Бразил улсын Засгийн газар тус улсын нутаг дэвсгэрт тархсан "Зика" вирусийг устгах ажилд 50-н мянган цэргийг дайчилжээ. Тэдгээр цэргүүд нийт 350-н хот суурин дах гурван сая гаруй айл өрх, албан газар болон гудамж талбайгаар явж "Зика" вирусийг тараагч ялааг устгах зориулалт бүхий ариутгалын бодисыг цацах юм байна.

Мөн 220-н мянган цэргийг дайчлан "Зика" вирусээс урьдчлан сэргийлэх заавар бүхий мэдээллийн зурагт хуудсыг айл бүрт тараан өгөхөөр болсон ажээ.

 Ингэснээр Бразил улсын Засгийн газар  "Ирэх 7-р сард Рио Де Жанейро хотод нээгдэх зуны олимп гэхэд "Зика" вирусийн тархалтыг бүрэн зогсоож, тус олимпийг зорин ирэх дэлхийн олон орны тамирчид, төлөөлөгчдийг халдвар авахаас урьдчилан сэргийлж чадна" хэмээн мэдээлэлжээ.