Хятадын Төрийн зөвлөлийн мэдээллийн алба өнөөдөр 17-ны өглөө хэвлэлийн бага хурал хийж, энэ оны эхний хагасын эдийн засгийн байдлыг танилцуулав.

Долоодугаар сарын 17-нд Хятадын Статистикийн үндэсний газрын гаргасан тоо баримтаас үзвэл оны эхний хагаст орлого нь 20 сая юань давсан аж үйлдвэрийн нэмүү өртгийн хэмжээ өмнөх оны мөн үеэс 3.8 хувиар өсөж, нэмэгдсэн хурд нь эхний улирлаас 0.8 нэгж илүү боллоо.

Гурван том ангиллаар авч үзвэл, уул уурхайн салбарын нэмүү өртөг өнгөрсөн оны мөн үеэс 1.7, боловсруулах аж үйлдвэрийн салбарынх 4.2, цахилгаан, дулаан, хий, усны үйлдвэрлэл, хангамж 4.1 хувиар өссөн байна. Тоног төхөөрөмжийн үйлдвэрлэлийн салбарын нэмүү өртөг 6.5 хувиар болсон нь 20 сая юань давсан орлоготой ААН-ийн нийт хэмжээнээс 2.7 нэгж хурдан өссөн байна. Эдийн засгийн төрлөөр үзвэл, төрийн өмчит ААН-ийн нэмэгдсэн өртгийн хэмжээ өмнөх оны мөн үеэс 4.4 хувь, хувьцаат компаниуд 4.4 хувь, гадаадын болон Хонконг, Макао, Тайванийн хөрөнгө оруулалттай ААН-үүд 0.8 хувь, хувийн хэвшлийн компаниуд 1.9 хувиар өссөн байна.
Бүтээгдэхүүний хувьд нарны зай 54.5 хувь, цахилгаан авто машин 35 хувь, үйлдвэрлэлийн хяналтын компьютер, системийн үйлдвэрлэл  34.1 хувиар тус тус өслөө.
Зургаадугаар сард жилийн орлого нь 20 сая юань давсан ААН-ийн нэмүү өртөг өмнөх оны мөн үеэс 4.4 хувь, тавдугаар сарынхаас 0.68 хувиар өссөн байна. Зургаадугаар сард аж үйлдвэрийн салбарын худалдан авалтын менежерүүдийн индекс 49 хувь, ААН-ийн үйлдвэрлэл, үйл ажиллагааны хүлээлтийн индекс 53.4 хувь байна.