Луут завины баяраар бурхад, өвөг дээдсээ шүтэн мөргөж, ерөөл гуйж, муу ёрын сүнснүүдийг зайлуулан, зугаа цэнгэл, зоог барихыг нэгтгэсэн ардын уламжлалт баяр юм. Луут завь уралдуулах болон жүнз идэх нь тус баярын бэлгэ тэмдэг билээ.

Луут завины баяр, Цагаан сар, Ханшны баяр, Тэргэл сарны баярыг Хятадын уламжлалт дөрвөн баяр гэж нэрлэдэг. 2009 оны есдүгээр сард ЮНЕСКО-гоос "Хүн төрөлхтний биет бус соёлын өвийн төлөөллийн жагсаалт"-д оруулахыг албан ёсоор зөвшөөрч, "Луут завины баяр" Хятад улсаас Дэлхийн биет бус соёлын өвд сонгогдсон анхны баяр болсон түүхтэй.