Энэ сарын эцсээр Швейцарийн Давос хотноо зохион байгуулах Дэлхийн эдийн засгийн чуулга уулзалтад БНХАУ-ын дэд дарга Ван Цишань оролцоно гэж тус улсын Гадаад хэргийн яамны хэвлэлийн албаны төлөөлөгч даваа гарагт мэдээлэв.

Хятадын хэвлэлийн албаны төлөөлөгч Лү Каны мэдээлснээр "БНХАУ-ын эдийн засаг олон улсын нөхцөл байдлаас хамааран тодорхойгүй хийгээд тогтворгүй байдалтай нүүр тулгарч буй хэдий ч асар их нөөц бололцоотой хэвээр байгаа" аж. Чуулга уулзалтын үеэр дэд дарга В.Чи Шань БНХАУ-ын эдийн засгийн өсөлт, даяарчлал зэрэг сэдвийн хүрээнд үг хэлэх юм байна.

Энэ удаагийн чуулга уулзалт нэгдүгээр сарын 22-25-нд болно.