Худалдааны яамны хэвлэлийн төлөөлөгч Гао Фэн 24-ний өдөр мэдэгдэхдээ "Худалдааны яам холбогдох газруудтай хамтран санхүүгийн байгууллагуудын эрсдэлээс хамгаалах бизнесийг баяжуулах ба сайжруулахад тус дөхөм үзүүлж, гадаад худалдааны аж ахуйн нэгжүүдэд эрсдэлээс зайлсхийх чадавхыг нэмэгдүүлэхэд туслах болно гэжээ. Экспортын зээлийн даатгал болон бусад арга хэрэгслийг нэмэгдүүлэх замаар гадаад худалдааны хөгжлийг илүү сайн тогтворжуулах хэрэгтэй".
Саяхан Хятадын Худалдааны яам, Хятадын Экспорт, зээлийн даатгалын корпорац хамтран мэдэгдэл гаргаж, экспортын зээлийн даатгалыг гадаад худалдааг тогтворжуулах хүчирхэг хэрэгсэл болгон ашиглах хэрэгтэй гэж онцолсон байна.
Гао Фэн мөн өдөр болсон хэвлэлийн бага хурал дээр "Экспортын зээлийн даатгал нь олон улсад хүлээн зөвшөөрөгдсөн, ДХБ-ын дүрэмд нийцсэн худалдааг дэмжих арга бөгөөд гадаад худалдаа, гадаадын хөрөнгө оруулалтыг тогтворжуулахад чухал үүрэг гүйцэтгэсэн юм. Одоогийн байдлаар Хятад улсын гадаад худалдааны хөгжилд тодорхойгүй хүчин зүйл олон байх тул худалдааны яам Хятадын Экспорт, Зээлийн Даатгалын Корпорацтай хамтран ажиллаж, янз бүрийн газар нутгийн бодит нөхцөл байдалд тулгуурлан зорилтот дэмжлэг үзүүлэх арга хэмжээг судлан, гадаад худалдааны аж ахуйн нэгжүүдийн эрсдэлээс илүү зорилтот хамгаалалтыг хангаж өгөх хэрэгтэй.
Тодруулбал, жижиг, дунд, бичил үйлдвэрийн экспортын зээлийн даатгалын үйлчилгээний дэмжлэгийг нэмэгдүүлж, жижиг, дунд, бичил гадаад худалдааны салбарын хамрах хүрээг өргөжүүлэн, даатгалын зардлыг зорилтот түвшинд бууруулж, нэхэмжлэл барагдуулах үйлчилгээний арга хэмжээг оновчтой болгоно. Хил дамнасан цахим худалдаа, гадаад агуулах зэрэг гадаад худалдааны шинэ хэлбэрүүдэд андеррайтерийн дэмжлэгийг нэмэгдүүлж, бүтээгдэхүүний загварын шинэчлэлийг бэхжүүлэн, аж ахуйн нэгжүүдэд зориулсан хувийн үйлчилгээний шийдлийг хангаж өгөх хэрэгтэй.
Мэдээллийн дагуу сүүлийн жилүүдэд юанийн ханшийн хоёр талын хэлбэлзэл их байж, Худалдааны яам холбогдох газруудтай хамтран бодлого сурталчлах ажлыг эрчимжүүлж, эрсдэлээс хамгаалах гарын авлагыг эмхэтгэн, олон нийтэд зориулсан сургалтуудыг гаргаж, бүтээгдэхүүн үйлчилгээг оновчтой болгохын тулд санхүүгийн байгууллагуудыг сурталчлан, аж ахуйн нэгжүүдэд ханшийн эрсдэлээс хамгаалах мэдлэг, чадварыг үр дүнтэй сайжруулахад нь туслах болно. 2021 онд ААНБ-ын эрсдэлээс хамгаалах хэмжээ өмнөх оны мөн үетэй харьцуулахад 4.6 пунктээр өсөх хандлагатай байгаа нь ААНБ-ын ханшийн эрсдэлээс сэргийлэх талаарх ойлголт аажмаар нэмэгдэж байгааг харуулж байх юм.
Дараагийн алхамд Худалдааны яам холбогдох газруудтай үргэлжлүүлэн хамтран ажиллаж, цаашид эрсдэлээс хамгаалах бизнесээ сайжруулахын тулд санхүүгийн байгууллагуудыг сурталчлахын зэрэгцээ юанийн хил дамнасан худалдааны төлбөр тооцооны орчинг оновчтой болгож, аж ахуйн нэгжүүдэд юанийн ханшийн хоёр талын хэвийн хэлбэлзэлд дасан зохицоход туслан, аж ахуйн нэгжүүдийн эрсдэлийг эсэргүүцэх чадварыг тасралтгүй сайжруулна" гэв.
