Энэ оны есдүгээр сард Хунань мужийн Чанша хотод байрладаг барилгын машин механизмын компани болох Sany Heavy Industry-ийн Олон улсын маркетингийн компанид их биеийн гол хөдөлгүүрийг угсрах, урд хөл, явах эд анги, хяналтын систем болон өнгө будгийн үйлдвэрлэлийн тусгай шаардлагыг хангах гадаадын тусгай захиалга иржээ. Энэхүү насос ачааны машиныг харилцагч тал нь ердөө нэгийг л захиалсан байна.
Энэ захиалгыг авах уу, байх уу? Одоо байгаа үйлдвэрлэлийн шугам нь энэ тусгай насос ачааны машины үйлдвэрлэлийн шаардлагыг хангаж чадах уу, үгүй юу ?
- Мэдээжийн хэрэг захиалгыг хүлээж авсан! Зөвхөн 17 хоногийн дотор харилцагчийн хэрэгцээг хангасан насос ачааны машиныг угсрах шугамаас амжилттай гарсан гэж Sany Heavy Industry Pumping Division-ийн Ухаалаг үйлдвэрлэлийн хэлтсийн захирал Рао Ёуфү хэллээ.
Sany Heavy Industry-ийн нууц жор энэ жил ашиглалтад орсон Чанша 18-р ухаалаг үйлдвэрийн уян хатан үйлдвэрлэлийн шугам байлаа.
- Угийн үйлдвэрлэлийн хугацаанд ойролцоогоор 28 хоног шаардлагатай байдаг бол үйлдвэрлэлийн шугамыг уян хатан чанартай болгон өөрчилсний дараа үйлдвэрлэлийн хугацаа бараг 40 хувиар богиноссон гэж Рао Ёуфү инээмсэглэн хэлэв.
Уян хатан үйлдвэрлэлийн систем нь олон нийтэд танил бус нэр томъёо хэвээр байж магадгүй юм. Гэсэн хэдий ч сүүлийн жилүүдэд "Уян хатан чанар бүхий үйлдвэрлэлийн шугам" ба "Уян хатан үйлдвэрлэл" нь олны анхаарлыг татаж байна. Масс үйлдвэрлэлийн хатуу бүтээгдэхүүнээс гадна олон сорт, цөөн тооны уян хатан үйлдвэрлэлийн бүтээгдэхүүнүүд ид хөгжиж байгаа бөгөөд олон компаниуд уян хатан үйлдвэрлэлийг туршиж байна.
Уян хатан үйлдвэрлэлийн увидас нь юу вэ? Уян хатан үйлдвэрлэлийн хөгжлийн хэтийн төлөвийг хэрхэн харж байна. Үүнтэй холбогдуулан манай сурвалжлагч нийтлэл бэлтгэн хүргэж байна.
Хэрэглэгчийн ялгавартай эрэлтийг хангах
Geely авто группийн Малайз дахь Протоны үйлдвэрт, Гуаньжөүгийн Минлүө Тоног Төхөөрөмжийн ХХК-ний гүйцэтгэж буй үйлдвэрлэлийн шугаман хэсэгт 70 гаруй робот байх бөгөөд автоматжуулалтын түвшин 80 хувиас дээш байгаа аж. Энэ төсөлд Минлүө ерөнхий угсралтын систем нь долоон автомашины загварыг тохиолдлын байдлаар үйлдвэрлэх боломжтой.
Тохиолдлын байдлаар олон загварыг хамтад нь үйлдвэрлэнэ гэдэг нь юу гэсэн үг вэ?
Минлүө Тоног Төхөөрөмжийн ХХК-ний ТУЗ-ийн дарга Яо Вэйбин:
- Минлүөгийн уян хатан угсрах системийг өөрчлөн ашигласны дараа олон загварыг үйлдвэрлэлийн нэг шугамаас гаргах боломжтой бөгөөд хамгийн ихдээ тэдний уян хатан үйлдвэрлэлийн шугам нь 11 загварыг үйлдвэрлэх боломжтой гэж хэллээ.
Энэ үйл явцад багагүй хүчин зүтгэл гаргасан нь Минлүө дижитал технологи, мэдээллийн менежментийн системд тулгуурлан санал болгож буй уян хатан, ухаалаг бүтээгдэхүүн, шийдлийг бага хэмжээний, бага өртөгтэй, уян хатан, ухаалаг үйлдвэрлэлийг аажмаар хэрэгжүүлж, нийтлэг технологи, нийтлэг менежментийн аргаар үйлдвэрлэлийн салбарыг өөрчлөхөд чиглэн, автомашины тоног төхөөрөмжийн салбарыг өөрчлөхөөс эхлээд том тоног төхөөрөмжийн салбарт өргөн хэрэглээнд нэвтрүүлэх болно.
