Вьетнамын мэдээллийн агентлагийн албан ёсны цахим хуудасны мэдээлснээр Хятад болон АСЕАН сүүлийн 30 жилийн турш хоёр талын харилцаа гүнзгийрэн, яриа хэлэлцээний харилцаа тогтоосон байна. Улс төр, аюулгүй байдлын хувьд Хятад улс АСЕАН тэргүүтэй бүс нутгийн механизмд идэвхтэй оролцож, эдийн засгийн хувьд Хятад улс 2009 оноос хойш АСЕАН-ы хамгийн том худалдааны түнш байсаар ирсэн. 2020 онд Хятад, АСЕАН анх удаа бие биенийхээ хамгийн том худалдааны түнш болсон. Хятад, АСЕАН хоёр орон нийгмийн соёлын салбарт хамтын ажиллагааг чухалчлан үзэж, цар тахал гарсны дараа хоёр тал халдварт өвчинтэй гар нийлэн тэмцэж, нийгмийн эрүүл мэндийн салбар дахь хамтын ажиллагаагаа гүнзгийрүүлэв.
Вьетнамын Франц хэлний өдөр тутмын "Vietnam Post" сонинд мэдээлснээр, Хятад, АСЕАН-ы стратегийн түншлэлийн харилцаа харилцан ашигтай бөгөөд хоёр талын хамтын ажиллагаа сүүлийн 30 жилийн хугацаанд гайхалтай үр дүнд хүрсэн байна. Хятад, АСЕАН-ы яриа хэлэлцээний харилцааны 30 жилийн ойн дээд хэмжээний уулзалтын үеэр хоёр тал Хятад, АСЕАН-ы иж бүрэн стратегийн түншлэлийн харилцаа тогтоосноо албан ёсоор зарласан бөгөөд энэ арга хэмжээ нь энх тайван, аюулгүй байдал, тогтвортой байдал, хөгжил цэцэглэлт, тогтвортой хөгжилд тустай юм.
Малайзын "Од" сонин мөн мэдээлснээр Сингапурын Ерөнхий сайд Ли Шяньлүн Хятад, АСЕАН-ы хооронд яриа хэлэлцээний харилцаа тогтоосны 30 жилийн ойн дээд хэмжээний уулзалтын үеэр Хятад, АСЕАН-ыг албан ёсоор иж бүрэн стратегийн түншлэлийн харилцаанд дэвшүүлснийг хэлсэн. Уг мэдээлэлд Ли Шяньлүн "Энэ бол утга учиртай, бодитой, харилцан ашигтай шинэчлэл болно гэдэгт би итгэж байна" гэж хэлснийг иш татсан байна.
Хоёр тал мөн АСЕАН-ы иж бүрэн сэргээх тогтолцооны хүрээнд хамтран ажиллах, ногоон, тогтвортой хөгжлийн хамтын ажиллагааг бэхжүүлэх тухай хамтарсан мэдэгдэл гаргасан нь бүс нутгийг цар тахлаас ангижруулж, тогтвортой хөгжлийн хамтын ажиллагааг гүнзгийрүүлэхэд тус дөхөм үзүүлнэ гэж тайланд дурджээ. Түүнчлэн тэрээр Хятад Америкийн харилцаа нь бүс нутгийн энх тайван, хөгжил цэцэглэлтийн чухал хүчин зүйл болсныг онцлоод, саяхан Хятад, Америкийн удирдагчдын видео уулзалт хийснийг дурдаад, хоёр орны удирдагчид хамтын ажиллагааг гүнзгийрүүлэх, зөрчилдөөнөөс зайлсхийхийн тулд хамтран ажиллаж байгаа арга нь хүмүүст урам зориг өгч байна гэжээ.
