Японы цахилгаан бараа үйлдвэрлэгч “Sharp” компани амтат хоол санал болгож, хүмүүст хоол хийхэд нь тусалдаг богино долгионы зуух зохион бүтээжээ. Энэ талаар тус компанийн удирдлага мэдэгдсэнийг NHK уламжилжээ. “Sharp”-ын ярьдаг зуух тухайн хэрэглэгчийн ямар хоолонд дуртайг судалж, тохирох хоолны цэсийг санал болгохын зэрэгцээ эрүүл хооллож сурахад туслах юм байна. “Sharp” компани “ярьдаг зуух”-аа ирэх есдүгээр сард 1800 орчим ам.долларын үнэтэйгээр худалдаанд гаргах ажээ.