БНХАУ-ын Төрийн зөвлөлийн гишүүн бөгөөд Гадаад хэргийн сайд Ван И энэ сарын 08-ны өдөр Чүнчин хотод “БНХАУ-АСЕАН яриа хэлэлцээний харилцаа тогтоосны 30 жилийн ойг тэмдэглэх гадаад харилцааны сайд нарын тусгай хурал” болон Лансан-Меконгын хамтын ажиллагааны гадаад хэргийн сайд нарын VI уулзалтад оролцож байгаа Тайландын Ерөнхий сайдын орлогч бөгөөд Гадаад хэргийн сайд Дон Прамудвинай, Камбожийн ерөнхий сайдын орлогч бөгөөд гадаад хэргийн сайд Прак Сокхонн, Вьетнамын гадаад хэргийн сайд Буи Танх Сон, Мьянмарын гадаад хэргийн сайд Вунна Маун Лвин, Лаосын Гадаад хэргийн сайд Салөмсай Гуммасида нартай тус тус хоёр талын уулзалт хийсэн байна.