Чүнчин хотын Юүян Тужя үндэстэн ба Мяо үндэстний Өөртөө Засах шянь нь Үлин уулны ард оршдог. Энэ нь Чүнчин хотын хамгийн том газар нутагтай, хамгийн олон үндэстний цөөнхтэй шянь юм. Сүүлийн жилүүдэд Юүян шяний бүх шянь тосгон нь орон нутгийн нөхцөл байдалдаа түшиглэн мод тарих, үржүүлэх, соёлын аялал жуулчлал гэх мэт олон төрлийн ногоон аж үйлдвэрийн төслийг боловсруулж, тосгоны оршин суугчдын орлогыг нэмэгдүүлэхийн тулд "Уулын аялал жуулчлал + Уулын газар тариалан" зэрэг хөдөө тосгоныг сэргээн хөгжүүлэх онцлог замыг бий болгожээ.