Ляониний зүүн хэсэгт орших Фэнхуан уулын бэлд орших Дань Дүнфэн хотод оюуны хомсдол, тархины саажилттай, аутизмтэй хүүхдүүдэд зориулсан оюуны бэлтгэл, нөхөн сэргээх, мэргэжлийн сургалт явуулдаг дотуур байртай тусгай боловсролын сургууль байдаг.

Энд буй хүүхдүүдийн ихэнх нь хөдөө орон нутгийн бөгөөд тэднийг тусгай боловсролын багш нар өөрсдийн "эрдэнэ" гэж үздэг бөгөөд тэднийг хайрлан халамжилж байдаг. Багш нарын нүдэнд хүүхдүүд нь цагаан цаас шиг. Хүүхдүүд маш эелдэг боловсролтойгоор уулзсан хүн бүхэнтэй халуун дотноор мэндэлдэг бөгөөд тэд дуу дагаж дуулах, спортоор хичээллэх дуртай. Хүүхдүүдийн бага зэргийн өөрчлөлт нь багш нарт маш их итгэлийг өгдөг. Олон хүүхэд сургуульдаа ирэхдээ өөрийгөө арчилж чаддаггүй байсан бөгөөд одоо цэвэрлэж, нүүрээ угааж, бичиж сурчээ. 27 настай тусгай боловсролын багш Сүнь Хайтин: - Тэд бол орой цэцэглэсэн цэцэгс, бид илүү их хайраа тэдэнд өгөх хэрэгтэй гэлээ.

Багш нар өдөр бүр хүүхдүүдэд хичээл заадаг бөгөөд шөнийн цагаар байрлах байранд байгаа хүүхдүүдэд сувилгаа хийдэг. Мөн багш нар хүүхдүүдээ дагуулан долоо хоног бүр уул устай газраар аялж хөдөө орон нутгийн айлаар орж, тархины саажилттай, аутизмтай хүүхдүүдэд сургалт хийдэг. Тэд хариуцлага хүлээж, шаргуу хөдөлмөрлөж, эдгээр хөгжлийн бэрхшээлтэй хүүхдүүдийн ирээдүйн төлөө зүтгэсээр байна. Тэдэнд жирийн хүмүүс ойлгож чадахгүй маш их дарамтад байдаг. Энэ бол тусгай боловсролын багш нарын харамгүй тууштай байдал бөгөөд эдгээр онцгой хүүхдүүд болон тэдний гэр бүлийнхэнд итгэл олгодог.