Минлүөгийн нэгэн адил олон үйлдвэрлэгч компаниудын хүсэл эрмэлзэл нь уян хатан үйлдвэрлэлийг бий болгож, илүү хувийн үйлдвэрлэлийн хэрэгцээг хангах явдал юм. Уян хатан үйлдвэрлэл гэж юу вэ?
Олон улсын үйлдвэрлэлийн инженерийн судалгааны нийгэмлэгээс уян хатан үйлдвэрлэлийн систем нь автоматжуулсан үйлдвэрлэлийн систем юм. Цөөн хүний оролцоотойгоор ямар ч цар хүрээний бүтээгдэхүүний бүлгийг үйлдвэрлэх боломжтой бөгөөд системийн уян хатан байдал нь ихэвчлэн системийн загварт харгалзан үзсэн бүтээгдэхүүний бүлгээр хязгаарлагддаг.
Үүний дагуу хатуу үйлдвэрлэлийн систем нь бүтээгдэхүүний цар хүрээний үйлдвэрлэлийн талдээр ихэвчлэн биеллээ олж байдаг бол нийгмийн томоохон хэмжээний аж үйлдвэрийн бүтээгдэхүүний эрэлтийг хангадаг. Харин хэрэглээний бүтэц шинэчлэгдэхийн хэрээр худалдан авагчийн зах зээл, хэрэглэгчдийн хувийн шинж чанар, захиалга, цаг хугацааны шаардлага нэмэгдэн, "Төрөлжсөн, жижиг хэмжээтэй, хянах боломжтой мөчлөг"-ийн уян хатан үйлдвэрлэлийг хангахын тулд зах зээлийн эрэлт эрс нэмэгдэж байна.
Уян хатан үйлдвэрлэлийн зах зээлийн эрэлт яагаад нэмэгдэж байна вэ?
Өнөө үед бизнес хөгжихийн хэрээр үйлдвэрлэлийн шугамд зах зээлийг ялгах шаардлага улам бүр нэмэгдэж байна. Үйлдвэржилтийн эрин үед өөрчлөн байгуулалтын эдийн засагт том гацаа бий. Өөрөөр хэлбэл, үүнийг өргөжүүлж чадахгүй. Үйлдвэржилтийн явц нь үр ашиг, масс үйлдвэрлэлийг онцолж байгаа боловч хувь хүний хэрэгцээг хангахын тулд уян хатан үйлдвэрлэлийн шугамд найдах шаардлагатай байна.
Яо Вэйбин:
- Хэрэглэгчдийн янз бүрийн хэрэгцээнээс гадна уян хатан үйлдвэрлэл нь нийлүүлэлтийн хувьд ч маш их зах зээлтэй. Учир нь бүтээгдэхүүн бүрийн хэрэгцээ, ялангуяа орон зайн хэрэгцээг хангахын тулд нэг төрлийн хэв, үйлдвэрлэлийн шугам барих шаардлагатай бол хөрөнгө оруулалтын өртөг маш өндөр байдаг. Хэрэв эрэлт тодорхой түвшинд хүрэхгүй бол арилжааны хувьд үнэ цэнэтэй биш. Тиймээс тодорхой хүчин чадлыг хангах гэсэн үүднээс компаниуд аль болох олон үйлдвэрлэлийн уян хатан байдалд хүрч, олон бүтээгдэхүүнийг ижил үйлдвэрлэлийн систем, ижил үйлдвэрлэлийн шугам дээр гүйцэтгэж, хөрөнгө оруулалтын эрсдэл, үйлдвэрлэлийн зардлыг төрөлжүүлж, бууруулах боломжтой. Уян хатан үйлдвэрлэлийн үнэ цэнэ үүнд оршиж байна.
Хятадын Аж үйлдвэр, мэдээллийн технологийн яамнаас өнгөрсөн оны есдүгээр сард "Үйлдвэрлэлийн бүтээгдэхүүн, үйлчилгээний чанарыг сайжруулахыг дэмжих талаар хэрэгжүүлэх санал"-ыг гаргаж, аж ахуйн нэгжүүд технологийн шинэчлэл хийн, хувийн тохируулалт, уян хатан үйлдвэрлэл явуулж, бүтээгдэхүүний ангиллыг баяжуулан, хэрэглэгчийн ялгавартай эрэлт хэрэгцээг хангахыг дэмжиж байна.
