Яруу найрагч Л.Хасбаатар МУ-ын ”Боловсролын тэргүүний ажилтан” боллоо

2017-09-08 18:11

“Р.Чойном судлал” судалгааны ажлаараа түмэн олныхоо хайр хүндэтгэлийг хүлээсэн Ордос нутагтай уран бүтээлч, ӨМИС-ийн МСДС-ийн дэд профессор, доктор, утга зохиол судлаач, яруу найрагч Л.Хасбаатар 09-р сарын 08-ны өдөр Монгол Улсын “Боловсролын Тэргүүний ажилтан” цол тэмдгээр шагнууллаа.

Монгол Улсын Засгийн газраас олгож буй энэхүү шагналыг ӨМӨЗО-ны Хөххотод суугаа Ерөнхий консул Д.Мөнх-Эрдэнэ хүндэтгэлтэйгээр гардуулсан юм. Тус шагналыг Боловсролын салбарт хориос доошгүй жил ажиллаж, боловсролыг хөгжүүлэхэд бодитой хувь нэмэр оруулсан, хариуцсан ажлын үзүүлэлт, сургалтын чанар, амжилт, бүтээл нь аймаг, хот, улс, олон улсын хэмжээнд үнэлэгдсэн хүмүүст олгодог юм байна. Тэрээр мөн 2016 онд “Монголын Үндэсний Чөлөөт Зохиолчдын Холбооны шагнал” хүртэж байсан юм. Олон жилийн туршид монголын уран зохиол, боловсролын салбарт хөдөлмөр, цаг хугацаагаа зарцуулж явсан түүний нөр их хөдөлмөрийг үнэлж, энэхүү нэр хүндтэй шагналаар энгэрийг нь мялаасан байна.