Хоёрдугаар сарын 29-ний үдээс өмнө  болсон Хятадын Иргэний нисэхийн ерөнхий газраас хийлгэсэн хэвлэлийн бага хурлаас мэдээлснээр хаврын баяраас хойш Хятад улсын олон улсын зорчигч тээврийн нислэгүүд тогтмол сэргэж, 02-р сарын 12-ноос 18-ны хооронд Хятадын болон гадаадын агаарын тээврийн компани олон улсын хоёр талын 5389 тогтмол нислэг үйлдсэнээр цар тахлын өмнөх нислэгүүд 70.7 хувь хүрч сэргэсэн байна. "Бүс ба зам"-ыг хамтран байгуулагч орнуудтай хийсэн нислэг 74.2 хувьтай сэргэсэн гэв.

        Одоогоор дэлхийн 64 оронд олон улсын зорчигч тээврийн хуваарьт нислэг үйлдэж байна. Эдгээр нислэгийн 75 хувийг “Бүс ба зам”-ыг хамтран байгуулагч 48 оронтой хийж байна. Сингапур, Австрали, Арабын Нэгдсэн Эмират, Их Британи, Итали, Шинэ Зеланд, Турк, Катар, Египет, Бангладеш зэрэг 22 орны нислэгийн хэмжээ тахлын өмнөх түвшинг давж,  Кувейт, Люксембург, Танзани, Серби, Папуа Шинэ Гвиней зэрэг 5 улс жагсаалтад шинээр орж ирэв. Хятад Америк хооронд гуравдугаар сарын 31-нээс эхлэн Хятад Америкийн агаарын тээврийн компаниуд долоо хоногт нийт 100 хуваарьт нислэг үйлдэхээр болжээ.