Саяхан өнгөрч буй "05-р сарын 01"-ний баярын амралтын үеэр Хятад улс цар тахлын халдвараас урьдчилан сэргийлэх, хянах ба эдийн засаг, нийгмийг хөгжүүлэх ажлыг зохицуулж, орон нутгууд хэрэглээг дэмжих, зах зээлийг тогтворжуулах арга хэмжээг эрчимтэй хэрэгжүүлсэн байна. Томоохон худалдаачид болон платформууд онлайн худалдааг ашиглан нийлүүлэлтийг өргөжүүлж, хэрэглээний зах зээлийг өргөжүүлэх, шинэчлэхийг дэмжжээ.
Баярын амралтаас өмнөхөн Төрийн зөвлөлийн ерөнхий газар "Хэрэглээний нөөц бололцоог цаашид нээж, хэрэглээг сэргээхэд тус дөхөм үзүүлэх тухай санал дүгнэлт" нийтэлж, өнөөгийн хэрэглээг тогтворжуулж, дотоодын эрэлт хэрэгцээний бүрэн тогтолцоог бүрдүүлэн, хүчирхэг дотоодын зах зээлийг бүрдүүлэх ба хөгжлийн шинэ хэв маягийг бий болгоход илүү хатуу дэмжлэг үзүүлэхийг хичээжээ.
Цар тахлын халдварын нөлөөнд нэрвэгдсэн соёл, аялал жуулчлалын зах зээлийг сэргээхэд хувь нэмэр оруулах зорилгоор орон нутгууд цар тахлын халдвараас урьдчилан сэргийлэх, тэмцэх нөхцөлийг хангасан байдал доор, "нутгийн иргэдийг орон нутагтаа аялахыг дэмжих", томоохон үзэсгэлэнт газрууд соёлын аялал жуулчлалын хэрэглээг идэвхжүүлэхийн тулд тасалбарын үнийг бууруулах буюу чөлөөлөх зэрэг ажлуудыг эхлүүлжээ. 
Соёл ба аялал жуулчлалын яамны дата төвөөс мэдээлсээр, энэ оны тав хоног үргэлжилсэн "05-р сарын 01-ний" баярын амралтын үеэр 160 сая хүн орон даяар дотоодод аялсан нь цар тахлын халдвар тархахаас өмнөх үеийнхээс 66.8 хувьд хүрч, дотоодын аялал жуулчлалын орлого 64 тэрбум 680 сая юаньд хүрч, цар тахлын халдварын өмнөх үеийнхээс 44.0 хувьд хүрчээ.
Хунань мужийн хэд хэдэн байгалийн үзэсгэлэнт газрууд орон нутгийн жуулчдад хөнгөлөлттэй бодлого хэрэгжүүлж эхэлжээ. Таатай бодлогоор өдөөж, баярын амралтын үеэр Жан Жиажэ хотод айл буудлын захиалга өгсөн хүмүүсийн тоо өмнөх долоо хоногтой харьцуулахад 43 дахин нэмэгджээ.
Хайнань мужийн Хайкөү хотын аялал жуулчлал, соёл, радио, телевиз, спортын газрын дарга Ванкэ хэлэхдээ:
- "05-р сарын 01"-ний баярын амралтын үеэр Хайкөү нь аялал жуулчлалын бараа бүтээгдэхүүний шинэ сав баглаа боодол хийж, баярын хэрэглээний чадавхыг идэвхжүүлсэн байна гэв.
04-р сарын 30-наас 05-р сарын 04-ний өдөр хүртэл Хайкөү хот давхардсан тоогоор 307100 жуулчин хүлээн авч, аялал жуулчлалын нийт орлого 309 сая юаньд хүрчээ.