Өнгөрсөн оны 11 дүгээр сард Хятадын Үндэсний хөгжил, шинэтгэлийн хороо зэрэг 15 байгууллага хамтран"Дэвшилтэт үйлдвэрлэл ба орчин үеийн үйлчилгээний салбаруудын гүнзгий интеграцыг дэмжих талаар хэрэгжүүлэх санал" гаргасан. Үүнд уян хатан тохиргоог түгээн дэлгэрүүлэх шаардлагыг онцолжээ. Туршлагын харилцан үйлчлэл, онлайн дизайн зэрэг хэлбэрээр дамжин захиалгат дизайны чадварыг сайжруулж, эд ангиудыг стандартчилах, дагалдах хэрэгслийн сайжруулалт, эд ангиудын модульчлагдсан менежментийгбэхжүүлэн, хэрэглэгчээр төв болгосон захиалга, эрэлт хэрэгцээтэй уян хатан үйлдвэрлэлийг бий болгох болно.
Чухамдаа хэрэглэгчийн эрэлт өөрчлөгдөж байгаа нь үйлдвэрлэгчид, үйлчилгээ эрхлэгчдийг уламжлалт загвараа өөрчилж, хэрэглэгчдэд чиглэсэн шинэлэг зам руу аажмаар шилжихэд хүргэж байна.Уян хатан, хурдан хариу үйлдэл үзүүлэх хангамжийн гинжин хэлхээ нь аж ахуйн нэгжүүдийн өрсөлдөх чадварын нэг болж байна.
Уян хатан үйлдвэрлэл Олон талт өвөрмөц чанар
Sany Heavy Industry нь Хятад улсын анхны ухаалаг үйлдвэрлэлийн туршилтын жишиг аж ахуйн нэгжүүдийн нэг бөгөөд Чанша хотын "18 дугаар үйлдвэр" -т байрладаг. Тус үйлдвэрийн ухаалаг үйлдвэрлэлийн цех нь үйлдвэрлэлийн явцад хүн, тоног төхөөрөмж, материал, урлал зэрэг янз бүрийн элементүүдийн уян хатан интеграцыг хэрэгжүүлсэн. Ерөнхий угсралтын хоёр шугам нь 69 нэр төрлийн бүтээгдэхүүний холимог, уян хатан үйлдвэрлэл явуулах боломжтой. 100 мянган кв.м талбай бүхий цехэд үйлдвэрлэлийн шугам бүр 30 гаруй төрлийн механик тоног төхөөрөмжийг нэгэн зэрэг хольж үйлдвэрлэх боломжтой. Хүчин чадал нь 30 тэрбум юаний гаралтыг дэмжинэ.
Үйлдвэрлэлийн уламжлалт загварын дагуу нэг үйлдвэрлэлийн шугам нь зөвхөн нэг, эсвэл цөөн тооны техникийн чанартай бүтээгдэхүүн үйлдвэрлэх боломжтой бол ухаалаг үйлдвэрлэлийн шугамд өөр өөр захиалгын шаардлагын дагуу шугаман дээр өөр өөр бүтээгдэхүүнийг нэгэн зэрэг үйлдвэрлэж болно. Уламжлалт үйлдвэрлэлийн загвараар хийхэд хүндрэлтэй зүйлүүдийг ухаалаг уян хатан үйлдвэрлэлийн шугам хэрхэн хийж гүйцэтгэж байгаа бол? "18 дугаар үйлдвэр" хариулт өглөө.
Үйлдвэрийн хэсгийн уян хатан үйлдвэрлэлийн систем нь хэрэглэгчийн хэрэгцээ, бүтээгдэхүүний мэдээлэл, тоног төхөөрөмжийн мэдээлэл, үйлдвэрлэлийн төлөвлөгөө зэргийг багтаасан том датаг холбож, Sany’s MOM (Manufacturing Operation Management) системээр дамжуулж боловсруулахын тулд үйлдвэрлэлийн харилцан холболтын сүлжээнд тулгуурлан хамгийн тохиромжтой үйлдвэрлэлийн төлөвлөгөө боловсруулж, төрөл бүрийн үйлдвэрлэлийн нөөцийг оновчтой хуваарилах юм байна.
