13-ны өдөр Хятад, Лаосын төмөр зам Күньминий өмнөд өртөөнөөс Вьентьян өртөө хүртэл хоёр талын хил дамнасан суудлын галт тэргийг нээж, тухайн өдөр Күньмин хотоос Лаосын нийслэл Вьентьян хот руу галт тэргээр зорчих болно. Лаосын олон давхаргын хүмүүс Хятад, Лаосын төмөр замын хил дамнасан зорчигч тээвэр нээгдсэнийг сайшааж, Лаос, Хятадын хамтын ажиллагааны түүхийн шинэ хуудас нээгдэхийг тэсэн ядан хүлээж байна.
"Удахгүй Хятад руу галт тэргээр аялах боломжтой", "Хятадын жуулчдыг Лаос улсад тавтай морилно уу! Таныг ая тухтай аялахыг хүсэн ерөөе", “Хил дамнасан галт тэрэг нь Лаосын ард түмэн, ялангуяа оюутнуудад Хятадад суралцах цаг, замын зардлыг хэмнэнэ гэж найдаж байна”!...
Сүүлийн өдрүүдэд Хятад, Лаосын төмөр замаар хил дамнасан зорчигч тээврийн үйлчилгээ нээгдсэн нь Лаос улсад халуун сэдэв болоод байна.
Лаосын "Vientiane Times" сонины ерөнхий редактор Тонглор Донсаван хэлэхдээ "Лаосын ард түмний хувьд энэ бол бахархалтай мөч. Энэ бол Лаос, Хятадын хамтын ажиллагааны түүхэн үйл явдал юм” гэжээ.
Лаосын нэгэн интернэт хэрэглэгч хэлэхдээ “Энэ бол сайн мэдээ, төмөр зам хурдан бөгөөд хямд, одоо Хятад руу зорчиход илүү тохиромжтой болсон" гэжээ.
Вьентьян хотын шөнийн захын гудамжны худалдаачин Ной Шаван Синьхуа агентлагийн сурвалжлагчид Хятадын жуулчид ирэх нь аялал жуулчлалын салбарын олон мэргэжилтнүүдэд ашиг тусаа өгөх болно гэж ярьжээ. Тэрээр хятад хэл сурч, Хятад хоолны цэс бэлтгэсэн байна. Мөн тэрээр хил дамнасан суудлын галт тэрэг Хятадын жуулчдыг олноор авчирч, Лаосын аялал жуулчлалын салбар, эдийн засгийг сэргээхэд хүчтэй түлхэц үзүүлнэ гэжээ.
Лаосын Ардын Хувьсгалт Намын Төв суртал ухуулгын газрын дэд дарга Ваньсай Тавиянь 10-ны өдөр хэлэхдээ "Хил дамнасан суудлын галт тэрэг нь хоёр орны солилцоонд тохиромжтой, соёлын солилцоог ахиулна. Хятадаас Лаос руу олон тооны жуулчин ирж, Лаосын аялал жуулчлалтай холбоотой аж үйлдвэрийг хөгжүүлэх боломжийг бүрдүүлж, Лаосын ард түмний амьжиргааг улам дээшлүүлнэ" гэжээ.
2021 оны эцсээр Хятад, Лаосын төмөр зам ашиглалтад орж, Лаосын ард түмэнд хөгжил дэвшилд хүрэх шинэ зам нээгджээ. Күньминий өмнөд өртөөнөөс Вьентьян өртөө хүртэл хил дамнасан суудлын галт тэрэг нээгдэхээс өмнө Күньмин-Мохан, Вьентьян-Ботен хүртэлх зорчигч тээврийн галт тэрэгнүүд хэсэгчлэн явуулж, шугамын дагуух хүмүүсийн таашаалыг хүлээж байсан юм.
04-р сарын 09-ний байдлаар Хятад, Лаосын төмөр зам нийт 13 сая 930 мянган зорчигч, 18 сая 380 мянган тонн ачаа тээвэрлэсний 3 сая 590 мянган тонн хил дамнасан ачаа тээвэрлэж, энэ нь Хятад, Өмнөд Ази, Зүүн өмнөд Азийн алтан суваг, Хятад, Лаосын хамтын ирээдүйн хамтын нийгэмлэгийг байгуулахад идэвхтэй үүрэг гүйцэтгэсэн юм.
Лаосын Ерөнхий сайдын Тамгын газрын ерөнхий газрын орлогч дарга Типагон Чантафонса 03-р сарын 29-нд Засгийн газрын сарын ажлын хурлын дараа тэрээр хэвлэл мэдээллийнхэнд хэлэхдээ "Аялал жуулчлал бол цар тахлын дараах Лаосыг сэргээн хөгжүүлэх тэргүүлэх салбар бөгөөд Лаос, Хятадын төмөр замын хил дамнасан тээвэрлэлт нь Лаос улсын аялал жуулчлалын хөгжилд чухал түлхэц үзүүлнэ" гэжээ.