Аяллын зам ойрхон, харьцангуй аюулгүй хотын захын хувийн зуслан нь "05-р сарын 01"-ний баяраар хүмүүсийн аялах сайхан сонголт болсон."Дажүн шүүмж" онлайн платформын мэдээллээс үзэхэд орон нутгийн аялалтай холбоотой хайлтын хэмжээ баярын өмнөх үетэй харьцуулахад 137 хувиар өссөн байна.Үүний дотор хээр буудаллах хайлтын хэмжээ өмнөх сараас 151 хувиар өсөж, өнгөрсөн оныхоос бараг гурав дахин өссөн байна.
Энэ баярын амралтын үеэр “Hi King хээрийн тансаг бааз”-ын Ши-Ань өртөө 20 гаруй хоногийн өмнө бүрэн захиалгаа авч, өдөр тутмын хүлээн авалтын хэмжээ 500 орчим хүн байдаг бөгөөд улс даяарх бусад станцууд ч хүлээн авах дээд хэмжээндээ хүрсэн байна.Ши-Ань хотод зуслангийн бизнес эрхэлдэг Ван Чуньван хэлэхдээ:
- Энэ оны 05-р сарын 01-ний баярын амралтын үеэр миний ажиллуулж буй 20 гаруй баазын бизнес эрчимтэй хөгжсөн.
Бүс нутгуудын бизнесийн салбар нь "05-р сарын 01"-ний баярын амралтын үеэр аажмаар сэргэх хандлагатай байгааг харуулж байна. Й Сүшэгийн соёлын гудамжинд Сиань хотын "Лао Зихао" дэлгүүрийн өмнө олон хүн оочирлон зогсжээ. Чюжян шинэ дүүрэгт соёл, аялал жуулчлалын нэгдмэл байдал нь эрч хүчээ дахин харууллаа. Танфэн хотын Жин Тиянь гудамжинд 04-р сарын 30-нд нээгдсэн "Чан-Ань 12 цаг" дэлгүүрт олон хүний хөл хөдөлгөөн болж, жуулчид Тан гүрний дуураймал барилгуудад явж, тоглолт сонирхож, амттай хоол амталдаг. "05-р сарын 01"-ний баяраас хойш иргэдийн урсгал сэргэж, хэрэглэгчдийн урам зориг өндөр болсныг илт мэдэрсэн гэдгийг олон аж ахуйн нэгж хэлж байлаа.
Шааньши мужийн 548 жижиглэнгийн худалдаа, нийтийн хоолны эх загвар авах аж ахуйн нэгжийн хяналт шалгалтын тоо баримтаас үзвэл, баярын амралтын үеэр хяналтад хамрагдсан аж ахуйн нэгжийн борлуулалт 1 тэрбум 273 сая юань, үүнээс бараа бүтээгдэхүүний борлуулалт 1 тэрбум 224 сая юань, нийтийн хоолны орлого 48 сая 532 сая юаньд хүрсэн байна.
Хунань мужийн Худалдааны газрын тоо баримтаас үзвэл, "5-р сарын 1"-ний баярын амралтын үеэр Хунань мужийн хэрэглээний зах зээл хангалттай нийлүүлж, эмх цэгцтэй ажиллаж, хэрэглээний эрэлт хэрэгцээг сайжруулсан байна. 04-р сарын 30-наас 05-р сарын 04-ний хооронд тус мужийн жижиглэнгийн худалдааны гол 298 аж ахуйн нэгж, нийтийн хоолны 72 аж ахуйн нэгжийн борлуулалтын орлого 2022 сая 944 сая юаньд хүрч, өнгөрсөн оны мөн үеийнхээс 0.6 хувиар өсч, үүнээс жижиглэн худалдааны салбар өнгөрсөн оны мөн үеэс 0.9 хувиар өссөн байна.
Цаашид баярын амралтын хэрэглээг нэмэгдүүлэхийн тулд "хэрэглээний талон"-ын бодлогыг олон газар нэвтрүүлсэн.Бүрэн бус статистик мэдээллээр дөрөвдүгээр сараас хойш улсын хэмжээнд дор хаяж 19 муж "хэрэглээний талон"-тай холбоотой бодлогыг гаргажээ.