Энэ оны 03 дугаар сард Sany Heavy Industry-ийн ухаалаг үйлдвэрлэлийн хэлтэст шинэ хүсэлт ирсэн байна. Үүнд: Компаний захиалга нэмэгдэхийн хэрээр насос ачааны машиндзориулагдсан эргүүлгэн цамхгийн арлын гагнуурын үйлдвэрлэлийн хүчин чадлыг өдөрт 8-12 ширхгээр нэмэгдүүлэх шаардлагатай. Иймээс угийн зургаан ажлын хэсэг хангалтгүй болсон ба нэн даруй найман ажлын хэсэг болгон нэмэгдүүлэх шаардлагатай гэсэн үг юм.
Өмнө нь ажлын хэсгийг нэмж оруулахад үйлдвэрлэлийн шугамыг дахин төлөвлөж, өөрчлөх шаардлага гарч болзошгүй байдаг. Энэ нь хагас жилийн хугацаа шаардагддаг. Уян хатан системийг ашигласнаар робот худалдан авч эцсийн суурилуулалт боловсруулах хүртэл үйлдвэрлэлийн шугамын уян хатан өөрчлөлтийг ердөө 45 хоногийн хугацаанд хийж гүйцэтгэсэн.
Илүү чухал зүйл нь үйлдвэрлэлийн шугамд уян хатан өөрчлөлт хийж, үйлдвэрлэлийн шугамыг нэмэлгүйгээр үйлдвэрлэлийн хүчин чадлыг нэмэгдүүлсэн явдал болно. Цаашилбал, хэрэв дараа нь тохируулалт хийх шаардлагатай бол ажлын хэсгийг шууд шилжүүлж болох болсноор илүү хялбар дөхөм болжээ.
Sany Heavy Industry-ийн нэгэн адил "Интернэт +" нь нийлүүлэлтийн сүлжээний менежментэд асар их өөрчлөлт авчрахыг дагаадүйлдвэрлэлийн салбарт хувийн тохируулалт, уян хатан үйлдвэрлэл нэвтэрсээр байна.
Энэ оны эхээр дэгдсэн цар тахлын нөлөөгөөр маск, хамгаалалтын хувцас, нүдний шил зэрэг хамгаалалтын бүтээгдэхүүний ялгаа их байснаар нийлүүлэлтийн гинжин хэлхээний уян хатан байдлыг туршиж үзсэн. Түүнчлэн олон үйлдвэрүүд том дата, зүйлсийн интернэтэд тулгуурлан үйлдвэрлэлийн шугамыг хурдтай өөрчилж, маск, хамгаалалтын хувцас зэрэг цар тахлын эсрэг эд материалын үйлдвэрлэлд шилжсэнээр уян хатан үйлдвэрлэл дахин анхаарлын төв болсон байна.
Эдгээр амжилтуудын цаана анхны үйлдвэрлэгчдийн эрчимтэй хуваарь гаргахаас гадна уян хатан аргаар дамжуулан салбар дамнасан үйлдвэрлэлийн өөрчлөлтийн хүч ихээхэн хувь нэмэр оруулсан юм.
Чухамдаа цар тахлын нөлөөн дор үйлдвэрлэлийн шугамыг хурдан өөрчлөх, эсвэл стратегиа хурдан хугацаанд тохируулсан ихэнх компаниуд дэвшилтэт автоматжуулалт, дижиталчлал, ухаалаг түвшинг ашигласны цаана "уян хатан үйлдвэрлэл"-ийн хүчин чадал оршин буй.
- Цар тахлаас урьдчилан сэргийлэх, хянах ажлын хүрээнд үйлдвэрлэлийн уян хатан шинж чанар бүхий ухаалаг үйлдвэрлэл нь компаниудад богино хугацаанд өвөрмөц шинж чанар бүхий үйлдвэрлэлийн шугамыг сэргээн босгож, бүтээгдэхүүний хурдан шинэчлэлт, давталтыг сайжруулсан байна. Ухаалаг үйлдвэрлэл асар их үүрэг гүйцэтгэх болно. Цар тахлаас урьдчилан сэргийлэх, хянах хугацаанд манай баг эмнэлгийн хэт ягаан туяаны ариутгалын робот, эмнэлгийн материалыг түгээх робот зэрэг цар тахлын эсрэг роботуудыг зохион бүтээж, эмнэлгүүдэд үнэ төлбөргүй хандивласан. Үйлдвэрлэлийн шугамын ложистик роботоос хувиргалт хийж, цар тахлын эсрэг робот үйлдвэрлэх хүртэл сар хүрэхгүй хугацаа зарцуулсан гэж Хятадын Инженерийн Академийн академич Ван Яонань хэллээ.
