Гүйлгээний өгөгдлийг харуулахаас эхлээд хангамж болон үйлчилгээний чанарт анхаарлаа хандуулах хүртэл энэ жилийн "хос 11" олон шинэ онцлох үйл явдлуудыг танилцуулсан байна. Илүү баялаг үйлчилгээний хангамж, хиймэл оюун ухааны худалдааны туслахууд, гадаадад өргөжин тэлэх нь шинэ өсөлтийн цэг болж байна.

Энэхүү хэрэглээний огцом өсөлт нь оршин суугчдын хэрэглээний хэрэгцээ тасралтгүй сайжирч байгааг гэрчлээд зогсохгүй, хэт том дотоодын зах зээлийн уян хатан байдал, эрч хүчийг харуулж байна.

Цахим худалдааны платформууд үйлчилгээний төрлийн нийлүүлэлтээ нэмэгдүүлж байна
 
Энэ жилийн "Хос 11" хямдралын үеэр бараа бүтээгдэхүүний чанар болоод үйлчилгээний хүртээмжийг зэрэг сайжруулж, хэрэглэгчдийн сагсыг улам баяжуулсан байна.
 
"Хос 11" хямдралын үеэр Тяньмао платформ дээрх улсын тэтгэмжээр хамрагдсан гар утасны бүтээгдэхүүний тоо есөөс дээш дахин өссөн бол зурагт болон ухаалаг гэрийн бүтээгдэхүүний тоо хоёр оронтой тоогоор өссөн байна; Таобао гэнэтийн хямдрал дээрх эх, нялхсын бүтээгдэхүүн, гэр ахуйн цахилгаан хэрэгсэл зэрэг ангиллын гүйлгээ өмнөх оны мөн үеэс 70 гаруй хувиар өссөн байна.

Бүр илүү анхаарал татахуйц зүйл бол Токенуудыг олон цахим худалдааны платформ дээр бие даасан ангилал болгон жагсаасан нь үл үзэгдэх тооцоолох хүчний үйлчилгээг захиалж болох бүтээгдэхүүн болгон хувиргасан явдал юм.

Манай улсын хэрэглээний зах зээл "бараа + үйлчилгээ"-ний аль алиных нь нөлөөгөөр хөгжлийн үе шатанд орж, үйлчилгээний хэрэглээ нь хэрэглээний өсөлтийг хурдасгах чухал хөдөлгөгч хүч болж байна. Ахмад настны асрамж, соёлын аялал жуулчлал зэрэг хүмүүсийн хүсэн хүлээж буй үйлчилгээний хэрэглээ нь хөгжлийн асар их нөөц бололцоотой бөгөөд дотоодын эрэлтийг өргөжүүлэх хүчирхэг хэрэгсэл болж чадна гэж салбарын мэргэжилтнүүд үзэж байна.

Хиймэл оюун ухаан цахим худалдааны платформ руу нэгдэж байна

Ярилцлагын үеэр сэтгүүлчид Таобао, Дөүинь, Пинь ДүөДүө зэрэг цахим худалдааны платформууд энэ жилийн "хос 11" хямдралын үеэр хиймэл оюун ухаант худалдааны функц суулгасан бөгөөд тэдгээрийг үргэлжлүүлэн давтаж, сайжруулж байгааг олж мэджээ.

Өнгөрсөн онд Таобао, Жиндүн тэргүүтэй цахим худалдааны платформууд барааны мэдээлэл лавлах, зургаар хайх зэрэг хэрэглэгчийн үндсэн хэрэгцээг шийдвэрлэх хиймэл оюун ухаант худалдааны хөтчийг нэвтрүүлсэн юм. Энэ жил одоо байгаа платформууд хиймэл оюун ухааны чадавхиа үргэлжлүүлэн сайжруулж байгаа бөгөөд зарим платформууд анх удаа хэрэглэгчдэд зориулсан ярианы хиймэл оюун ухааны худалдааны туслахуудыг нэвтрүүлж байна. Худалдааны сагсны барааг нэг товшилтоор зохион байгуулах, нэмэлт тэтгэмжийг автоматаар тооцоолох, борлуулалтын дараах асуудлуудыг бүрэн хянах боломжтой тул олон хэрэглэгчид хиймэл оюун ухаантай худалдааны туслахыг "илүү ухаалаг" гэж үзэж байна.

Платформууд гадаад зах зээлд эрчимтэй тэлж байгаа нь хил дамнасан хоёр талын урсгалыг улам идэвхжүүлж байна

 
Таобао платформ гадаад борлуулалтын сувгууд руу ганцхан товшилтоор гарах үйлчилгээг анх удаа нэвтрүүлснээр худалдаачид одоогийн дэлгүүр, бүтээгдэхүүнээ ашиглан дотоод, гадаадын зах зээлд нэгэн зэрэг үйл ажиллагаа явуулах боломжтой болов. Түүнчлэн Сү Майтүн（AliExpress）-гийн албан ёсны агуулахууд Испани, Франц тэргүүтэй зургаан оронд үйл ажиллагаа явуулж байгаа ба "Хос 11" хямдралын өмнөх гадаад агуулахын барааны нөөц өнгөрсөн оны мөн үеэс 146 хувиар нэмэгджээ.　

Дэлхийн дижитал хэрэглээ өсөн нэмэгдэж, хил дамнасан цахим худалдааны бодлогыг тасралтгүй сайжруулж байгаатай холбогдуулан олон худалдаачид болон платформууд энэ жилийн "хос 11" хямдралын үеэр гадаад зах зээл рүү анхаарлаа хандуулж, шинэ өсөлтийг эрэлхийлж байна.

"Хос 11" нь 18 дахь жилдээ нийлүүлэлтийг баяжуулж, оновчтой туршлагыг бий болгон, зах зээлийг өргөжүүлсэн. Эдгээр өөрчлөлтүүдийн дунд нэг гол сэдэв тодорхой хэвээр байна: хэрэглэгчдийн өөрчлөгдөж буй эрэлт хэрэгцээнд дасан зохицох, нийлүүлэлтийг өргөжүүлж, сайжруулахыг дэмжих, хэрэглээний боломжийг тасралтгүй ашиглах, хэрэглээний орон зайг өргөжүүлэх, эерэг харилцан үйлчлэлээр дамжуулан нийлүүлэлт, эрэлтийг илүү их эрч хүчээр хангаж байна.