– Пакистаны төмөр замын Лахоре товчооны захирал Гуртай хийсэн ярилцлага

Пакистаны төмөр замын Лахоре товчооны захирал Мохаммед Ханиф Гур Пакистаны зүүн хэсэгт орших Пунжаб мужийн нийслэл Лахоре хотын "Синьхуа" агентлагт өгсөн онцгой ярилцлагадаа “Технологийн салбарт Пакистан-Хятадын хамтын ажиллагаа урт удаан түүхтэй. Хятадын техникийн дэмжлэг Пакистанд галт тэрэгний үйлдвэрлэлийн хүчин чадлаа дээшлүүлэхэд нь гарцаагүй тусална” гэжээ.

2022 оны 11-р сарын сүүлээр CRRC Таншань ХК Пакистан руу экспортлох 230 зочид тээвэрлэх галт тэрэгний төслөөс 46 өргөн хэмийн галт тэрэг ба холбоотой хэсгүүдийн эхний багц Пакистанд иржээ. Пакистаны төмөр зам, CRRC Таншань ХК нь галт тэрэгний гүйцэтгэлийн шалгалт, параметрийн тохируулга хийсэн байна. Одоогийн байдлаар галт тэрэг Лахоре товчоод байрлаж байна.

Гур хэлэхдээ “Олон улсын нээлттэй, ил тод тендерийн дараа Пакистаны тал Хятадад хийсэн галт тэрэг худалдаж авахаар шийдсэн байна. Өнгөрсөн сар орчмын хугацаанд Хятадын үйлдвэрлэсэн галт тэрэг Пакистаны метро олон замаар явж байна. Гүйцэтгэлийн шалгалтын үр дүн нь Пакистаны төмөр замтай бүрэн нийцэж маш сэтгэл ханамжтай байна. Ирээдүйд техникийн параметрийн тохируулга, туршилтын үйл ажиллагаа дууссаны дараа арилжааны үйл ажиллагаанд оруулна” гэжээ.