БНХАУ-ын ӨМӨЗО-ны "Өвөр Монголын бараа бүтээгдэхүүний үзэсгэлэн худалдаа-2016" энэ сарын 12-ны өдөр Монгол Улсын нийслэл Улаанбаатар хотын "Мишээл экспо төв"-д нээлтээ хийлээ.

Үзэсгэлэн худалдааг БНХАУ-ын Олон Улсын Худалдааны Танхим, ӨМӨЗО-ны Ардын Засгийн газар, МҮХАҮТ зэрэг байгууллагууд дэмжиж, ӨМӨЗО-ны Худалдааг Дэмжих холбоо, Бугат, Хөххот болон Хянган, Шилийнгол аймаг, Монгол Улсын "Мишээл" групп хамтран зохион байгуулж, хөдөө аж ахуйн болон хөнгөн нэхмэл, барилгын материал зэрэг бараа бүтээгдэхүүнийг дэлгэн үзүүлэх юм.