01-р сарын 16-нд ХКН-ын Төв хорооны улс төрийн товчооны гишүүн, Гадаад харилцааны төв комиссын Тамгын газрын дарга Ван И Францын ерөнхийлөгчийн гадаад харилцааны зөвлөх Боннтой утсаар ярилаа.

 Ван И хэлэхдээ: “Өнөөгийн дэлхийн байдал үймээн самуун, өөрчлөлтөөр дүүрэн байгаа бөгөөд Хятад Францын харилцаа эрүүл, тогтвортой хөгжих нь онцгой ач холбогдолтой юм. НҮБ-ын Аюулгүйн Зөвлөлийн байнгын гишүүн, бие даасан томоохон орнуудын хувьд Хятад Франц хоёр орон стратегийн харилцаа холбоогоо бэхжүүлж, дэлхийн эмх замбараагүй байдал, өөрчлөлтийг зохицуулахад чухал үүрэг гүйцэтгэх ёстой. Хятад улс Францтай хамтаар дээд зиндааны харилцаагаа эрчимжүүлж, стратегийн харилцан итгэлцлээ гүнзгийрүүлэн, Хятад Францын иж бүрэн стратегийн түншлэлийн харилцааны шинэ хэтийн төлөвийг нээхэд бэлэн байна. Энэ жил Хятад Европын иж бүрэн стратегийн түншлэлийн харилцаа тогтоосны 20 жилийн ой тохиож байгаа бөгөөд Хятад улс Франц болон Европын холбооны бусад гишүүн орнуудтай харилцан хүндэтгэж, яриа хэлцэл, хамтын ажиллагаагаа тууштай баримталж, харилцан ашигтай, хамтдаа хожих үр дүнд хүрч, Хятад Европын иж бүрэн стратегийн түншлэлийн харилцаанд шинэ эрч хүч оруулахад бэлэн байна.

 Бонне хэлэхдээ: “Франц Хятадын харилцааг Франц дээд хэмжээнд чухалчилж, Хятад улстай дээд зиндааны солилцоогоо эрчимжүүлэн, инноваци, технологи болон бусад салбар дахь хамтын ажиллагаагаа гүнзгийрүүлж, ирээдүйн хөгжлийн төлөвлөгөөг хамтаар гаргахыг хүсэж байна гэжээ. Франц улс хүйтэн дайны үеийн сэтгэлгээ, блокийн улс төрийг эсэргүүцэж, ЕХ-Хятадын яриа хэлэлцээг өргөжүүлэх, олон талт үзлийг хадгалах, дэлхийн эдийн засгийн сэргэлтийг ахиулах, цаг агаарын өөрчлөлтийг зохицуулахад хамтран ажиллахад нааштай үүрэг гүйцэтгэхэд бэлэн байна. Францын тал Хятад улсын цар тахлын эсрэг авч хэрэгжүүлж буй арга хэмжээг ойлгож, дэмжиж байгаа бөгөөд Хятад улс тахлын энэ үеийг даван туулах болно гэдэгт итгэж байна” гэжээ.