Хятадын Ардын банкнаас 04-р сарын 12-ны өдөр гаргасан хамгийн сүүлийн мэдээллээс харахад 2021 оны эхний улиралд Хятадын юанийн зээл 7.67 их наяд юаниар нэмэгдэж,өмнөх оны мөн үеэс 574.1 тэрбум юаниар өссөн юм. 03-р сарын сүүлчийн байдлаар юанийн зээлийн үлдэгдэл 180.41 их наяд юань болж,өмнөх оны мөн үеэс 12.6 хувиар өсөв.

Энэ жилээс хойш санхүүгийн байгууллагын зээл нь бодит эдийн засгийг тогтвортой дэмжиж,зээл тогтвортой,үндэслэлтэй өсч, бодит эдийн засгийн зээлийн эрэлтийг үр дүнтэй хангажээ гэж  Хятадын Ардын банкны Мөнгөний бодлогын газрын дарга Сүнь Гуофэн хэлжээ. Тэрбээр санхүүгийн байгууллагууд эхний улиралд 7.67 их наяд юанийн шинэ зээл нэмж,өмнөх оны өндөр суурийг үндэслэн 574.1 тэрбум юанийн өсөлт,санхүүгийн байгууллагууд зээлийн хангамжийг зохистой зохицуулж,бодит эдийн засгийг дэмжих тасралтгүй байдал,тогтвортой байдал,үйлчилгээний өндөр чанарын хөгжлийн эрч хүчийг сайжруулахыг хадгалсан гэж илэрхийлсэн юм.

Урьдчилсан статистик мэдээгээр 2021 оны эхний улиралд Хятадын нийгмийн санхүүжилтийн нийт өсөлт 10.24 их наяд юань болсон нь өнгөрсөн оны мөн үеэс 873 тэрбум юань бага байна. Тэдгээрийн дотор бодит эдийн засагт юанийн зээл 7.91 их наяд юаниар нэмэгдэж,өнгөрсөн оны мөн үеэс 658.9 тэрбум юаниар нэмэгджээ. Гуравдугаар сарын эцсээр Хятадын нийгмийн санхүүжилтийн хэмжээ 294.55 их наяд юань байсан нь өмнөх оны мөн үеэс 12.3 хувиар өссөн байна.