Дөрөв хоног үргэлжлэх Дэлхийн худалдааны байгууллагын Сайд нарын XII бага хурал (MC12) Швейцарын Женев хотноо болж байна. Хурлын үеэр ДХБ-ын олон гишүүн орнууд олон талт худалдааны систем дэх ДХБ-ын үндсэн статусыг дахин нотолж, энэ удаагийн сайд нарын уулзалт байгууллагын шинэчлэл, худалдааны чухал асуудлаар үр дүнд хүрнэ гэдэгт найдаж байна.
Казахстаны төлөөлөгчид олон талт худалдааны тогтолцоог тууштай дэмжигч гэдгийг Казахстаны төлөөлөгчид мэдэгдэв. Олон улсын худалдаанд гол үүрэг гүйцэтгэдэг ДХБ шинэчлэлийг ахиулж, сорилтуудыг даван туулж чадна гэж найдаж байна. Энэ удаагийн сайд нарын уулзалт тахал өвчний эсрэг хариу арга хэмжээ авах, “COVID-19”-ийн вакцины оюуны өмчийг чөлөөлөх, хүнсний аюулгүй байдал, загас агнуурын татаас зэрэг гол сэдвүүдээр үр дүнд хүрнэ гэж Казахстан найдаж байна гэжээ.
Кенийн төлөөлөгчид MC12 нь “COVID-19”-ийн цар тахал болон геополитикийн мөргөлдөөнтэй холбогдуулан зохион байгуулагдаж, дэлхий худалдаатай холбоотой олон сорилттой тулгарсан гэж мэдэгдэв. Олон талт худалдааны систем нийтлэг шийдлийг олоход чухал үүрэг гүйцэтгэнэ гэж илэрхийлсэн байна.
Индонезийн төлөөлөгчид ДХБ нь улс хоорондын худалдааны дүрэм журмыг хариуцдаг цорын ганц олон улсын байгууллага юм. Олон улсын худалдааны тогтолцооны тулгын чулуу болохын хувьд ДХБ өөрчлөгдөөгүй. Олон талт худалдааны тогтолцооны үр шимийг хүртэхийн зэрэгцээ бүх гишүүн орнууд олон улсын худалдааны тогтолцооны үр шимийг хүртэхийн зэрэгцээ мөн үүрэг хариуцлага хүлээх ёстой гэж үзсэн байна.Индонез улс ДХБ-ыг өнөөгийн худалдааны бодит байдалд нийцүүлэн дүрэм журмаа шинэчлэхийг уриалав.
Бразилын төлөөлөгчид олон талт хэлэлцээ удаашралтай, давж заалдах шатны байгууллагыг түдгэлзүүлэх зэрэг хүнд сорилтуудтай ДХБ тулгарч байгаа тул шинэчлэл зайлшгүй шаардлагатай гэжээ. Энэ удаагийн сайд нарын уулзалт хөдөө аж ахуй, худалдаа эрүүл мэнд, загас агнуурын татаас, ДХБ-ын шинэчлэл зэрэг асуудлаар үр дүн гарна гэж Бразил найдаж байна.
ДХБ-гаар гол цөм болгосон олон талт худалдааны тогтолцоо нь дэлхийн сорилтуудыг шийдвэрлэхэд чухал үүрэг гүйцэтгэж чадна гэж ЕХ-ны төлөөлөгчид мэдэгдэв. ЕХ-ны төлөөлөгчид маргаан шийдвэрлэх, худалдааны хэлэлцээ, худалдааны бодлогыг хянах зэрэг гол салбарт шинэчлэл хийж, дүрэм журмыг 21-р зууны худалдааны орчинд тохируулан шинэчлэхийг уриалав.
Хятадын Худалдааны Яамны сайд Ван Вэньтао мөн уг хуралд оролцсон байна. Тэрээр хэлэхдээ "ДХБ-ыг гол цөм болгосон олон талт худалдааны тогтолцоо нь олон улсын худалдааны тулгын чулуу бөгөөд Хятад улс дэлхийн эдийн засгийг сэргээхэд илүү их үүрэг гүйцэтгэхийн төлөө ДХБ-ыг ахиулахад бүх талуудтай хамтран ажиллахад бэлэн байна" гэжээ.
Мөн Ван Вэньтао хэлэхдээ "Хятад улс цаашид олон талт худалдааны тогтолцоог хамгаалах талаар бодитой арга хэмжээ авч, ДХБ-ын өөрчлөлтийг зөв замаар хөгжүүлэхэд дэмжлэг үзүүлнэ.Өөрчлөлт нь ДХБ-ын чиг үүргийг бэхжүүлж, эдийн засгийн даяаршлыг ахиулж, бүх гишүүн орнуудад үр өгөөжөө өгөх ёстой" гэжээ.
ДХБ-ын Сайд нарын бага хурал нь ДХБ-ын шийдвэр гаргах дээд байгууллага бөгөөд ерөнхийдөө хоёр жилд нэг удаа болдог. ДХБ болон Казахстаны хамтран зохион байгуулж буй MC12 нь ДХБ-аас сүүлийн дөрвөн жил хагасын хугацаанд зохион байгуулж буй анхны сайд нарын уулзалт юм. Уулзалтад ДХБ-ын гишүүн 164 орны сайд, төлөөлөгчид оролцсон байна.
