Хятадын Гаалийн ерөнхий газраас 08-р сарын 07-ны өдөр нийтэлсэн тоо баримтаас үзэхэд, 2024 оны эхний долоон сарын байдлаар Хятад улсын бараа бүтээгдэхүүний импорт, экспортын нийт хэмжээ 24 их наяд 830 тэрбум юаньд хүрч, өнгөрсөн оны мөн үеийнхээс 6,2 хувиар нэмэгдсэн байна. Үүнээс 07 дугаар сард импорт, экспортын хэмжээ 3 их наяд 680 тэрбум юань болсон нь өнгөрсөн оны мөн үеэс 6.5 хувиар өсөж, сарын өсөлтийн хурд дөрвөн сар дараалан 5 хувиас давав.

Хятадын Гаалийн ерөнхий газрын Статистикийн шинжилгээний газрын дарга Люй Далян хэлэхдээ, энэ он гарснаас хойш Хятад улсын эдийн засгийн үйл ажиллагаа ерөнхийдөө тогтвортой, тогтвортой ахиц дэвшил хийж, гадаад худалдаа тогтвортой сайжрах хандлагатай байна. Оны эхний долоон сарын импорт, экспортын цар хүрээ түүхэн дэх мөн үеийн дээд амжилтыг тогтоож, 07 дугаар сард импорт экспортын хэмжээ өмнөх оны мөн үе, өмнөх сарынхаас бүгд өссөн байна.