Өөр нэг жишээ нь хувцас үйлдвэрлэлийн салбарт хүмүүсийн амьжиргааны түвшин дээшлэхийн хэрээр хувийн шинж чанар бүхий захиалга, уян хатан үйлдвэрлэлийн эрэлт хэрэгцээ их байна. Түүнчлэн олон олон хувийн шинж чанар бүхий захиалгат платформ хурдтай гарч ирсэн.
Бээжингийн Машин механизм үйлдвэрлэлийн автоматжуулалтын судалгааны хүрээлэн ХХК-ний ахлах мэргэжилтэн Жян Минвэй:
- Шанхай нэхмэл эдлэлийн групп, Шанхай хотын Инженер технологийн их сургуулийн хамтран зохион бүтээсэн "Хувцасны ухаалаг захиалга 1.0"-т олон талт интеграц технологи, доме дизайныг ашиглаж,соматосенсор цуглуулагч, сүлжээний төвөөр дамжуулан мэдээлэл цуглуулахад таван секунд шаардагдана. Цэгэн үүлэн тооцооллын тохируулах алгоритм, цэгийн үүл тооцооллын тохируулалт дээр суурилсан тойргийн параметр засах алгоритм ашиглаж, 360 градус эргүүлэх бүрэн хэмжээний хүний биеийн 3D загварыг бүрдүүлэхийн зэрэгцээ хүний биеийн хэсэг бүрийн хэмжээг нэгэн зэрэг тооцож, үндсэн хувцас үйлдвэрлэлд шаардагдах өгөгдлийг бүрдүүлдэг. Мэдээллийг 30 секундын дотор үйлдвэрлэлийн өрөөнд дамжуулах боломжтой. Захиалагч нь мобайл терминалаар дамжуулан захиалга өгөх боломжтой. Хоёр цагийн дотор хувцасны захиалгыг гүйцэтгэх болно.
Харилцан уялдуулсан ухаалаг үйлдвэрлэл
- Уян хатан үйлдвэрлэлийн системийг хэрэгжүүлснээр тухайн аж ахуйн нэгжийн техникийн чадавх төдийгүй, менежмент зэрэг бүх талын зөөлөн хүчний шалгуур болох бөгөөд нэг хоёр дэвшилтэт тоног төхөөрөмжийг нэвтрүүлснээр шийдвэрлэх боломжгүй.Зөвхөн үйлдвэрлэлд анхаарлаа хандуулахаар л хязгаарлаж болохгүй. Дээд болон доод аж үйлдвэрийн салбарын уян хатан чанарыг бүрэн хөгжүүлэх нь илүү чухал гэж салбарынхан онцолж байна.
Яо Вэйбиний үзэж буйгаар:
- Гуаньжөүгийн Минлүө нь ухаалаг үйлдвэрлэлийн "Зургаан шинэчлэл"-ийн замыг үргэлжлүүлэн хэрэгжүүлсээр байгаа (энэ нь автомажилт дээр суурилсан оновчтой нарийн + уян хатан байдал + стандартчилал + дижитал + автоматжуулалт ) нь ухаалаг үйлдвэрлэлийг гүйцэтгэх гол алхам юм гэж хэлсэн байна.
Оновчтой үйлдвэрлэл нь хөрөнгө, тоног төхөөрөмж, хөрөнгө оруулалтыг хамгийн дээд хэмжээнд байлгах боломжтой. Уян хатан байдал нь тусгай хөрөнгийг илүү ерөнхий болгох, цаашлаад бүтээгдэхүүний бүдүүлэг элэгдлийг хугацааны мөчлөгийн элэгдлийн тооцоо болгон хувиргах явдал юм. Ухаалаг хөгжлийн эргэлтийн цэг дээр стандарт бус стандартчилал (өөрөөр хэлбэл стандарт бус тоног төхөөрөмж / хийц урлал / процесс / үйлдвэрлэлийн шугам зэрэг стандартчилагдсан үр дүн) нь чанар, үйлдвэрлэлийн үр ашгийг цаашид оновчтой болгохын тулд доод тулгуур болгон ашигладаг. Дижиталчлал нь бүтээгдэхүүнийг хүргэх мөчлөгийг маш ихээр богиносгож, шинэ бүтээгдэхүүний чанарыг урьдчилан хүлээн авч шалган, тогтвортойгоор зах зээлд гаргаж, хөрөнгө оруулалтын үнэ цэнийг хурдан бий болгодог.
