Олон ч ээж хэлнэ дээ, хөхүүл байх үед хэтэрхий их идсэнээс болоод огцом таргалсан, үс унасан, үргэлж сэтгэлээр унах болсон, нөхөртөө гомдоллож байнга л ам зөрөх болсон, өөрийгөө хэн байсныг мартсан гээд л. Ажлын карьер ч нэг хэсэгтээ л бөхөх энэ хооронд эмэгтэйчүүд бид л өөрийгөө анхаарахгүй бол өөр хэн ч хайхрахгүй. 

 

“Хөөрхий амьтан, энэ хүүхэд гаргасан юм, завгүй юм” гэж таныг харсан хэн ч тэгж бодохгүй. Та л өөртөө анхиатай, арчаатай байхгүй бол бусад хүмүүс огт өөрөөр л харна. Ингэлээ гээд одод шиг долоохон хоногийн дотор буцаж хэвийн жиндээ орж, өдөр шөнөгүй хоолны дэглэм барь гэж хэлээд байгаа хэрэг биш юм. 

 

Ядаж л өөртөө тохирсон хувцаслалт сонгочихдог, өдөртөө ядаж 8 стакан ус уучихдаг, үсээ ямар байгааг толинд ганц удаа ч гэсэн харчихдаг, хүүхдээ унтаж байх хойгуур өөрийнхөө дуртай хоббигоо үргэлжлүүлэх хэдхэн минутыг өөртөө хайрла. Үүнийг л хэлээд байгаа юм. Та хүүхэд гаргаад таргалсан ч гэсэн тохирсон хувцсаа өмсчихсөн явж байхад хэний ч нүдэнд донжтой хэвээрээ л бууна. Харин 8 стакан ус таны илүүдэл жинг хөөх хөдөлгүүрийг ажиллуулах юм. Ингэснээр заавал хоолны дэглэм барих шаардлагагүй, аажимдаа л ус таныг хэвийн жинд тань аваачих болно. Толинд хараад өөрийнхөө үс, гадаад төрхийг хэчнээн үзэсгэлэнтэйг нэг анзаараарай. Амаржсан ээжийн царай хэчнээн сайхан толигор өнгөлөг байдаг билээ.