Хайнань муж 04-р сарын 30-наас эхлэн жижиглэнгийн худалдаа, нийтийн хоол, зочид буудал, үзэмжийн газар зэргийн 20 сая юанийн хэрэглээний тасалбарыг эхний ээлжид гаргаж эхэлсэн бол 05-р сарын 01-нд дахин 10 сая юанийн дижитал юанийн хөрөнгө оруулалт хийж, татваргүй худалдааны сурталчилгаа явуулжээ. Өнөөг хүртэл эхний ээлжид 20 сая юанийн хэрэглээний талоныг бүгдийг нь тархаав. Шенжений жуулчин Ли Шюэру хэлэхдээ:
- Татваргүй барааны үнэ илүү хямд, хэрэглээний талонтой бол хэрэглэгчдэд илүү ашигтай гэлээ.
Цар тахлын нөлөөнөөс болж, янз бүрийн газруудад онлайн хэрэглээ улам бүр нэмэгдэж, зарим онлайн платформууд хэрэглэгчдийн зах зээлд шинэ цонх нээж, хэрэглэгчийн зах зээлийг онлайн хэлбэрт шилжүүлэх, шинэчлэхийг дэмжсэн байна.
"05-р сарын 01-ний" баярын амралтын үеэр Бээжингийн цар тахлын халдвараас урьдчилан сэргийлэх, хяналт тавих шаардлагын дагуу Бээжин хотын нийтийн хоолны аж ахуйн нэгжүүд хоолны газар зоог барихыг түр зогсоов. Баярын амралтаа илүү утга агуулгатай өнгөрүүлэхийн тулд Бээжингийн иргэн 28 настай Сиюэ баярын хугацаанд өдөр бүр түргэн хүргэлтийн хоолны тавцан дээр янз бүрийн төрлийн хоол захиалсан байна.
- Баярын амралтын үеэр би ганцаараа хоол хийхийг хүсэхгүй байна. Хэдийгээр би одоо хоолны газар очиж хоол идэх боломжгүй ч түргэн хүргэлтийн хоол нь надад маш таалагдаж байна. Мөн олон хоолны газрууд нь өөрөө очиж авах үйлчилгээ, багц хоолны үйл ажиллагаа явуулж эхэлсэн бөгөөд үнэ нь харьцангуй доор байна. Тэр ч байтугай, гэртээ сууж байгаад бүх төрлийн амттай хоол идэж боломжтой гэж Шиюэ сэтгүүлчдэд хэдэн өдрийн турш захиалсан Хунань хоол, Тайландын хоолны захиалгаа харууллаа.
Түргэн хүргэлтийн хоолны хүргэгч хэлэхдээ:
- Сүүлийн хоёр жилийн хугацаанд богино болон урт амралтын өдрүүдэд орон нутгийн хоол болон өөр нутгийн хоолны захиалга өндөр өссөн. Голчлон хэрэглээ сайжирч, иргэдийн орлого нэмэгдэж байгаатай холбогдуулан хүн бүрийн хоол ундны хэрэглээ улам бүр боловсронгуй болж байна. Улирал, баяр ёслол, амралт гэх мэт өөр өөр сэдвийн дор амьдралын чанарыг эрэлхийлэхийн тулд өөр өөр хоол, хоолыг сонгох болно. Үүний зэрэгцээ цар тахлын халдварын улмаас гадаад болон муж хооронд хүмүүс аялах боломжгүй тул хүмүүс өөр өөр бүс нутгийн хоол ундыг амталж туршин амьдралаа баяжуулна гэж найдаж байна гэв.
Худалдааны яамнаас баярын өмнөх хэвлэлийн бага хурал дээр хэлэхдээ, хэрэглээг дэмжих, хэрэглээг тасралтгүй сэргээх, эдийн засгийн хөгжилд хэрэглээний үндсэн үүргийг нэгтгэх зорилтот арга хэмжээг хэрэгжүүлэхийг дэмжинэ гэжээ.
