоомжлон, бүс нутгийн аюулгүй тогтвортой байдлыг хамгаалах болно гэж илэрхийллээ.

   Өнөөгийн олон улс, бүс нутгийн ээдрээ будлиантай нөхцөл байдалд Хятад, Орос хоёр талт болон олон талт чухал асуудлаар цаг тухайд нь харилцаа уялдаатай байх нь маш чухал, шаардлагатай гэдэгт хоёр тал санал нэгдэж, цаашид олон арга хэлбэрээр харилцаагаа илүү нягт болгохоор тохиролцлоо.