Ши Жиньпин Марк Лонг БНХАУ байгуулагдсаны 70 жилийн ойн баярын мэндчилгээ дэвшүүлсэнд талархал илэрхийлэв. Тэрбээр Францын Засгийн газар, ард түмэн БНХАУ-ын  бүтээн байгуулалт, хөгжилд ихээхэн туслалцаа, дэмжлэг үзүүлж байгааг цохон тэмдэглэв. Хятадын хөгжлийг дэлхийгээс салгаж чадахгүй, дэлхийн хөгжлийг Хятадаас тусгаарлаж чадахгүй. Хятад улс харилцан ашигтай,  хамтаар ялалт байгуулах нээлттэй стратегиа тууштай баримталж, дэлхийн өнцөг булан бүрээс, тэр дундаа Францын ард түмэнтэй хамтран хүн төрөлхтний хувь заяаны хамтын нийгэмлэгийн бүтээн байгуулалтыг ахиулах болно.
Ши Жиньпин хэлсэн үгэндээ: - Энэ жил Хятад, Францын хооронд дипломат харилцаа тогтоосны 55 жилийн ой тохиож байна. Энэ оны 3-р сард миний бие таны урилгаар хийсэн Францын төрийн айлчлал амжилттай болсон бөгөөд бид хоёр орны харилцааны шинэ хуудсыг нээсэн. Хоёр тал хоорондын улс төрийн харилцан итгэлцэл тасралтгүй бэхжиж, эдийн засаг, худалдаа, хүмүүнлэгийн салбар дахь прагматик хамтын ажиллагаа шинэ үр дүнд хүрч, олон улсын харилцаанд харилцаа холбоо, зохицуулалт илүү үр дүнтэй болжээ. Би тантай солилцоо, харилцаа холбоогоо бэхжүүлж, өндөр чанарын үр дүнд хүрэхийн тулд хоёр орны хамтын ажиллагааг ахиулж, олон талт байдлыг хамтарч хамгаалах, нэг талт байдлыг эсэргүүцэн, дэлхийн нээлттэй эдийн засгийг дэмжин, дэлхийн тулгамдсан асуудлыг шийдвэрлэхэд хамтран ажиллахыг хүсч байна. Парисын энх тайвны хоёр дахь форумыг зохион байгуулахыг Хятад улс идэвхтэй дэмжиж байна. Францын талыг удахгүй болох Хятад улсын 2-р олон улсын импортын үзэсгэлэнд оролцохыг урьж байна гэжээ.
Марк Лонг хэлэхдээ, би БНХАУ-ыг 70 жилийн ойтойгоо тэмдэглэж байгаад дахин нэг удаа баяр хүргэж байна. Франц, Хятад улсын харилцаа ойрхон, удаан үргэлжилж байна.  Дарга Ши Жиньпин энэ оны 3-р сард Францад хийсэн төрийн айлчлал нь Франц, Хятад хоёр орны иж бүрэн стратегийн түншлэлийн харилцааг хөгжүүлэхэд үр дүнтэй нөлөө үзүүлэв. Өнөөгийн нөхцөлд Франц, Хятад хоёр улс стратегийн харилцаа холбоог бэхжүүлэх нь чухал ач холбогдолтой юм. Францын тал Хятад улстай худалдаа, иргэний цөмийн энерги, агаарын тээвэр, соёлын салбарт дахь солилцоо, хамтын ажиллагааг гүнзгийрүүлж, олон талт байдлыг сэргээж, байгаль орчин, цаг уурын өөрчлөлт зэрэг дэлхийн томоохон асуудлыг шийдвэрлэхэд хамтран ажиллахад бэлэн байна. Дарга Ши Жиньпинтэй ойр дотно харилцаатай байхыг хүсч байна, ойрын ирээдүйд дахин Хятад улсад айлчлахыг хүлээж байна. Францын тал Хятад дахь хоёр дахь олон улсын импортын үзэсгэлэнг идэвхтэй дэмжиж байна.
Хоёр улсын төрийн тэргүүнүүд нийтлэг анхаарал хандуулж буй олон улсын болон бүс нутгийн томоохон асуудлаар санал солилцов.