Рао Ёуфү :
- Ирээдүйд уян хатан үйлдвэрлэлийг өргөжүүлэхэд хоёр бэрхшээл тулгараад байна. Эхнийх нь программ хангамж, техник хангамжийг уялдуулах асуудал. Уян хатан үйлдвэрлэлийн гол цөм нь программ хангамжийн системийг таних, хуваарь гаргахад түшиглэн, шинэ бүтээгдэхүүний эрэлт хэрэгцээг хөтөлбөрийн заавар болгох тохиолдолд уян хатан программыг үйлдвэрлэлийн шугамд шууд нэвтрүүлэхэд угийн үйлдвэрлэлийн аргыг тохируулах шаардлагатай. Хоёр дахь нь дижитал хадгалах асуудал. Хэрэглэгчийн хэрэгцээ маш хурдан өөрчлөгдөж байдаг боловч хэрэгцээ нь бүтээгдэхүүн болж хувирахад үйлдвэрлэгчид хурдан зохицуулалт хийх чадвартай байх хэрэгтэй. Түүний дизайн, үйлдвэрлэлийн чадвар нь зах зээлийн эрэлт хэрэгцээг хангахын тулд түргэн шуурхай хүргэх шаардлагыг хангасан байх ёстой. Үүнд хэвтээ мэдээллийн холболт, автоматжуулсан үйлдвэрлэл, ухаалаг дүн шинжилгээ хийх шаардлагатай.
Гэсэн хэдий ч Яо Вэйби:
- Уян хатан үйлдвэрлэлийн өвөрмөц захиалгат шинж чанар нь стандартчиллыг арилгах гэсэн үг биш. Хэдийгээр энэ нь хэрэглэгчдийн өвөрмөц шинж чанар бүхий хэрэгцээнд нийцүүлэн өөрчлөн тохируулах хандлага боловч уян хатан үйлдвэрлэл нь хязгаарлалгүй өөрчлөн тохируулахыг хэлдэггүй. Уян хатан үйлдвэрлэл нь мөн харьцангуй юм. Бидний хийх ёстой зүйл бол ухаалаг үйлдвэрлэлээр дамжуулан бүхийл үйлдвэрлэлийн шугамыг оновчтой нарийн, уян хатан, дижитал, ухаалаг байх. Үйлдвэрлэлийн хамтын ажиллагааг сайн хийж, хэрэгцээ шаардлагад нийцүүлэн стандарт бүтцэд суурилсан өөр өөр бүтээгдэхүүн үйлдвэрлэхийн зэрэгцээ аль болох уян хатан үйлдвэрлэлд хүрэх ёстой Уян хатан үйлдвэрлэлийн тухай ойлголтыг үйлдвэрлэлийн эхний алхмаас нэвтрүүлж, үйлдвэрлэлийн шугам, бүтээгдэхүүний загвар гаргахаас эхлээд уян хатан байдлын ойлголтыг авч үзэх хэрэгтэй. Харин эцсийн шатанд уян хатан өөрчлөлтийг хийх биш, эхний алхамд хийснээр өртгийг бууруулан ашгийг нэмэгдүүлж чадна. Чухамдаа уян хатан үйлдвэрлэлийн бизнесийн логик нь уян хатан байдлын чухал чанар төдийгүй, хэн хурдан, сайн, хямд байдаг вэ гэдэг нь чухал юм гэж үзэж байна.
Өргөн утгаараа ухаалаг үйлдвэрлэл гэдэг нь том ойлголт бөгөөд ухаалаг үйлдвэрлэлийн чухал агуулгын нэг юм. Ван Яонань:
- Ухаалаг үйлдвэрлэлийн гол шинж чанар нь "уян хатан байдал" юм гэж онцолсон.
Яо Вэйби:
- Уян хатан үйлдвэрлэл, түүний дотор ухаалаг үйлдвэрлэлийг хөгжүүлэхээр дамжин энэ нь үйлдвэрлэлийн салбарт хувьсгалт өөрчлөлтийг авчирч, үйлдвэрлэлийн салбарын ирээдүйн хөгжлийн хөдөлгөгч хүч болно гэж үзэж буйгаа илэрхийллээ.
