"Улаанбаатар марафон-2019" олон улсын гүйлтийн 6 дахь удаагийн тэмцээн өнөөдөр /2019.05.18/ Улаанбаатар хотод боллоо. 5000 метрийн зайн 12-17 насны ангилал, 5000 метрийн насанд хүрэгчдийн, 42195м, 21097м, 10000м-ийн зайн гүйлт болов.

Бүх нийтийн биеийн тамир, спортыг дэмжих зорилгоор Улаанбаатар хотод жил бүрийн тавдугаар сарын гурав дахь долоо хоногийн бямба гарагийг “Автомашингүй өдөр” болгон тэмдэглэдэг бөгөөд энэ өдөр “Улаанбаатар марафон” олон улсын гүйлтийн тэмцээн зохион явуулдаг уламжлалтай аж.