Италийн Болонья хотын тэнэмэл муурнууд хотын төвд байрлах 230 мянган еврогийн үнэ бүхий орон сууцыг гэрээсэлж авчээ. Вартема гудамжны 48 дугаар байрны дээд давхарт орших энэ сууц долоон өрөөтэй бөгөөд гаднаа машины гаражтай, дал мод бүхий цэцэрлэгтэй юм.
Энэ бүх эд хөрөнгийг тус орон сууцны сүүлчийн эзэн байсан Фиорелла Сканнабисси гэдэг эмэгтэй хотынхоо тэнэмэл муурнуудад гэрээслэн үлдээжээ. Талийгаач эмэгтэй орон гэргүй амьтдыг асарч, тэдэнд хоол унд өгдөг нэгэн байсан аж.
Энэ эмэгтэй гудамжинд золбин муур явж байвал гэртээ аваачиж орогнуулдаг байв. Тиймдээ ч сүүлийнхээ хүслийг гэрээслэлдээ бичиж үлдээсэн гэнэ. Хотын зөвлөл түүний сууцыг худалдаад олсон бүх мөнгийг Болонья хотын тэнэмэл амьтдыг орогнуулах газарт хандивлах ёстой юм. Энэ өгөөмөр сэтгэлтэй эмэгтэйн хандиваар асрамжийн газрын ажилтнууд талбайгаа өргөтгөж, муур болгонд тусдаа өрөө гаргаж өгөхөөр шийджээ.
