2024 он ирэхэд олон орны удирдагчид, олон улсын байгууллагын тэргүүнүүд шинэ жилийн мэндчилгээ дэвшүүлсэн байна. Тэд хүмүүсийг хамтран ажиллахыг уриалж, бие биэ дэмжиж, ялгаатай байдлыг гүүр болгож, илүү энх тайван, илүү сайн, хөгжин цэцэглэсэн ирээдүйг бүтээхийг уриалж байна.

        - 2023 он бол зовлон ихтэй, хүчирхийлэл ихтэй жил болжээ.Бид санал зөрөлдөөнөө арилгаж, хамтдаа шийдэх аргыг олох ёстой. НҮБ энх тайван, тогтвортой хөгжлийн төлөө дэлхийг нэгтгэх амлалтаа тууштай баримтлах болно гэж НҮБ-ын Ерөнхий нарийн бичгийн дарга Антонио Гутерриш хэлжээ.

        ОХУ-ын ерөнхийлөгч Владимир Путин:

        - Оросын ард түмний эв нэгдэл бол улс орны ирээдүйн хөгжлийн баталгаа юм.Бид бол нэг том гэр бүл, эх орны тогтвортой хөгжил, ард түмний сайн сайхан байдлыг хангаж, улам хүчирхэг болно.

        Францын ерөнхийлөгч Эммануэль Макрон хэлэхдээ“2023 онд олон улсын геополитикийн хурцадмал байдал нэмэгдсээр болно. Франц улс ч мөн их хохирол амссан бөгөөд террорист халдлага, хагарал, улс доторх үзэн ядалт, инфляц өндөр байна.Франц улс 2024 онд шинжлэх ухаан, технологийн шинэчлэлийг ахиулна. Франц болон бусад европчууд ч 2024 оны 6-р сард болох Европын парламентын сонгуульд "шийдвэртэй сонголт" хийнэ. Европ "илүү хүчирхэг" болно гэж найдаж байна”.

        Өмнөд Африкийн ерөнхийлөгч Сирил Рамафоса“2023 онд Өмнөд Африк олон сорилт тулгарсан ч өөдрөг үзэлтэй бий.Бидний итгэл найдвар, өөдрөг үзэл нь өмнө нь олон бэрхшээлтэй тулгарч байсан ч эцэст нь даван туулсан гэдгийг хүлээн зөвшөөрөх дээр тулгуурладаг”гэжээ.

        Сингапурын ерөнхий сайд Ли Хсиен Лун:

      - Өнгөрсөн онд дэлхийн нөхцөл байдал ээдрээтэй, сорилттой тулгарч байна.Ийм нөхцөл байдлыг сөрөн 2023 онд Сингапурын эдийн засаг 1.2 хувиар өсөж, хямралаас зайлсхийсэн. Геополитикийн тодорхой бус байдал, дэлхийн уур амьсгалын өөрчлөлт гэх мэт нь 2024 онд Сингапурт нөлөөлсөөр байх болно.Үүний зэрэгцээ хиймэл оюун ухаан, роботын хурдацтай хөгжил бизнес, хүмүүст ч итгэл найдвар авчирна.

        Камеруны ерөнхийлөгч Бия хэлэхдээ “Өнгөрсөн нэг жилийн хугацаанд бүс нутгийн мөргөлдөөн,дайн дажин дэлхийн өргөн хэрэглээний барааны зах зээлийн нийлүүлэлтийн сувгийг тасалдсаар ирсэн. Үүний үр дүнд хүнс, эрчим хүчний үнэ тасралтгүй өсөж, олон улсын хамтын нийгэмлэг улам бүр хуваагдаж, зөрчилдөж байна. Энэ нь бидний улсад ч их сөөргөөр нөлөөлсөн.Олон сөрөг хүчин зүйл байгаа хэдий ч Камеруны Засгийн газар тэдгээр хүндрэлүүд нь ард түмний сайн сайхны төлөө ажиллах бидний шийдвэрийг сулруулахгүй гэсэн үзэл баримтлалын дагуу ажилласаар иржээ.

        Кубын ерөнхийлөгч Диаз-Канел “Гадаад хориг арга хэмжээний харгислалаас болж Кубын нөхцөл байдал урьд хожид байгаагүй хүнд байна гэжээ. Мөн 2024 онд ард түмэн маань бүтээлч байж, өөрчлөх шаардлагатай бүх зүйлийг өөрчлөхөд хамтран ажиллана гэдэгт найдаж байна”гэв.

        Японы ерөнхий сайд Фумио Кишида:

        - Япон улс их өөрчлөлтийн эрин үеийг эхлүүлж байна. Шинэ онд хүчтэй хөгжиж, маргааш илүү сайн байх болно гэдэгт ард түмнийг итгэнэ гэдэгт найдаж байна.

        Өмнөд Солонгосын ерөнхийлөгч Юн Сук Ёл “2024 онд Өмнөд Солонгосын хувьд дахин үсрэлт хийх чухал эргэлтийн цэг болно. Дэлхийн худалдаа сэргэхийн хэрээр Өмнөд Солонгосын эдийн засгийн ерөнхий эрч хүч бэхэжнэ” гэжээ.

        Туркийн ерөнхийлөгч Режеп Тайип Эрдоган:

        - Турк улс 2024 онд "жинхэнэ ололт амжилт"-д хүрэх бөгөөд бүх хүн төрөлхтөнд илүү сайн, энх тайван, хөгжил цэцэглэлтийн ирээдүйг хүсэн хүлээж байна.

        Шри Ланкийн ерөнхийлөгч Ранил Викремесинге “Өнгөрсөн онд Шри Ланкийн бүх ард түмэн тус улсын санхүүгийн хүндрэлээс үндсэндээ салахын төлөө хамтран ажилласан гэжээ.Эдийн засгийн тогтвортой байдалд хүрэхийн тулд Шри Ланка улс цааш явах ёстой. Шри Ланк хүн бүрийн үүрэг бол улс орноо сэргээхэд хувь нэмрээ оруулах явдал юм” гэжээ.

        “2024 он хичээл зүтгэлийн жил болно гэдэгт найдаж байна.Тайландын бүх хүмүүс амжилт, тогтвортой байдал руу тэмүүлж чадна.” гэж Тайландын Ерөнхий сайд Саитай илэрхийлэв.

        АНЭУ-ын ерөнхийлөгч Мохаммед бин Зайед Аль Нахян

        - АНЭУ-ын бүс нутаг, дэлхийн ард түмний төлөө эвлэлдэн нэгдэж, энх тайван, хөгжил дэвшлийн төлөө залбирахыг уриаллаа.

        Бельгийн ерөнхий сайд Де Кроу “Бидний улсын эдийн засаг сайн байгаа, эдийн засгийн өсөлт бат бөх байна.Бельги улс 2024 оны эхний хагаст Европын холбооны тэргүүлэгч улс болж ажиллана.Тэр үед аж үйлдвэрийн дэмжих хүчтэй бодлого хэрэгжүүлнэ”гэв.

        Нидерландын ерөнхий сайд Ратте “2023 оныг азгүй жил болсон бөгөөд Украины хямрал,Газын мөргөлдөөнд олон хүний амь нас хохирсон.Тэрээр Голландчуудыг шинэ жилээр үргэлжлүүлэн эвлэлдэн нэгдэж, бие биеэ дэмжихийг уриалсан” байна.

        Мальт улсын ерөнхий сайд Абела:

        - Сорилт бэрхшээлүүд тулгарсан ч бид шинэ жилийг өөдрөг үзлээр эхлэх болно. Манай улс урагш тэмүүлсээр байх болно.