Хятадын Суурингийн шуудан зөөгч Жао Юэфан 26 жилийн турш 300,000 гаруй километр зам, 800,000 гаруй шуудангаар Тайхан уулсыг хөндлөн огтлолцсон оргилууд, эргэлдсэн уулын замуудаар чимээгүйхэн алхаж, өдөр бүр уулын дотор болон гаднахын сэтгэл зүрхийг уламжлан холбож байна.
Э-Ву шуудангийн газар нь Хятадын Шаньси мужийн Чанжи хотын Хугуань Шяний Да Шягү сууринд 1400 гаруй метрийн өндөрт Тайхан нурууны гүнд байрладаг бөгөөд хэдэн арван километрийн радиус доторх цорын ганц шуудангийн салбар бөгөөд шуудан зөөгч Жао Юэфан ажилладаг газар болно.
1996 онд Жао Юэфан цэргээс халагдаж, төрөлх нутагтаа буцаж ирээд шуудан зөөгч болжээ. Э-вү сууринд засаг захиргааны 18 тосгон, 172 байгалийн тосгон байсан бөгөөд бүгд Жао Юэфангийн хүргэлтийн хүрээнд харьяалагддаг. Тэр үед Э-ву суурингийн тээвэр эвгүй байсан тул өдөр бүр уул, уулархаг дээгүүр илгээмж үүрч, нарийхан, эгц "муурын замаар" алхаж, уулын нөгөө талын Цяошан сууринд очиж шуудангаа буцаан зөөж, дараа нь ангилж, явганаар хүргэж, ихэвчлэн хүргэлтийн дараа шөнө болж таардаг байлаа. Олон шууданчид үүнийг дэндүү хэцүү гэж үзэн гурав, таван сар ажилласны эцэст ажлаасаа гарсан бол Жао Юэфан өнөөдрийг хүртэл чимээгүйхэн зүтгэсээр. 2013 онд орон нутгийн аялал жуулчлалын зам тавигдаж, Э-ву сууринд замыг хатуу хучилттай болгож, донсолгоотой шороон зам нь тэгш, цэлгэр зам болсон байна. 2018 онд орон нутгийн шуудангийн компани Э-ву шуудангийн салбарыг мотоциклоор тоноглосон бөгөөд тэр цагаас хойш явганаар хүргэлт хийхээ больсон юм.
Жао Юэфан 20 гаруй жил салхи бороо зэрэг олон сорилт, зовлон зүдгүүр туулсны эцэст тоо томшгүй олон гутал, илгээмжийн цүнх элээжээ. 2015 онд Жао Юэфан "Үндэсний үлгэр жишээ ажилтан" хүндэт цолоор шагнуулав. Энэ бол нэг талаас нэр төрийн хэрэг, бас хүнд хариуцлага болж, маш их баяртай байна.
Тайхан уулын байгаль гайхамшигтай боловч Жао Юэфанд үүнийг үзэх цаг алга. Аль хэдийн бүдгэрсэн илгээмжийн цүнхэн дотор нь өөр газраас илгээсэн илгээмж, коллежийн оюутнуудын элсэлтийн мэдэгдэл, хүсэл тэмүүллийг илэрхийлсэн захидлууд дүүрэн.
- Тосгоны оршин суугчид бүгд хүлээж байгаа, ямар ч саатал гарахгүй гэж Жао Юэфан хэлж байлаа.
