Хятадын “Xiaomi” компани нарны зайгаар ажилладаг ухаалаг гар утсаа гэрчилгээтэй болгосон байна.

“Xiaomi” компани гэрчилгээ олгох хүсэлтийг Дэлхийн оюуны өмчийн байгууллагад 2018 оны долоодугаар сарын 27-нд өгчээ. Уг ухаалаг утас нь орчин үеийн төхөөрөмжүүдийн адил ердийн загвартай боловч ар талд нь нарны зай хураагуур суурилснаараа ялгаатай байна.

Харин нүүрэн талд нь хурууны хээ танигч, селфи-камерын аль аль нь байхгүй бөгөөд тэдгээрийг дэлгэцэн дор нь нуусан байх магадлалтай. Учир нь  “Xiaomi” компани нүүрэн талдаа “үл үзэгдэгч” камер бүхий ухаалаг гар утсаа  урьд нь танилцуулсан билээ.