Тоглоомын салбарт "Санасан тоглоом болгоныг Чэнхайгаас олж болно" гэсэн үг байдаг. Энэ үг яг зөв юм.
Намайг Гуандүн мужийн Шяньтөү хотын Чэнхай дүүрэгт ирэхэд тоглоомын компаний үйлдвэрүүд эгнэн байрлаж, том жижиг ачааны машинууд нааш цааш давхиж байлаа. 40 гаруй жилийн хөгжлийн үр дүнд Чэнхай хот гадаад, дотоодод алдартай "Тоглоом, бэлэг дурсгалын нийслэл" болж, дэлхийн хамгийн иж бүрэн тоног төхөөрөмжтэй, хамгийн том цар хүрээтэй, зах зээлийн хамгийн өндөр хувийг эзэлдэг тоглоомын үйлдвэрлэлийн кластертай гэдгээрээ алдаршин, дэлхийн тоглоомын үйлдвэрлэлийн 33 хувийг эзэлж, бүтээгдэхүүнээ 120 гаруй улс орон, бүс нутагт экспортолж байгаа юм.
"Дижитал оюун ухаан"-ы өөрчлөлт нь үйлдвэрлэлийг илүү үр ашигтай болгодог
Шинэ зуунд орж, хүүхэлдэйн киноны салбар хөгжихийн хэрээр Чэнхай хотын тоглоомын зах шинэ түвшинд хүрэв.
Вэйли ухаалаг компаний захирал Цай Вэйдүн:
- Манай Вэйли брэндийн алсын удирдлагатай уралдааны тоглоомын машины бүтээгдэхүүнүүд JD.com платформ дээр 300 гаруй юаниар зарагддаг бол "Чэнхайд үйлдвэрлэсэн" нь бусад цахим худалдааны платформ дээр арав гаруй юаний үнэтэй зарагддаг, маш олон загварынх байдаг.
Чэнхайд байрлах Шяньтөү компаний том дэлгэц дээр бодит цаг хугацаанд харуулсан үйлдвэрлэлийн байдал нь хүмүүсийн анхаарлыг татаж байв. Үйлдвэрлэлийн шугам бүр нь үндсэндээ ухаалаг мөртөө автоматжуулж, өндөр нарийвчлалтай тоглоомын барилгын блокууд нь шахах машинаас тасралтгүй гарч байдаг ба өдөрт 40 сая ширхэг үйлдвэрлэдэг.
Шяньтөү компаний үйлдвэрлэлийн төвийн захирал Хун Жявэнь:
- Эдгээр тоглоомын барилгын блокуудыг 10 гаруй тоглоомын компанид зориулдаг. Манайхыг хүлээн авдаг тоглоомын компаниуд цутгамал эд ангиудад мөнгө, эрчим хүч зарцуулах шаардлагагүй, бүтээгдэхүүний дизайн, брэндийн шинэчлэлд анхаарлаа хандуулахад хангалттай. Тэдний өгсөн бүх нийтийн стандартын алдаа нь 0.02 мм-ээс доош ба маш хатуу хяналттай юм. 100 багцыг тасралтгүй үйлдвэрлэхэд үндсэндээ өнгөний зөрөө байдаггүй.
Вэйда ухаалаг төхөөрөмжийн компаний дижитал туршилтын шахах, цутгах цехэд материал оруулж үйлдвэрлэхээс эхлээд эцсийн бүтээгдэхүүн хүртэлх ухаалаг платформ систем нь үйлдвэрлэлийн өгөгдлийг цуглуулж дүн шинжилгээ хийж, үйлдвэрлэлийн процессыг хамгийн сайн хэвээр байлгахын тулд стандартын дагуу процессын параметрүүд болон эрчим хүчний хэрэглээг бодит цаг хугацаанд оновчтой болгодог.
Вэйда ухаалаг төхөөрөмжийн компаний төслийн менежер Жэн Вэйчэнь:
- Нэг хүн 20-30 тоног төхөөрөмж ажиллуулах боломжтой. Хэвийн бус байдал үүсвэл систем нь автоматаар үйлдвэрлэлийн шугамын аюулгүй ажиллагааг тасралтгүй хангаж, доголдлыг бууруулах, үйлдвэрлэлийн гэнэтийн зогсолтоос зайлсхийхийн тулд бодит цагийн сэрэмжлүүлэг, шуурхай боловсруулалт хийдэг.
