Хятадын хоёр чуулганаар социалист орчин үеийн улс орны иж бүрэн бүтээн байгуулалтын эхний жилийн зохицуулалтыг хийж, Хятад маягийн шинэчлэл нь дэлхий дахинд ажиглалтын цонх болсон юм. Энэхүү арга хэмжээг тохиолдуулан олон орноос Хятадад суугаа Элчин сайд нар Хятад маягийн орчин үеийн байгуулалт нь дэлхий дахинд шинэ боломжууд авчирсны зэрэгцээ хамтран шинэ хуудас бичихийг тэсэн ядан хүлээж буйгаа илэрхийлэв.

Египетээс Хятадад суугаа Элчин сайд Асим Ханафи- Хятад маягийн модернизацийн туршлагыг суралцах нь зүйтэй

 Египетээс Хятадад суугаа Элчин сайд Асим Ханафи 2022 оны есдүгээр сард Хятадад хүрэлцэн ирж, элчин сайдын албан тушаалд томилогдов. Тэрээр:

- Би Хятадад анх удаа ирж байгаа бөгөөд Хятад маягийн шинэчлэлийн хурд миний сэтгэлийг ихэд  хөдөлгөлөө. Хятад улс ард түмнээ ядуурлаас гаргаж, амьжиргааны төвшинг нь дээшлүүлэхийн төлөө ихээхэн хүчин чармайлт гаргажээ. 1.4 тэрбум гаруй хүний ​​сайн сайхан амьдралыг хангах гэдэг амаргүй ажил мөртөө Хятад улс энэхүү байдалд хүрсэн нь үнэхээр гайхалтай юм. Хятад маягийн шинэчлэлийн туршлагыг хөгжиж буй бусад орнуудад суралцах нь зүйтэй гэж Ханафи танилцууллаа.

 Тэрээр басхүү:

- Хятад маягийн шинэчлэл нь Хятадын маш сайн уламжлалт соёлд гүн гүнзгий үндэслэснийг Египет суралцах нь зүйтэй. Хятад хүмүүс гэр бүл, эх орноо гэсэн гүн гүнзгий мэдрэмжтэй бөгөөд Египетчүүд ч гэр бүлийн эв найрамдал, нийгмийн эв найрамдлыг маш сайн эрхэмлэдэг юм. Хятад улс хурдтай хөгжиж буйн зэрэгцээ уламжлалт үнэт зүйлсээ хэрхэн хадгалж үлдэж байгаа нь миний сонирхлыг маш их татдаг. Энэ бол гайхалтай хослол гэж үзэж байна. Хятадын хөгжил дэвшил нь дэлхийн дэвшил болох учраас бид Хятад улсын цэцэглэн хөгжиж байгаад баярлаж байгаа юм.

Казахстанаас Хятадад суугаа Элчин сайд Шахрат Нурышев- Казахстан ба Хятадын хоёр талын худалдаа цаашид  өснө гэдэгт итгэж байна

Казахстанаас Хятадад суугаа Элчин сайд Шахрат Нурышев:

- Хятад улс энэ онд эдийн засгийн өсөлтийн тав орчим хувьд хүрэх зорилтоо биелүүлнэ гэж үзэж байна. 2022 онд Казахстан, Хятадын бараа бүтээгдэхүүний импорт, экспортын нийт хэмжээ 31 тэрбум 170 сая ам.долларт хүрч, хоёр улсын төмөр замын ачаа тээврийн хэмжээ 23 сая тонн давж, хоёулаа шинэ дээд амжилтад хүрэх болно. Казахстаны нутгаар дамжин өнгөрөх Хятад-Европын ачааны галт тэрэгний тоо ба ачааны хэмжээ ч мэдэгдэхүйц нэмэгдсэн байна. Тэрээр мөн Казахстан, Хятадын хоёр талын худалдаа цаашид өснө гэдэгт итгэлтэй буйгаа илэрхийлэв.

