10-р сарын 31-нд НҮБ-ын Ерөнхий Ассамблейн 78 дугаар хуралдааны Зэвсэгт хүчний болон Олон улсын аюулгүй байдлын хороо "Сансар огторгуйн зэвсэглэлийн уралдаанаас урьдчилан сэргийлэх цаашдын практик арга хэмжээ", "Сансар огторгуйн орон зайд зэвсэг байрлуулахгүй байх" зэрэг тогтоолуудыг батлах санал гаргажээ. Олон улсын хамтын нийгэмлэг нь сансарт зэвсэглэлийн уралдаанаас сэргийлэх бодит арга хэмжээ авч, сансар огторгуйг энх тайвнаар ашиглах, судлахад дэмжлэг үзүүлж, хүн төрөлхтний хувь заяаны хамтын цогцыг байгуулахын төлөө хамтран ажиллах ёстой гэдгийг дахин нотлов. Хүн төрөлхтний хувь заяаны хамтын цогцын тухай Хятадын үзэл баримтлалыг НҮБ-ын Ерөнхий Ассамблейн Зэвсэгт хүчний болон Олон улсын аюулгүй байдлын хорооны холбогдох тогтоолуудад оруулсан долоо дахь жил юм.
Мөн өдөр Хятадын Зэвсэгт хүчний асуудлын талаарх онц бөгөөд бүрэн эрхт элчин сайд Шэнь Жянь хэлсэн үгэндээ, хүн төрөлхтөн нэг бөмбөрцөг дээр амьдарч, сансар огторгуйн авчирсан ашиг тусыг хуваалцаж, аюулгүй байдлыг хуваалцдаг ашиг сонирхол, үүрэг хариуцлага, хувь заяаны нийгмийг бүрдүүлдэг. Сансар огторгуйн салбарт хүн төрөлхтний хувь заяаны хамтын цогцын үзэл санааг хэрэгжүүлэх нь энх тайван, аюулгүй, нээлттэй, хамтран ажиллах орон зайг хадгалах, бүх хүн төрөлхтөн сансрын аюулгүй байдал, хөгжлийн ашиг тусыг хуваалцахад чиглэгдэж байдаг. Зэвсэгт хүчний болон Олон улсын аюулгүй байдлын ерөнхий хороо холбогдох тогтоолуудыг дахин баталсан нь сансарт зэвсэглэлийн уралдаанаас сэргийлэх, сансар огторгуйд энх тайван, аюулгүй байдлыг хадгалах олон улсын хамтын нийгэмлэгийн сайн сайхан хүсэл эрмэлзлийг бүрэн тусгасан явдал билээ. Хятад улс бүх талын жинхэнэ олон талт үзлийг дэмжиж, сансар огторгуйн салбарт хүн төрөлхтний хувь заяаны хамтын цогцыг байгуулахыг хамтран дэмжихийг уриалж байна гэжээ.
2017 онд хүн төрөлхтний хувь заяаны хамтын цогцын үзэл баримтлалыг анх удаа "Сансар огторгуйд зэвсэглэлийн уралдаанаас урьдчилан сэргийлэх цаашдын практик арга хэмжээ", "Сансар огторгуйн орон зайд зэвсэг байрлуулахгүй байх" тогтоолуудад оруулсан. Энэ тогтоолыг Хятад, Орос болон бусад улсууд хамтран НҮБ-ын Ерөнхий Ассамблейн Зэвсэгт хүчний болон Олон улсын аюулгүй байдлын хороонд хүргүүлсэн билээ. Тэр цагаас хойш НҮБ-ын Ерөнхий Ассамблейн Зэвсэглэл, олон улсын аюулгүй байдлын хороо жил бүр холбогдох тогтоолуудыг батлан хэрэгжүүлж, сансар огторгуйн салбарт хүн төрөлхтний хувь заяаны хамтын цогцын бий болгох шийдвэр төгс байгаагаа дахин нотолсон байна.