Шяньтөү, Вэйда зэрэг ухаалаг компаниудын үйлдвэрлэлийн шугамд гарсан өөрчлөлт нь Чэнхайн тоглоомын үйлдвэрлэл технологийн өөрчлөлтийг хэрэгжүүлж, дижитал өөрчлөлт, ухаалаг шинэчлэлийг сурталчилж байгаагийн тод жишээ юм. Энэ он гарснаас хойш тус бүс нутгийн 100 гаруй компани дижитал өөрчлөлтөд орж, үйлдвэрлэлийн үр ашиг ерөнхийдөө 30 хувиар өсөж, тоглоомын блок, рубикийн шоо зэрэг хуваагдмал хэсгүүд нь үндсэндээ ухаалаг үйлдвэрлэлийг хэрэгжүүлж, үйлдвэрлэлийн кластеруудыг дижиталжуулах түвшин мэдэгдэхүйц сайжирсан.
Тоглоом + IP борлуулалтын нууц үг
“Панда Хятадынх, Күнфү ч Хятадынх. Гэхдээ күнфү пандагийн IP бол Хятадынх биш. Энэ тухай ярихдаа Шинхүй энтертайнментийн Тоглоомын хэлтсийн орлогч ерөнхий менежер Чень Шюйбинь сэтгэл дундуур байлаа.
Дэлхий даяар тоглоомын бараг 75 хувь нь IP тоглоом байдаг. Алдартай IP нь ихэвчлэн хүүхэлдэйн гол дүрийн хөгжлийг жолоодож, улмаар бүхэл бүтэн салбарын гинжин хэлхээнд хөшүүрэг болгодог.
10 гаруй жилийн өмнө Шинхүй энтертайнментийн тоглоомын компани IP-ийн хөгжлийн чиг хандлагад анхаарлаа хандуулж, үйлдвэрлэлийн өөрчлөлтийн замыг эхлүүлжээ. Одоо дотоод, гадаадад 30 гаруй IP-ийн зах зээлийн зөвшөөрөлтэй бөгөөд бүтээгдэхүүнээ дэлхийн 100 гаруй улс орон, бүс нутагт борлуулж байгаа юм.
Чэнхайн тоглоомын аварга Аофэй энтертайнмент нь мөн олон алдартай IP эзэмшдэг. "Супер далавч", "Балала бяцхан дагина", "Бяцхан хонь ба хөх чоно” зэрэг хүүхэлдэйн киноны “од” хүүхдийн хувцас, хичээлийн цүнх, гутал, дэвтэр, халууны шил болон бусад бүтээгдэхүүн дээр гарч, нэг үеийн хүүхдийн өсөлтийг дагалдах болно.
Aoфэй нь хөдөлгөөнт дүрс, кино, тоглоом, хүүхдийн бүтээгдэхүүн, дериватив лиценз болон бусад бизнесүүдийг нэгтгэсэн "бие даасан IP + салбарын бүрэн сүлжээ" үйлдлийн платформыг бий болгохын тулд бие даасан хөдөлгөөнт IP дээр анхаарлаа төвлөрүүлэхийг шаарддаг. Тоо баримтаас харахад IP тоглоомын борлуулалт 2022 онд компаний орлогын 37 гаруй хувийг эзлэв.
Гуандүн Сэньбао соёлын аж үйлдвэрийн ХХК нь Чэнхай дахь өндөр технологийн үндэсний үйлдвэр бөгөөд блокын соёлыг бүтээхэд гол анхаарлаа хандуулдаг. Ерөнхий менежер Линь Зэжэгийн хэлснээр тус компани нь 2019 оноос хойш бие даасан IP болон IP-г хамтран бүтээх чиглэлээр шаргуу ажиллаж эхэлсэн. "Тэнүүлчин дэлхий" кино, Шандүн нисэх онгоц тээгч хөлөг онгоц, сансар судлалын соёлын бүтээл, хориотой хотын соёл зэрэг үндэсний загварлаг IP-ийн борлуулалт, мөн IP-ийн оригинал барилгын блокуудын цуврал бүтээгдэхүүнүүдийн борлуулалт гайхалтай сайн болов.
Чэнхайн Шинжлэх ухаан, технологийн инновацийн төвд хүрэлцэн ирэхэд зуу гаруй компани, 400 гаруй шинжлэх ухааны судалгаа, дизайны ажилтнууд энд цугларч, тоглоомын шинжлэх ухааны судалгаа, дизайн, соёлын бүтээлч байдал, бизнес эрхлэх инкубаци болон бусад холбоосууд дээр анхаарлаа төвлөрүүлж байв. "Тоглоом + IP" загвараар Чэнхай тоглоом нь инновацийн чадавхийг сайжруулаад зогсохгүй, бүтээгдэхүүнээ илүү олон төрөл болгон өргөжүүлж, дотоод, гадаадын зах зээлд өрсөлдөх чадвараа үр дүнтэй өсгөсөн байна.
Олон талын хамтын чармайлтаар хөгжлийн зам өргөн хүрээтэй болов
Саяхан Чэнхайн тоглоомын салбараас бас нэгэн сайн мэдээ ирлээ: орон нутгийн засаг захиргаа болон аж үйлдвэрийн холбоодын тусламжтайгаар Чэнхай тоглоом 5.8 тэрбум юаний үнэ бүхий Зүүн өмнөд Азийн зах зээлийн гэрээ байгуулжээ.