 Нурышев:

- Хятад+Төв Азийн таван орон" дээд хэмжээний уулзалтын үр дүн нь Төв Азийн орнууд болон Хятадын бодит хамтын ажиллагааг гүнзгийрүүлж, улмаар Төв Азийн орнуудын эдийн засаг, нийгмийн хөгжлийг ахиулах болно. Өнгөрсөн 10 жилийн хугацаанд Казахстан, Хятадын хамтын ажиллагаа "Бүс ба зам санаачилга"-ын хүрээнд мэдэгдэхүйц бүтэмжтэй үр дүнд хүрч, Казахстан-Хятадын Лянь Юньган логистикийн хамтын ажиллагааны бааз, "Хоргос-Дүн Дамэнь" эдийн засгийн онцгой бүсийн хуурай боомт зэрэг олон төсөл хэрэгжиж эхэлсэн байна.

Мозамбикээс Хятадад суугаа Элчин сайд Мария Густава: - “Бүс ба зам"-ын хамтын бүтээн байгуулалтыг үргэлжлүүлэн гүнзгийрүүлэн бэхжүүлэхийг тэсэн ядан хүлээж байна

  Мозамбикаас Хятадад суугаа Элчин сайд Мария Густава:

- Хоёр чуулганаар дамжуулан Хятад маягийн шинэчлэл нь дэлхийд ямар боломжууд авчирдаг вэ гэдгийг ойлгож чадна гэдэгт найдаж байна. Хятад болон бусад хөгжиж буй орнууд хөгжлийн үр ашгаа хуваалцав. Хятад улс "Бүс ба зам"-ын санаачилга, дэлхийн хөгжлийн санаачилга, дэлхийн аюулгүй байдлын санаачилга зэргийг хамтран бүтээн байгуулж, дэлхийн янз бүрийн сорилтод шийдэл гаргахыг санал болгосон.

Густава:

- "Бүс ба зам" санаачилгын хамтын бүтээн байгуулалт Мозамбикт ихээхэн үр бүтээл гаргасан байна. Хятадын Мозамбикийн тусламжаар барьсан Мапутогийн гүүр нь Африк тивийн хамгийн том дүүжин гүүр болсон  юм. Энэ гүүр нь Мозамбикийн нийслэл Мапуто хотоос өмнөд Африкийн хилийн боомтыг Мозамбикийн аялал жуулчлалын "Алтан хавцал"-тай холбодог . Мозамбик дахь ХКН-ын "Бүс ба зам" санаачилга цаашид гүнзгийрэн бэхжиж, Мозамбикийн дэд бүтцийн түвшинг дээшлүүлэн, Мозамбикийг Африк, Азийг холбосон чухал зангилаа болгоно гэдэгт найдаж байна.

Балбаас Хятадад суугаа Элчин сайд Бишну Шрестха: - Хятадтай маш их зүйлийг хийж болно

Балбаас Хятадад суугаа Элчин сайд Бишну Шрестха:

- Хятадын хоёр чуулганд анх удаа сул орон тоогоор оролцож байгаадаа маш их баяртай байна. Хятад улс шинжлэх ухаан технологи, хөдөө аж ахуй, аж үйлдвэрийн салбарт асар их амжилт гаргалаа. Хятадын эдийн засаг энэ онд тогтоосон хөгжлийн зорилтоо биелүүлж чадна гэдэгт найдаж байна. Энэ нь Балбад ч ашигтай юм. Балба улс байгалийн баялаг ихтэй ч манай хөгжилд хөрөнгө оруулалт шаардлагатай байгаа тул Хятадын бизнес эрхлэгчид энэ жилд Балбад илүү их хөрөнгө оруулалт хийхэд найдаж байна. Балба Хятадын технологийн хамтын ажиллагааг ахиулахын тулд шаргуу ажиллах болно. Хятадын технологийн шинэчлэл нь Балбын эдийн засгийн хөгжилд эрч хүч нэмж, Балба Хятадын хооронд харилцан ашигтай хамтын ажиллагааг ахиулж чадна.

 Гималайн гурван хэмжээст харилцан холболтын сүлжээ нь Балбын Коммунист намын "Бүс ба зам" санаачилгын чухал хэсэг бөгөөд төмөр зам, хурдны зам, нисэх онгоц, боомт болон бусад холболтын салбарыг хамарсан юм. Балба хөгжихийг хүсэж байгаа бол харилцан уялдаа холбоо, харилцан ажиллах чадварыг ухамсарлах ёстой. Хятад бол маш сайн түнш, Хятадтай хамтран ажилласнаар олон зүйлд хүрэх боломжтой болно.

