"Хятадын Засгийн газар Лаосын ард түмэнд анхаарал хандуулж байгаа нь яг л Хятадын ард түмэнд анхаарал хандуулж байгаатай адил бөгөөд Хятадын эрүүл мэндийн баг Лаост түргэн шуурхай, үр дүнтэй ажиллаж байгааг хараад надад халуун дулаан мэдрэмж төрж байна" гэж Лаосын нийслэл Вьентьян хотын 28 настай иргэн Пурон ярилаа.
Сүүлийн үед Лаост цар тахлаас урьдчилан сэргийлэх, хянах нөхцөл байдал чангарч байна. Лаосын Засгийн газар тахлаас урьдчилан сэргийлэх ажлыг "онцгой байдлын стратегийн чухал ажил" болгон сайжруулж, "цар тахлын эсрэг дайны байдалд орохыг" шаардаж байгаа бөгөөд улс даяар 18 муж, хот бүгд хөл хорио тавьж хаалттай байгаа. Хятадын Засгийн газраас Лаос улсад туслахаар илгээсэн тахлын эсрэг эмчилгээний мэргэжилтнүүдийн баг Лаос улсын нийслэл Вьентьян хотод 05-р сарын 04-нд хүрч, Лаосыг цар тахлын эсрэг тэмцэхэд дэмжлэг үзүүлж байна. Эмчилгээний мэргэжлийн баг нь Хятадын бодит байдлын туршлага дээр үндэслэн орон нутгийн нөхцөл байдалд тулгуурлан Лаосын урьдчилан сэргийлэх, хянах, эмчлэх төлөвлөгөөгөө сайжруулах, техникийн түвшин, хариу арга хэмжээ авах чадвараа сайжруулахад туслав.
Хятадын эмчилгээний мэргэжлийн баг 05-ны өдрөөс эхлэн Лаос улсын Эрүүл мэндийн яамны тархвараас урьдчилан сэргийлэх, хянах тогтмол уулзалтад оролцож байгаа бөгөөд коронавирусний тодорхой эмнэлэг, тусгаарлах цэг, вирус цуглуулах цэг, лаборатори, Лаосын хилийн шалган нэвтрүүлэх цэгүүдэд хүрч, Ласын талтай туршлага солилцон, заавар зөвлөгөө өгч тусгай сургалт явуулжээ.
Хятадын эмчилгээний мэргэжлийн багийн мэргэжлийн удирдамж, чин сэтгэлээсээ ажилласнаар Лаосын "халуун сэтгэл"-ийг хүлээж, нутгийн ард түмэнд итгэл төрүүллээ. Пурон хэлэхдээ:
- Хятад улс "Ковид-19"-ийг эрс шийдэмгий бөгөөд хурдан няцааж чадсан. Бид энэ талаар Хятадын туршлагаас суралцах ёстой гэлээ.
Вьентьян хотын 20 настай оюутан Лүн Фэнрүнээс Хятадын эмчилгээний мэргэжлийн багийн Лаост цар тахлын эсрэг чин сэтгэлээсээ тусалж байгаад талархал илэрхийлэв. Тэр хэлэхдээ:
- Хятадын эмчилгээний мэргэжилтнүүд батлагдсан тохиолдлыг эмчлэхэд туслах зорилгоор манай улсын эмнэлэгт байсан зургийг би олж хараад маш их сэтгэл хөдөлсөн юм. Тэд бидний уухай, магтаалыг хүртэх ёстой гэлээ.
Вьентьян хотын 23 настай иргэн Лассами:
- Цар тахлын эсрэг тэмцэхэд Лаост цаг тухайд нь үнэ цэнэтэй дэмжлэг үзүүлсэн Хятадын Засгийн газар, ард түмэн, Хятадын армид чин сэтгэлээсээ талархаж байна. Хятадын тусламж нь Лаосыг тахал өвчнийг даван туулахад тусалж, амьдрал удахгүй хэвийн байдалдаа орж чадна гэж найдаж байна гэлээ.
Лаос өнгөрсөн жилийн 03-р сард "Ковид-19"-ийн шинэ хоёр тохиолдол бүртгэгдсэнийг мэдээлснээс хойш Хятадын Засгийн газар болон цэргийнхэн Лаос руу тархварын эсрэг хэсэг хангамж, вакцины тусламж үзүүлэхээр эмнэлгийн мэргэжилтнүүдээ илгээжээ.
Лаосын ард түмэн интернэтээр дамжуулан Хятадын эмнэлгийн тусламж, хоёр орны найрсаг харилцааг дэмжиж байгаад талархаж байгаагаа илэрхийлэв. Майтан гэгч хүн "Лаост тавтай морилно уу, тасралтгүй дэмжиж байгаад талархлаа илэрхийлье" гэсэн бол Расаван гэгч хүн "Өгөөмөр, сайхан сэтгэлтэй байсанд тань үргэлж баярлалаа. Тусархаг хүмүүнлэг зан чанарыг үнэхээр олж харж байна. Хүний эрхийг үнэхээр дээдэлдэг улс бөгөөд итгэлтэй хүмүүс юм" гэжээ.
Ван Жянькүнь тэргүүтэй Хятадын эмчилгээний тусгай баг Хятадын хөрөнгө оруулалттай аж ахуйн нэгжүүд төвлөрсөн Вьентьян Сайсета цогц хөгжлийн бүс болон Хятад-Лаосын төмөр замын төслийн хэлтэст очиж, тархвараас урьдчилан сэргийлэх, хянах ажлыг судалж, удирдан чиглүүлэв. Хятад төмөр замын Хятад-Лаос улсын төмөр замын барилгын жолоодох төвийн командлагч Хуанхүн:
- Хятадын Засгийн газраас Лаосын эмчилгээний мэргэжлийн багт шинжлэх ухааны удирдамжийн тусламж үзүүлж, вирусний эсрэг бидний хүч чадлыг бэхжүүлэв. Бидний оролцоотой Хятад-Лаос чиглэлийн төмөр замын барилгын байгууллагууд санаа зовохгүй, тахал өвчнийг даван туулах, барилгын ажлыг хуваарийн дагуу дуусгахад илүү их итгэл өгсөн гэв.
