15 дахь удаагийн Хятад улс·Өвөр Монголын Тал нутгийн соёлын наадмын цуврал үйл ажиллагааны нэг болох Монгол хэлний богино хэмжээний жүжиг, шог жүжгийн тоглолт 08-р сарын 09-ний үдэш Өвөр Монголын Урлагийн Дээд Сургуулийн Урлагийн танхимд боллоо.

Өвөр Монголын бүхий л аймаг хотоос шигшигдэн шалгарсан шилдэг жүжгүүдийг үзэгч түмэндээ энэ үдэш хүргэж байгаа бөгөөд энэхүү тоглолтыг маргааш үдэш буюу 08-р сарын 10-ны үдэш дахин нэг удаа үзэгчдийн хүртээл болгох юм.

Амьдралд ойртсон, өнөөгийн залууст нэгийг бодогдуулж, хоёрыг ухааруулсан тоглолтууд нь үзэгчдийн нулимс инээдийг хослуулж байлаа.