Самоа Хятадад суугаа Элчин сайд Луамануве Марина - Хятадын эдийн засгийн хөгжлийн хэтийн төлөв маш өргөн байна

Самоа улсаас Хятадад суугаа Элчин сайд Луамануве Марина:

- Самоа улсын хувьд Хятад маягийн орчин үеийн бүтээн байгуулалтын ололт амжилт үнэхээр гайхалтай юм. Би хоёр чуулганы хөтөлбөрт анхаарлаа хандуулж, ойлгож, судлахыг хичээж байна. Хятадын зах зээл асар том бөгөөд дэлхийн нийлүүлэлтийн сүлжээнд чухал үүрэг гүйцэтгэдэг мөртөө Хятадын эдийн засгийн хөгжлийн хэтийн төлөв маш өргөн байна гэж илэрхийлэв.

 Марина: - Самоа Хятад маягийн орчин үеийн бүтээн байгуулалтыг судалж, Самоа улсын үндэсний нөхцөлд тохирсон хөгжлийн замыг судлах хэрэгтэй. Хятад маягийн шинэчлэл бол хүн байгаль хоёр зохицон орших орчин үеийн шинэчлэл болно. Самоа арлын орон болохоор экологийн орчныг хамгаалах нь Самоа улсын тогтвортой хөгжилд чухал ач холбогдолтой юм.

Марина, Хятад улсын дэлхийн засаглалд гүйцэтгэх үүрэгт хүлээлтээр дүүрэн байна. Тэрээр хэлэхдээ: Хятад улс олон улсын энх тайван, аюулгүй байдлыг сахин хамгаалах, цаг уурын өөрчлөлтийг зохицуулах, дэлхийн хүнс, эрчим хүчний аюулгүй байдлыг сахин хамгаалахад нааштай хувь нэмэр оруулсан бөгөөд Хятад улс олон улсын хамтын ажиллагааг ахиулахад үргэлжлэн бүтээлч үүрэг гүйцэтгэнэ гэдэгт найдаж байна.

Өмнөд Африкаас Хятадад суугаа Элчин сайд Шэ Шэнвэнь-Хоёр улсын хотуудын хооронд нислэгүүд нэмэгдэхэд найдаж байна

Өмнөд Африкаас Хятадад суугаа Элчин сайд Шэ Шэнвэнь хэлэхдээ: Хятадын өндөр чанартай хөгжилд бид маш их анхаарал хандуулж байна. Хятад улсын өндөр чанартай хөгжлийн шаардлага нь эдийн засаг, шинжлэх ухаан технологи, ногоон хөгжил зэрэг олон салбарт хэрхэн хэрэгжиж байгааг ойлгомоор байна. Хятад улс дэлхийд тэргүүлэх дэд бүтэцтэй мөртөө аж үйлдвэрийн иж бүрэн сүлжээ, ханган нийлүүлэлтийн сүлжээтэй, дижитал эдийн засгийн хөгжил тасралтгүй шинэ шатанд гарч, өндөр чанартай хөгжлийн үндэс суурь бат бөх байгаа юм. Тэрээр бас хэлэхдээ: Өмнөд Африк Хятадын бүс нутгийн зохицуулалттай хөгжлийн стратеги болон хот хөдөөгийн интеграцийн хөгжлийг ихээхэн сонирхож байна. 2023 онд Өмнөд Африк, Хятадын хооронд дипломат харилцаа тогтоосны 25 жилийн ой тохиож байгаа бөгөөд Хятад улстай эдийн засаг, худалдаа, шинжлэх ухаан технологи, аялал жуулчлал зэрэг олон салбарт хамтын ажиллагаагаа гүнзгийрүүлнэ гэдэгт итгэлтэй байх бөгөөд Өмнөд Солонгос болон Хятадын томоохон хотуудын хооронд илүү олон нислэгтэй болоход найдаж байна. Өмнөд Африкийн зарим сургуулиуд хятад хэлний анги нээж, Өмнөд Африкийн олон жуулчны хөтөч хятад хэлний сургалтад хамрагдав. Мөн бид Хятадын найзуудыг Өмнөд Африкт аялахад нь туслах зорилгоор Хятадын компаниудын бүтээсэн WeChat болон бусад программ хангамжийг сурталчилж байх юм.

