Шиньжяны Ташкуурган Тажикун өөртөө засах шянь нь Памир өндөрлөгийн зүүн бэлд байрладаг. Далайн төвшнөөс дээш дунджаар 4000 м өндөрт өргөгдсөн. Сарлаг нь Тажикун өөртөө засах шяний малчин тариачдын маллаж байгаа гол малын нэг бөгөөд тухайн нутгийн хүмүүсийн үйлдвэрлэл амьдралтай салшгүй холбоотой юм.  

Сарлаг унаж хонь авч явах тэмцээн нь Тажикунд өргөнөөр дэлгэрсэн ардын уламжлалт спорт бөгөөд 2009 онд Шиньжян Уйгурын Өөртөө Засах Орны соёлын биет бус өвийн жагсаалтад бичигдсэн байдаг. Сүүлийн жилүүдэд энэхүү өвөрмөц уламжлалт спорт нь Ташкуурганы аялал жуулчлалыг хөгжүүлэх шинэ зам болж, олон жуулчдад таалагдаж байна.

44 настай Бижан Бигваз нь Ташкуурганы Дабудар шянийх. Сарлаг унаж хонь авч явах тэмцээний биет бус соёлын өвийг өвлөн уламжлагчийн хувьд Бижянгийн сарлаг унаж хонь авч явах ур чадвар онцгой сайн. Хурим зэрэг аз жаргалтай үйл явдлуудын үеэр Ташкуурганчууд ёслол төгөлдөр баяр ёслолыг үзүүлэхийн тулд "Сарлаг унаж хонь авч явах" уралдаан зохион байгуулдаг заншилтай. Бижян шяний соёл, аялал жуулчлалын хэлтсээс зохион байгуулдаг томоохон фестивальд оролцож байгаа нь энэхүү өвөрмөц спортын сэтгэл татам байдлыг зочдод харуулж байна.

Бижянгийнх одоо бараг 50 сарлагтай болжээ. Тэрээр хүүхэд байхаасаа л сарлаг маллан сарлагтай харьцаж ирсэн бөгөөд 14 настайдаа ааваасаа сарлаг унаж хонь авч явах ур чадварыг суралцаж, аажмаар орон нутагт алдаршиж, 2019 онд Шиньжян Уйгурын Өөртөө Засах Орны түвшинд биет бус соёлын өвийг өвлөн уламжлагч болсон байна.

Сарлаг унаж хонь авч явах тэмцээний эхний болон хоёр дахь хагас нь 50 минут үргэлжилж, 15 минутын завсарлагатай. Тоглолтын танхимын хэмжээнээс хамааран нэг багт 10-15 тоглогчтой. Ийм хүчтэй тэмцээн болох нь хүн болон сарлагийн аль алиных бие махбодын хувьд туйлын их хүч чадал шаарддаг. Сарлагийн эвэр нь их хурц учраас багийн гишүүд ширүүн тулалдахад шархдах нь түгээмэл байдаг.