Сүүлийн жилүүдэд Хятадын Хубэй мужийн тужя, мяо үндэстний өөртөө засах тойрогт байрлаж байгаа Эньши тоглоомын үйлдвэр тоглоом үйлдвэрлэл, экспортын хөгжлийг эрчимтэй хөгжүүлсэн байна. Жилд 45 сая тоглоом үйлдвэрлэн олон улс, бүс нутагт борлуулж байгаа аж. Мөн орон нутгийнхаа 200 гаруй иргэдэд ажил олгон, цалинжуулж байна.

2015 онд байгуулагдсан компани л гэхэд уран нарийн хийцтэй, жижиг тоглоомуудыг бүтээж, Зүүн Өмнөд Ази, Европ, Америк, Хонконг, Макао зэрэг 10 гаруй улс, бүс нутагт борлуулдаг. Тус компаний жилийн орлого нь гурван сая ам.доллар гэнэ.