Шри Ланкаас Хятадад суугаа Элчин сайд Палита Кохона-Бид Хятадын жуулчдыг чин сэтгэлээсээ хүлээн авч байна

 Энэ жил Шри Ланкаас Хятадад суугаа Элчин сайд Палита Кохона Хятадын хоёр чуулганд гурав дахь удаагаа сул орон тогоор оролцож байгаа бөгөөд хоёр чуулганаар дамжуулан Хятадын хөгжлийн төлөвлөгөө, Хятад улс олон улсын хамтын нийгэмлэгт үзүүлж буй эерэг дохионы талаар олж мэдэхийг хүсэж байгаа юм.

 Кохона:

-Шри Ланка Хятадыг дотны анд, худалдааны чухал түнш гэж үзэж, Хятад улсын илүү их амжилтад хүрэх тал болон Хятад улсын хэрэглээг өргөтгөх арга хэмжээний талд анхаарч байна. Хятад улс дэлхийн эдийн засгийн өсөлтийн хөдөлгүүр хэвээр байгаа бөгөөд олон орон Хятад руу экспортоо өргөжүүлэх замаар эдийн засгаа сэргээхийг тэсэн ядан хүлээж байна. Кохонер Хятадын жуулчдыг халуун дотноор хүлээн авч буйгаагаа илэрхийлэв.

 Тэрээр басхүү:

Сүүлийн жилүүдэд Шри Ланка КОВИД-19-ийн цар тахлын хүнд сорилтыг даван тууллаа. Өнөөдөр Шри Ланкад цар тахал үр дүнтэй хяналтад байгаа бөгөөд экспорт, аялал жуулчлал аажмаар сэргэж байна. Бид Хятадын жуулчдыг чин сэтгэлээсээ угтаж байгаагаа илэрхийлье.

Уругвайгаас Хятадад суугаа Элчин сайд Фернандо Лугрис-Дэлхийн аюулгүй байдлын санаачилга маш их утга учиртай

Уругвайгаас Хятадад суугаа Элчин сайд Фернандо Лугрис хэлэхдээ: хоёр чуулган бол Хятадын улс төрийн амьдралд томоохон үйл явдал болж байна. Лугрис Хятадын хоёр чуулган тогтвортой хөгжлийг ахиулахад ихээхэн анхаарал хандуулж байна.

Тэрээр :

-Уругвай тогтвортой хөгжлийг дээд хэмжээнд чухалчилж, Хятад улс цаг уурын өөрчлөлтийг даван туулах, цэвэр эрчим хүч хөгжүүлэх, биологийн олон янз байдлыг хамгаалах талаар асар их хүчин чармайлт гарган, экологи, байгаль орчныг хамгаалах салбарт гаргасан асар их ололт амжилтад эерэг нөлөө үзүүлэв.

Лугрис Хятадын дипломат харилцааны талаар ярихдаа, НҮБ-ын Аюулгүйн зөвлөлийн байнгын гишүүн орны хувьд Хятад улс дэлхийн энх тайван, аюулгүй байдлыг сахин хамгаалахад идэвхтэй хувь нэмэр оруулж байгаа нь дэлхий дахинд өндөр ашигтай юм. Дэлхийн аюулгүй байдлын санаачилга нь маш чухал ач холбогдолтой бөгөөд олон талт үзлийг баримталж, олон улсын хамтын нийгэмлэгийн эв нэгдлийг хадгалах дэлхийн улс орнуудын хамтын эрмэлзэлд нийцэж байна. Энэ нь шинэ нөхцөл байдалд олон улсын хамтын нийгэмлэгийн аюулгүй байдлын нийтлэг санаа болж байгаа асуудалд хариулт өгч, хүн төрөлхтний тогтвортой энх тайван, урт хугацааны хөгжлийг биелүүлэхэд тустай юм.