Каннын олон улсын 76 дахь кино наадам 16-ны орой Францын өмнөд хэсэгт орших Канн хотод нээлтээ хийсэн юм.

Энэ жилийн кино наадмын гол өрсөлдөөнт нэгж болох "Palme d'Or" хамгийн өндөр шагналын төлөө өрсөлдсөнөөс нийт 21 кино  бүтээл шалгарсан байна. Шведийн найруулагч Ruben Osterlund, хоёр удаагийн Palme d'Or ялагч гол уралдааны хэсгийн шүүхийн тэргүүлэгч юм. Тэрээр энэ жилийн Palme d'Or-д хэн очихоо шийдэхийн тулд бусад найман шүүгчийг удирдан ажиллана.

Кино наадмыг зохион байгуулах хорооноос гаргасан мэдээгээр нийт 7 эмэгтэй найруулагчдын бүтээлийг гол өрсөлдөөний нэгжийн жагсаалтад оруулж, Каннын кино наадмын түүхэнд рекорд тогтоосон байна.

Тус наадмын нээлтийн үйл ажиллагааг Францын жүжигчин Чиара Мастройани хөтөлсөн бөгөөд нээлтийн киногоор "The Countess of Dubarry" сонгогдов. Наадам 05-р сарын 27-ныг хүртэл үргэлжлэх бөгөөд хаалтын ёслол дээр ялагчдыг зарлана.

Франц дахь Каннын олон улсын кино наадам, Герман дахь Берлиний олон улсын кино наадам, Италийн Венецийн олон улсын кино наадам зэрэг нь Европын гурван том кино наадам юм.