2002 оны үеэр Шяньтөү тоглоомын экспорт дөнгөж 100 сая ам.доллар давж байсан бол 2022 он гэхэд Шяньтөүгийн тоглоомын экспорт 2.1 тэрбум ам.доллар давж, 20 жилийн хугацаанд жилийн дундаж өсөлт 16.2 хувьд хүрэв. Өдгөө Чэнхай дүүрэгт тоглоомын компаниуд улам олон болж, брэндийг тэргүүнд тавьж, чанарыг батлахаар гол болгон хилийн чанадад хүрэх зам улам өргөн хүрээтэй болсон байна.
Арав гаруй жилийн өмнө байгуулагдсанаас хойш Вэйлш ухаалаг компани нь дижитал ухаалаг тоглоомын бүтээгдэхүүний 80 хувийг гадаад зах зээлд борлуулж, брэндийг судлах, боловсруулалт хийх үүрэг хүлээсээр иржээ. АНУ-ын зах зээлд хурдтай авирах тоглоомын машины жилийн борлуулалтын хэмжээ 500 мянган ширхэг бол дөрвөн тэнхлэгтэй агаарын гэрэл зургийн тоглоомын бүтээгдэхүүний жилийн борлуулалт 200 мянга гаруй ширхэгт хүрчээ. Одоогийн байдлаар тус компаний жилийн борлуулалт 300 сая юаньд хүрээд байна.
Вэйли ухаалаг компаний ерөнхий менежерийн орлогч Ли Вэйчюнь:
- Энэ жил бид үйлдвэрийн үнэ нь 1000 юаниас дээш байх өндөр зэрэглэлийн өндөр хурдны авиралтын тоглоомын машин бүтээхэд анхаарч буйн зэрэгцээ сүүлийн жилүүдэд бид хилийн чанадад томоохон супермаркетуудыг байршуулахаас гадна, Amazon, Е-Bay зэрэг хил дамнасан цахим худалдааны платформуудыг байршуулж, онлайн болгоход анхаарч байна.
Тоглоомыг онлайнаар борлуулж байгаа нь Чэнхай тоглоомын гадаад дахь борлуултын “Xiao Niao Cloud" зэрэг хил дамнасан цахим худалдааны платформуудыг байгуулан, хил дамнасан цахим худалдааны бүтээгдэхүүний хэсэг, онлайн үзэсгэлэнгийн танхим, бүтээгдэхүүн сонгон шалгаруулах төв болон бусад чиг үүргийг байгуулж, хил дамнасан үйл ажиллагааг идэвхжүүлж байгаа нь дэлхийн хил дамнасан худалдан авагчид болон үйлдвэрлэгчдэд зориулсан худалдааны залгах платформыг бий болгох зорилготой юм.
"Xiao Niao Cloud" платформ нь одоогоор 40,000 гаруй тоглоомын үйлдвэр, 30,000 гаруй тоглоом худалдан авагч, эцсийн хэрэглэгчдэд туслах 30,000 гаруй хэрэгслүүд, 5,57 сая тоглоомын бүтээгдэхүүнтэй. Энэ нь ашиглалтад орсноос хойш Чэнхайн тоглоомын компаниудад 12,000 гаруй бие даасан вэб сайт, онцгой апп-уудыг бий болгоход тусалсан бөгөөд дэлхийн 143 улс орон, бүс нутгаас захиалга авч, захиалгын хэмжээ 26 тэрбум юаниас давсан байна.
Аофэй компаний үйлдвэрлэл, үйлдвэрлэлийн төвийн гүйцэтгэх ерөнхий менежер Лү Шюаньбень:
- Одоогийн байдлаар Аофэй нь "Бүс ба Зам" дагуух 20 гаруй улстай хүүхэлдэйн киноны нэвтрүүлэг, тоглоомын худалдаа, IP лиценз олгох, олон улсын төсөл зэрэг чиглэлээр цуврал хамтын ажиллагаагаа эхлүүлээд байна. Аофэй идэвхтэй "гарч", олон улсын хөгжлийн замыг судалж, агуулгын бүтээлч байдал, хэрэглээний бүтээгдэхүүний судалгаа, хөгжүүлэлт, дүрсний лиценз, түгээлтийн сүлжээ, борлуулалтын сүлжээний салбарт олон улсын стратегийн цогц төлөвлөлтийг хэрэгжүүлэв. Цаашид бид соёлын салбарын өндөр чанартай хөгжилд тус дэм үзүүлэхийн тулд өндөр чанартай IP контент бүтээж, Хятадын олон брэндийг дэлхий дахинд алдаршуулах болно.
